JEREMIA 4:24 - Khumi Common Language Bible

²⁴ Kai ly mawichi mang y khen bi nai khala, mawi katheang kalenchi ly ahyn ka-lau nai ne.

JEREMIA 4:24 Iomraidhean Croise

1 ARENG KEH 19:11

Naibaly Areng my ni teng y, “Tapiu theung i nai theu iy, mawi saleung kai i mo y angdo ba,” napi. Hunaibaly Areng ly ni i sahawi mang tako prei i, ali kamchai aho hai bo. Hunai deaungkho y mawichi ly ako i, lengseaungchi py kawi phro pawn nai ne. Na i py Areng ly huni ali kamchai theung y awm nai ny y; ali aho nai anawn nai khala y kaleih theu; na i py huni kaleihra y awm nai ny y.

SAM 18:7

Naibaly Tameuh i kado theu nai molam y, khaileaung amchyh na pa-rei kalei theu hai. Mawichi ly kheutang mang dengdairei amchyh. Sabawmra nga ai nai kai i aeu nai raawi, mymy ly thai bo.

SAM 77:18

Nang i alipakang katyn ly amsau na i, amlosadi kangvang py, khaileaung pri verei y ang teaung na; khaileaung ly amchyh neung na bo.

SAM 97:4

Mymy i amlosadichi ly khaileaung pri verei y angvang hai; huna naichi niu nai khala y, khaileaung ly amchyh neung bo.

THEU NAI 19:18

Areng ly mawi salo y mai kangveaung kamta satla kathiu nai deaungkho y Sinai mawi verei ly mai khyh my khiu cheng bo. Tamang mai khyh kamta mai khyh ly khyh kalau iy khumichi ly kaso theu u tliu na bo.

ISAIA 13:13

Ati cheaungkhang sa thai nai keung kai, Areng my kado theu hai nai khala, kani khusang ly amchyh neung ai i, khaileaung py awm kari ra i nai asyh vui ai.

ISAIA 24:20

Khaileaung ly ali kamchai chawm nai tai kamta py, nei cha ala nai khumi kamta py, atlym khikha ai. Khaileaung pri ly kamngo mynji my tei nai deaungkho y, anawi vui ai; ang thau ali teang pajau ai ny y.

ISAIA 5:25

Areng ly mymy i khumichi tlang tleaung y kado theu i, pajeng ai nai kiu pheu nai deaungkho y, mawichi ly amchyh neung na ai. Khumi kadei veuchi ly lamchi salo y anyn angso kamta awm jo ai. Huna teu i malawn py Areng i kado theu nai ly rym ai ny y. Mymy ly kamngo pajeng ai nai kiu pheu naimy awm ai.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

JEREMIA 8:16

Paleung ka-echi ly tosyh mang y awm nai Dan mary tym pa-rei tym u i, nichi i keaungngochi i noseng eng nai katyn achi thai bo. Nichi i keaungngochi hang nai khala, pri verei kasotheu u nai ne. Nichi ly achi i pri hawi achi i pri y awm nai ngierei, achi i mary raurei, mary i mipuichi ai tamyh pawn ai nai ang tym u nai ne,” nanai thui u bo.

JEREMIA 9:10

Jeremia my, “Mawi aheungchi i vui kai ly tangam ai. Acha baichi i vui kai ly vo ai. Ati mana nai mo nabaly sui tlairachi ly jengha vui iy, aki aleaung nai khumi by y nai deaungkho y ne. Beram hawi sichi a-u nai katyn thai y bo. Tavochi, daichi mawichi py preang pawn bo,” napi.

Ezekiela 38:20

Khaileaung pri y awm nai khumi, ngo, tavo hawi tawnbawichi, khaileaung pri y tlum tlai nai takhra heng nai amjy katheang kalen bawibawichi ly kai ai jei hyn u ai. Mawichi akai iy lengseaungchi kawi piu ai i, apai awm nai ngiereichi ly anawi ai.

MIKHA 1:4

Huna nai khala mawichi ly mai hawi avum nai phajeaungdeng kamta tlawn vui ai. Naibaly mawi salo mang dengdairei mawi anui y tui leaung nai kamta, leaunghawi mang y athui jawn ai.

HABAKKUK 3:10

Nang ai niu nai khala, mawichi ly amchyh u; Kani mang dengdairei tuichi leaung. Khaileaung theung i tuichi ly katyn amsau na; tui sampyhchi py asang na bo.

HABAKKUK 3:6

Mymy anawn nai khala y, khaileaung amchyh na. Tlenrei khen lau nai ryrei my, khumi cheng cheaungkhangchi ahyn u bo. Deungrei awm nai mawichi ly dei lawm vui iy, jangni jangkhawn i neng y mymy aleaung reng nai, mymy awm jojo nai mawi katheangchi ly tama pawn veng bo.

AMTENG HAI NAI 6:14

Naibaly kani ai ly cha-iu aeang taeang nai kamta tasyh vui bo; mawi pui bawibawi hawi, tlawn bawibawi py nichi i meingtym i dengdairei tasyh vui bo.