JEREMIA 4:6 - Khumi Common Language Bible

⁶ Zion mary mang y chei tapai u! Chymme naira mang y angpreng u! Patyh u moh! Areng my khri pa-rei phra naira hawi ka-jeira ai tosyh mang dengdairei ang tym hai ai.

JEREMIA 4:6 Iomraidhean Croise

ISAIA 62:10

Jerusalem mary i khumichi awi, mary theung i nai theu u; amychi i pri y vawi nai nangchi i khumichi i vui lam so pi u! Lam pui lam len so u; lengseaungchi aphi u pawn! Khumi mipuichi pany hai ai nai ka-ma-ra tamkhawnchi theaung u.

JEREMIA 10:22

Tangai u! Satang harei angym bo! Tosyh mang i cheng harei ly khri pa-rei khrukhra naira theu bo. Nichi ly Juda marychi ai khivachi aeungra, khumi angso savai tlang naira lawm hai ai,” napi.

JEREMIA 18:11

Huna nai y kai ly Juda khumichi hawi Jerusalem mary i khumichi ai, ka-awi sa ai tau nai hawi kapajeng ai sa rym naichi py thui pi. Khumi bawibawichi kamngo sa nai anawn u ai nai hawi, mychi i heng nai hawi amhi amtlau naichi takhra u ai nai Areng my leu pei nai thui pi ba.

JEREMIA 21:7

Tavai takai, tahum takang hawi no kanghawi y dei bawi y nai Juda samrang Zedekiah, ni i bangtangchi hawi khumichi ly mychi ai padei ai ngai nai paleung ka-echi hawi Nebukhadnezar i kiu y patiu hai ai. Nebukhadnezar my py nichi ai padei hai ai. Ami ai py kangheng khai ai ny y, ami ai py pahen pi ai ny y. Hini ly kai, Areng i thui nai leu ne,” napi.

JEREMIA 22:7

Huni samrang yhm taphra ai nai khumichi kapato ai. Nichi ly atiuchi syn naimy apu parai nai saitleang yhmmawm puichi ai tameang pawn iy, mai theung y aphi u ai.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 4:21

Kai ly tavai atiu nai ai mana tanrei kakra kaneu ai mo? Baw katyn mana tanrei thai veangveang ai mo?

JEREMIA 50:2

“Babulon mary ly phra vui bo! Huni mary i Marduk tameuh ly tleu piupa pawn veng bo! Babulon mary i amso ngai hawi nai mynchi ly kangji nga iy taphra naira avum u lawh bo ly! Hini satang ai khumi cheng cheaungkhangchi teng y thai hai u! Ka-ma-ra tamkhawn patei iy thai hai u! Huni satang ai apha hai vui moh!

JEREMIA 50:22

Huni pri y tavai atiu nai katynchi thai nai ne. Phra nai sai py ka-teng ny y na.

JEREMIA 51:12

Babulon mary apaichi panawi ai nai ka-ma-ra patei u. Nangchi i tamcheaung kamkawm khai panawi bi! Tamcheaungchi ai amo hai yb. Lampawm atheng ai nai tavaimi risachi ai tahyh u,” nanai leu pei u bo. Areng ly mymy i dawn yb nai kamta, Babulon khumichi ai pajei nai ne.

JEREMIA 51:27

“Atiu ai nai pany hai nai ka-ma-ra patei u! Khumi cheng cheaungkhangchi thai u ai nai baw eng u! Babulon mary y tiu ai nai khumi cheng cheaungkhangchi ai angveirym hai u! Ararat pri, Minni pri hawi Ashakena prichi ai tiu ai nai thui pi u. Lu sa iy tiu pajau ai nai tavailu areng keh vawi takhra u. Akhu kanghuchi kamta tavai thau hai u.

JEREMIA 51:54

Areng my, “Babulon mary y vo u nai raawi py, pri phra nai deaungkho y paleung si u nai raawi py tangai u.

JEREMIA 6:1

Benjamin mipuichi awi, chymme naira mang y angpreng u! Jerusalem mary i nai theu u! Tekoa avang y baw eng u. Bethekarin avang y ka-ma-ra maiteaung to u. Ka-jeira hawi phra naira ly tosyh mang dengdairei ang tym ai.

JEREMIA 6:22

Areng my, “Tosyh mang y awm nai pri hareira i khumichi ly tavai thau u ai. Kamlora i atho len nai khumi cheng ly tavai tiu ai nai angveirym bo.

Ezekiela 9:1

Naibaly Tameuh my, “Jerusalem mary ai pajeng ai nai khumichi awi, jeu u; nangmychi hawi vanrei tavai ateaungchi py syn u,” nanai tao pajeng parai nai raawi hawi leu pei nai kai ly thai bo.

Ezekiela 9:2

Huna nai khala tavai ateaung syn u kryh nai khumi leaung tariureichi ly Achura yhm tosyh ngan mang i katheu pa-kho mang ang theu u nai ne. Nichi hawi vanrei kanih mai ka-syn amthyp iy cha tajiurachi syn nai khumi leaungrei py abawi; nichi bawibawi ly kheupaja maicham sahawi y angdo u.

ZEPHANIAH 1:10

Areng my, “Huni neng kani y Jerusalem mary ngo apai katheu pa-khora y vo nai raawi thai u ai. Mary kangtha mang y khumichi vo nai raawi py, mawi aheungchira y phra nai katynchi py thai u ai.

ZEKHARIAH 6:6

Keaungngo kamnumchi my ryh nai keaungngo ka-ri ly tosyh Babulon pri mang y, keaungngo kangleungchi my ryh nai keaungngo ka-ri ly nidym mang y, keaungngo kariurachi my ryh nai keaungngo ka-ri ly tokalawi mang y chei u nai ne.