JEREMIA 40:7 - Khumi Common Language Bible

⁷ Juda tavaimi miteaung keh phyreichi hawi, tavaimi risa phyreichi ly tavai kasum apei u y. Nichi ly Ahikam i chapo Kedalia ai Babulon samrang i bangtang kalenra y khai iy, Babulon mary mang y langheng hawi naira abawi y nai khumichi ai peang bo, nanai thai u. Hini khumichi ly pri theung y mawn keh nai khumichi ne.

JEREMIA 40:7 Iomraidhean Croise

2 ARENG KEH 25:12

Na i py khumi kamawn phyreichi ai ly Juda pri y kreip akhochi hawi li, hlauchira y kalop sa ai nai daw jo bo.

2 ARENG KEH 25:4

Huna nai khala tavaimi risa bawibawichi ly mary apai taphra iy, vum y preang u. Nichi ly samrang i akho bai lam mang tako prei nai, mary apai nyhrei sala i katheu pa-kho mang theu u iy, Jordan leaunghawi mang y angpreng u.

JEREMIA 39:10

Ni ly ati sai py by y nai khumi kamawn phyreichi ai, kreip akhochi hawi li hlauchi pei iy Juda pri y daw jo bo.

JEREMIA 39:14

kai ai samrang yhm apai theung i nai pahawi u bo. Hunaibaly nichi ly kai ai chymme naimy yhm y tym teang ai nai Shanphan i katu, Ahikam i chapo Kedalia i kiu y au bo. Hunai deaungkho y kai ly kaimy i chengchi hawi vanrei, awm ali teang ai nai nga bo.

JEREMIA 39:4

Hina naichi ai Juda samrang Zedekiah hawi tavaimi risachi my niu baly, vum y mary theung i dengdairei preang ai nai atho sa u bo. Nichi ly akho bai lam mang, mary apai nyhrei sala i katheu pa-kho mang theu iy, Jordan leaunghawi mang y preang u bo.

JEREMIA 39:9

Kangkhym y tavailu areng Nebuzaradan ly mary theung y awm rai nai khumichi ai, mymy teng y preang u naichi hawi vanrei langheng palawn iy, Babulon mary y hawi vui nai ne.

JEREMIA 41:1

Huni saneng saryh lo y samrang i bangtang kalen leaungrei, Elishama i katu, Nethaniah i chapo samrang amjy leaungrei ne nai Ismaela ly khumi leaung horei hawi, Kedalia ai ka-vum sa ai nai Mizapa mary y chei u bo. Nichi ly mary y vanrei cha nei u nai thym khala,

JEREMIA 41:10

Hunaibaly Ismaela ly Kedalia i kry nai anui y awm ai nai, tavailu areng Nebuzaradan my au nai samrang i chaniuchi hawi, Mizapa mary y awm rai nai khumi bawibawichi ai patiu iy, Ammon pri mang y langheng hawi be nai ne.

JEREMIA 41:11

Ismaela i reita taphra naichi ai Kara i chapo Johanan hawi tavaimi luchi my thai u nai ne.

JEREMIA 43:6

neampacho, neampachy, deaungdichi hawi samrang i chaniuchi napi nai khumi bawibawichi ai py, Kedalia i kiu y Nebuzaradan my au nai kai hawi Baru napi nai khumi bawibawichi ai py, hawi pawn nai ne.

JEREMIA 52:16

Na i py ati sai py by y nai khumi, kamawn kateu phyreichi ai ly Juda pri y daw jo iy, kreip akhochi hawi li hlau kalopchi sa hai nai ne.

Ezekiela 45:16

“Khumi mipui bawibawichi ly hini katalamrachi ai, peang thym nai samrang teng y syn pi ai nai tla.