JEREMIA 41:2 - Khumi Common Language Bible

² Nathania i chapo Ismaela hawi, my i khumi leaung horeichi ly mychi i haisauchi atheu u kryh iy, samrang i bangtang kalen Kedalia ai tleh u bo.

JEREMIA 41:2 Iomraidhean Croise

2 SAMUELA 3:27

Abana ly Hebron mary y tym nai khala y, Juaba ly ni ai mary apai sahawi y palau i, leu kamsyh arum ai nai ngai nai kamta sa iy, haisau hawi kajeu y thun vau bo. Hunai kamta Abana ai padei vui nai ly Juaba i amnau Asahela ai padei vui nai deaungkho y ne.

2 ARENG KEH 25:25

Na i py saryh lo tym nai khala, samrang amjy theung i Elishama i katu, Nathania i chapo Ismaela ly khumi leaung horeichi hawi Mizapa mary y chei iy, tiu i padei vui bo. Ni ly Kedalia hawi vanrei awm nai Israela chengchi hawi Babulon chengchi ai py padei nai ne.

SAM 109:5

Nichi ly kai i hawi sa naichi ai hawi y naira mang y, kai i tamen naira ai niu ngai y naira mang y, vawitheung tha u lawh nai ne.

SAM 41:9

Kai i khrei keh nai, kai i ka-ym awm keh nai, kai hawi vanrei biu o ahawi nai khumi, kai i ahawi my malawn py, kai ai kheu hawi ang pathui bo.

JEREMIA 40:14

Kedalia teng y, “Ammon samrang Baali ly nang ai padei ai nai molam y Nathania i chapo Ismaela ai pato bo, nanai nang ly pany y a?,” nanai deng. Na i py Kedalia ly huni leu ai ym y.

JEREMIA 40:16

Na i py Kedalia my, “Huna nai ly so moh! Ismaela i satang nang i thui nai leuchi ly teng y leang,” napi.

JEREMIA 40:5

Kaimy pathang y nai khala y, Nebuzaradan my thui bi i, “Juda marychi i vui samrang i bangtang kalen y Babulon samrang my khai pi nai Shaphan i katu, Ahikam i chapo Kedalia teng y vawi teang iy, ni hawi vanrei mipuichi theung y awm ba, ti y baly nang my chei ai avo naira y chei ba,” napi. Hunaibaly ni ly langseaung hawi cha nei vawn phyrei syn ai nai ang pei iy, kai ai khuleaung amsa hai.

JEREMIA 40:7

Juda tavaimi miteaung keh phyreichi hawi, tavaimi risa phyreichi ly tavai kasum apei u y. Nichi ly Ahikam i chapo Kedalia ai Babulon samrang i bangtang kalenra y khai iy, Babulon mary mang y langheng hawi naira abawi y nai khumichi ai peang bo, nanai thai u. Hini khumichi ly pri theung y mawn keh nai khumichi ne.

JEREMIA 40:8

Hunai deaungkho y Nethaniah i chapo Ismaela, Kareah i chapo Johanan hawi Jonathan, Tanhumeth i chapo Seraiah, Netopha mary y awm nai Ephai i chapochi hawi, Maaka mary i Jezaniachi ly mychi i khumichi hawi vanrei, Kedalia i awm nai Mizapa mary y tym u bo.

JEREMIA 41:3

Ismaela ly Mizapa mary y Kedalia hawi vanrei awm nai Israela chengchi hawi, hu y awm nai Babulon tavaimichi ai py tleh u nai ne.

JOHAN 13:18

Kai ly nangchi bawibawi i satang thui nai ny y leang; kai i vawi naichi ai ly kaimy pany, na i py ‘Kai hawi biu cha nai khumi my ni i kheu patui y tapi vui bo,’ nanai Tameuh i cha-iu leu tym hai ai nai.