JEREMIA 4:7 - Khumi Common Language Bible

⁷ Aeungra i nai ang theu nai khrangsi kamta, Khumi cheng cheaungkhangchi ai taphra ai nai keung ly ang jeu dudu bo. Ni ly Juda pri y taphra ai nai ang jeu bo. Juda marychi ly phra seaungkhrang naimy khumi angso savai tlang vui ai.

JEREMIA 4:7 Iomraidhean Croise

2 ARENG KEH 24:1

Samrang Jehojakim my peang nai thym khala y, Babulon samrang Nebukhadnezar ly Juda pri y tiu ai nai tym. Jehojakim py ni i peang nai anui y saneng thom ryrei awm; huni bo baly tiu bo.

2 ARENG KEH 25:1

Zedekiah ly Babulon samrang Nebukhadnezar ai tiu nai ne. Hunai deaungkho y Nebukhadnezar ly my i tavaimichi hawi jeu iy, Zedekiah i peang nai saneng takaw, lo ho, kani horei kani y Jerusalem mary ai tiu bo. Ni ly mary angam mang y meingtym la iy, mary kamki abyhra angawmchi sa nai ne.

ISAIA 1:7

Nangchi i pri ly phra iy nangchi i marychi py, maidym satlawi lawm vui bo. Nang khen nai thym khala my py, pri takhra khumichi ly nangchi i khu peang vui iy, ati cheaungkhangchi ai phra hai pawn bo.

ISAIA 5:9

Ati cheaungkhang sa thai nai Areng my, “Hini apu parai nai yhm puichi ly khumi angso by y nai yhm kaphrachi lawm ai.

ISAIA 6:11

Kaimy py, “Aw Areng, hina nai tym nai ly mana tanrei kra ai mo?,” nanai deng. Mymy ly “Marychi phra seaungkhrang iy daihaulau naimy awm nai neng ryrei awm ai. Yhmchira y khumi by y i, huni pri py khumi angso savai tlang nai neng ryrei awm ai.

JEREMIA 2:15

Paleung ka-echi ly ni ai khrangsi kamta hang hai bo. Ni i pri y jeng hai rawm bo. Ni i mary ly phra seaungkhrang iy, khumi angso savai na bo.

JEREMIA 22:6

“Kai i vui Juda samrang i yhm ly Kilead pri kamta py, Lebanon mawi saleung kamta apu i py, kai ly huni meingtym ai khumi angso savai tlang nai daichi ka-vym lawm hai ai.

JEREMIA 22:7

Huni samrang yhm taphra ai nai khumichi kapato ai. Nichi ly atiuchi syn naimy apu parai nai saitleang yhmmawm puichi ai tameang pawn iy, mai theung y aphi u ai.

JEREMIA 25:38

Khrangsi ly my i tapiu khai su nai kamta, Areng ly mymy i khumichi ai khai su veng bo. Ka-jei awm parai nai tavai takai hawi, Areng i khri pa-rei kado theu nai molam y, nichi i pri ly khutaha daichi ka-vym lawm veng bo.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 26:9

Ati mana nai y Achura yhm ly Siloh avang kamta lawm ai, nanai hawi, huni mary ai ly taphra vui iy, khumi angso savai tlang naira lawm ai, nanai py, nang ly Areng i amyn y thui katheu lawh a? nanai aeu bo. Naibaly khumichi ly Achura yhm theung y achu iy, kai ai katanmeuh bo.

JEREMIA 27:8

Na i py mani khumi cheng, ti y baly mani pri ly huni samrang i peang nai anui y awm y baly, huni khumi chengchi ai Nebukhadnezar my taphra y ryrei ly tavai ka-jeira, tahum takang hawi no kanghawichi hawimy kai ly pajeng ai.

JEREMIA 33:10

Areng my, “Hini meingtym ly khutaha daichi ka-vym kamta khumi angso, tawnbawichi by y naira ne, nanai khumichi thui u lengleang nai ne. Juda marychi hawi Jerusalem mary lamchira y khumi angso, tawnbawichi savai tlang veng bo, nanai ly teng khyp nai ne. Na i py huni meingtymchira y,

JEREMIA 34:22

Huni tavaimichi ai kaimy leu pei nai deaungkho y, nichi ly vawi ali iy, hini mary ai tiu chum baly mai leng pawn ai. Kai ly Juda marychi ai khumi angso by y nai, khutaha daichi ka-vym lawm hai ai. Hini ly kai, Areng i thui nai leu ne,” napi.

JEREMIA 4:29

Keaungngo atang nai risachi hawi, thailiho pa nai khumichi i katyn thai nai khala, khumi bawibawichi ly angpreng u pawn ai. Khumi phyreichi ly thengreung theung y py, phyreichi ly lengseaungchi salo y py angpreng u ai. Mary bawibawichi ly harei awm khyh ai i, khumi angso savai tlang nai lawm ai.

JEREMIA 44:2

Israela chengchi i Tameuh, ati cheaungkhang sa thai nai keung Areng my, “Jerusalem mary hawi takhra Juda marychi ai kaimy ka-jeira tym hai nai ly nangmychi kypkyp my niu chum bo. Huni marychi ly vaini khrairei phra seaungkhrang iy khumi angso savai tlang jo nai ne.

JEREMIA 46:18

Ati cheaungkhang sa thai nai keung kai, Areng ly samrang ne. Kai ly heng nai Tameuh ne. Tabor mawi ly mawi cheaungkhangchi tleaung y asang keh nai kamta py, Karamela mawi py pangli sahawi y asang parai naimy awm nai kamta py, nangchi ai ang tiu ai nai khumi ly khri pa-rei atho awm ai.

JEREMIA 49:19

Kai ly Jordan tavo jeungrei y awm nai daichi kabeng theung i dengdairei, heng-a nai sui tlai naira meingtym y theu nai khrangsi kamta theu iy, Edom chengchi ai mychi pri i nai paryh pawn ai. Hunaibaly kai ly huni pri y peang ai nai samrang leaungrei vawi takhra pi ai. Kai ai ami hawi pata pajau ai mo? Kai ai ami tiu pajau ai mo? Mani samrang ly kai ai awi pajau ai mo?

JEREMIA 5:6

Huna nai deaungkho y daichi mang i khrangsichi ly nichi ai kei u ai. Khutaha daichi ka-vym i kasuichi ly nichi ai keileu keileu ai. Takai kheangchi py nichi i marychi sahawi y o iy, mary angam mang y theu nai khumi ngiereichi ai keileu keileu pawn ai. Ati mana nai mo nabaly huni khumichi ly kamngo nawi nai khyh chang y i, Tameuh ai avaw avawrei nithun thun u nai deaungkho y ne.

JEREMIA 50:17

Areng my, “Israela khumichi ly khrangsichi my kei nai deaungkho y, ahei dan nai beramchi hawi atawm. Angchei y Asuria samrang ly nichi ai tiu bo. Huni bo y Babulon samrang Nebukhadnezar my, nichi i hiuchi taai piupa pawn nai ne.

JEREMIA 50:44

“Kai Areng ly Jordan tavo jeungrei ra y awm nai daichi kabeng theung i dengdairei, heng-a nai acha bai mang y theu piu nai khrangsi kamta, theu iy Babulon khumichi ai mymychi mary i nai, vaimy kaparyh ai. Huni bo baly kai ly huni pri y peang ai nai samrang leaungrei vawi takhra pi ai. Kai ai ami hawi pata pajau ai mo? Mani samrang ly kai ai awi pajau ai mo?

JEREMIA 8:16

Paleung ka-echi ly tosyh mang y awm nai Dan mary tym pa-rei tym u i, nichi i keaungngochi i noseng eng nai katyn achi thai bo. Nichi i keaungngochi hang nai khala, pri verei kasotheu u nai ne. Nichi ly achi i pri hawi achi i pri y awm nai ngierei, achi i mary raurei, mary i mipuichi ai tamyh pawn ai nai ang tym u nai ne,” nanai thui u bo.

JEREMIA 9:11

Areng my, “Kai ly Jerusalem mary ai kasuichi aeungra, yhm hlau kaphrachi pakheng achu nai meingtym lawm hai ai. Juda marychi py khumi angso savai tlang nai tui by y nai daichi ka-vym lawm ai,” napi.

Ezekiela 12:20

Khumi angso bi-ai nai mary puichi ai kataphra ai i, pri verei y khumi angso savai tlang nai daichi ka-vym lawm hai ai. Huna nai khala kai ly Areng ne, nanai nichi pany u ai,” napi.

Ezekiela 21:31

Kai ly mai kangveaung kamta kai i kado theu naira ly nang i tlang tleaung y kang tym hai ai. Nang i tlang tleaung y pahyp y naimy ana nai keung, kataphra kawp nai khumichi teng y kang au ai.

Ezekiela 32:2

Mymy ly “Nang khumicho awi, Aikupta samrang teng y hawihai palai pany hai ai nai ly: nang ly khumi cheng cheaungkhangchi tlang tleaung y khrangsi kamta sa teu i py, tavo theung y tui taby iy panu hai nai satam hawi atawm keh. Nang i kheu hawi tavo tui panuta hai ai nai lilu piu bo.

DANIELA 5:19

Ni ly khri pa-rei tahm asang nai deaungkho y, cheng leu cheaungkhang katheu nai khumi neangneangchi hawi, pri neangneangchi ra i khumi bawibawichi ly jei hyn u bo. Ni ly mymy padei ai ngai nai khumi ai padei iy, heng hai ai ngai nai khumi ai heng hai bo. Tahm pasang ai ngai nai khumi ai tahm pasang iy, tahm panem ai ngai nai khumi ai tahm panem nai ne.

DANIELA 7:4

Angchei i mawi kasi ly khrangsi hawi atawm i, ahm kamta pakhichi awm. Kai ly khen nai thym khala y huni mawi kasi ly pakhichi amui pawn i, khaileaung salo y achaw naimy, khumi kamta angdo bo. Naibaly ni ly khumi paleung nga nai ne.

Levi 26:31

nangchi i marychi kataphra pawn iy nangchi i chiu nai meingtymchi py phra hai ai. Nangchi i kapathyprachi py kang kawn pi ai ny y.

Levi 26:33

Kai ly nangchi teng y tavai takai tym hai iy, nangchi ai pri takhra mang y ahei hai ai. Nangchi i pri ly khumi angso by y iy nangchi i marychi py phra seaungkhrang ai.