JEREMIA 4:9 - Khumi Common Language Bible

⁹ Areng my, “Huni kani y samrangchi hawi samrang i bangtangchi ly paleung phra atho di u ai. Pathyp pi nai keungchi ly lyh u ai i, amochi ly mynkym u ai,” napi.

JEREMIA 4:9 Iomraidhean Croise

2 ARENG KEH 25:4

Huna nai khala tavaimi risa bawibawichi ly mary apai taphra iy, vum y preang u. Nichi ly samrang i akho bai lam mang tako prei nai, mary apai nyhrei sala i katheu pa-kho mang theu u iy, Jordan leaunghawi mang y angpreng u.

SAM 102:4

Kai ly acha keung kamta pakhau piupa nai avum iy, jeirawm naimy awm ai; kai ly teicha cha ai nai paleung by y na bo.

ISAIA 19:16

Aikupta chengchi ly neampachy kamta, jeisi nai neng kani tym ai. Ati cheaungkhang sa thai nai keung Areng ly nichi ai pajeng ai nai kiu pahyn naimy awm, nanai niu u nai khala y, nichi ly jei hyn u ai.

ISAIA 19:3

Kai ly Aikupta chengchi i dawn pasym naichi phra hai iy, nichi i paleung ka-dawn py phra hai ai. Nichi ly mychi i chiu nai mynchi teng y, kasabawmra hnei u ai. Vawinam pakun kawp naichi teng y chei iy leu deng ai i, khumi kadeichi i phailochi teng y katau hnei u ai.

ISAIA 28:19

Nichi ly nangchi ai khawn tleirei, ang tiu taleang ang tiu taleang bi ai. Nangchi ly vum kanithun patang u ai. Tameuh i leu pei nai tleirei y, jei hyn naimy awm u ai.

JEREMIA 2:26

Areng my, “Patiu naira avum nai neng khala y kangviu khumi ly kangji nga nai kamta, nang i samrangchi, samrang i cho chanauchi, pathyp pi nai keungchi, amochi, nangchi Israela cheng mipui bawibawichi ly kangji nga u ai.

JEREMIA 25:34

Kamkawm luchi awi, vo tangam u; kai i khumichi ai kry nai beram typ nai keungchi awi, khri pa-rei aeu u! Paleungsi naimy spryhchira y jawn u tlawntlan. Ang padei ai nai neng tym bo i, nangchi ly beram kataichi kamta dei u ai.

JEREMIA 37:19

Babulon samrang ly nang ai py, hini pri ai py tiu ai ny y, nanai ang thui pi nai keung nang i amochi ly ma mang y awm u pawn mo?

JEREMIA 48:41

Marychi hawi amtangrachi ai ly peang vui ai. Huni kani y Moba tavaimichi ly deaungdi tapen ai nai achai nai neampachy kamta, jei hyn u ai.

JEREMIA 5:31

amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”

JEREMIA 52:7

Huna nai khala mary apaichi ly anawi be bo. Mary ai Babulon chengchi my katanmeuh teu i py, tavaimi risa bawibawichi ly vum y preang u nai ne. Nichi ly samrang i akho lam mang theu iy, apai nyhrei sala y awm nai katheu pa-kho mang theu i, Jordan leaunghawi mang y preang u bo.

AMTAW 13:41

‘Tahm khai y nai keungchi awi, khen u cham, Rengrang py ti u ly, tamo my tamo u; Nangchi heng nai ryrei ly hini kai i atiti sairei sa nai ly Huni ly ami my nangchi teng y ang thui pi i py Nangchi pipi ym ai ny y,’ nanai ly,” napi.