JEREMIA 4:19 - Khumi Common Language Bible

¹⁹ Kai i paleung pathym no-ei na! kham pajau y na pa-rei no-ei na! Kai i paleung khri pa-rei ahyn thlyhthlyh na! Kasa them nai bo! Kai ly awm py thai y bo. Baw eng nai katyn hawi tavai tiu aeu nai raawichi py kathai bo.

JEREMIA 4:19 Iomraidhean Croise

ATITI AWM ANGCHEI NAI 49:6

Nini ly kado theu hawi i khumi ai tleh iy si kataichi i kheu ai pakhau peu atyhtyh nai deaungkho y, kai ly nini i sa pavui naira y abawi y ai; nini i leu ka-rumra y py abawi pi ai ny y.

2 ARENG KEH 4:19

Tlenrei khyhmy deaungdi ly ampo teng y, “Kai ly lu no parai! kai ly lu no parai!,” napi. Naibaly ampo my miseaung leaungrei teng y, “Deaungdi ai tapawm iy amhm teng y tha,” napi.

2 ARENG KEH 8:11

Naibaly Elisa ly Hazaela awm thai y na pa-rei, ka-jei hawi nai meimai hawi khen kalingie iy vo bo.

SAM 103:1

Aw kai i phailo, Areng ai palo! kai i tlang paleung phailochi awi, mymy i amyn kachai ai palo u!

SAM 116:7

Aw kai i paleung awi, Areng ai ym kalingie ba; ati mana nai mo nabaly mymy ly kai ai pahen nai keung ne.

SAM 119:136

Khumichi ly nang i reita leu ai tangai u y nai deaungkho y, kai i mei katuichi ly tavo tui kamta leaung na bo.

SAM 119:53

Khumi aso y naichi my nang i reita ai khai su nai niu nai khala y, kai ly kado theu nai ne.

SAM 146:1

Areng ai palo! Aw kai phailo, Areng ai palo!

SAM 16:2

Kai ly Areng teng y, “Nang ly kai i Areng ne; kai i nga nai hawi naira ngierei ly nangmy pei naichi ne,” napi.

ISAIA 15:5

Kai ly Moba pri i vui vo tangam bo! Mipuichi ly Zorath mary Ekalath Shelishija ryrei preang u. Phyrei khumichi ly meikatui tla naimy, Luhith mawi lam kataw lyn u bo. Phyreichi ly paleung si vo hang naimy, Horonam mary mang y preang u nai ne.

ISAIA 16:11

Kai ly Moba pri i vui paleung hawi y naimy, Kir Here mary i vui paleung si naimy tangam lawh bo.

ISAIA 21:3

Paleung mei y niu nai, thai naichi deaungkho y kai ly deaungdi tapen nai neampachy kamta athengra iy, patang naira avum nai ne.

ISAIA 21:4

Kai i lu ly ami kalaka naimy, kai ly jei nai paleung kaso theu na bo. Kai ly dym tengsa kadeaung nai ne. Na i py huni neng ly kai ai athengra hai nai ny y baly, ati sai py so y nai ne.

ISAIA 22:4

Vai ly kai ai, kaimy tlairei khrikhri pa-rei kavo ai nai pei kyh. Kai i khumi neangneangchi ly dei u pawn lawh bo i, kai ai paleung pahawi ai nai atho so moh jau ba.

JEREMIA 13:17

Nangchi tangai u y lawh baly, kai ly nangchi i amlyh am-e nai molam y vo paryp ai. Kai ly paleung si nai khri pa-rei vo ai. Ati mana nai mo nabaly Areng i khumichi ly langheng y hawi pawn nai deaungkho y, kai ly meikatui tla ai.

JEREMIA 20:9

Na i py, “Kai ly Areng ai katami veng ai; mymy i amyn y leu kathui y leang bo,” nanai kai, kathui nai khala, nang i leu ly kai i paleung theung y mai kamta angveaung iy, kai ly huni leu ai paleung theung y pateung me ai nai atho kasa teu i py, pakymme pajau y bo.

JEREMIA 23:9

Amochi i molam y hina nai thui pi bo. Kai i paleung ly ama i, kai i hiuchi ly kaso theu naimy awm bo. Areng deaungkho y py, mymy i leu pei nai kachaichi deaungkho y py, kai ly kreip hang nei ala iy pavui nai khumi hawi atawm nai ne.

JEREMIA 4:21

Kai ly tavai atiu nai ai mana tanrei kakra kaneu ai mo? Baw katyn mana tanrei thai veangveang ai mo?

JEREMIA 4:5

Juda pri verei y baw eng u! Raawi amchang iy tao pajeng parai naimy aeu u! Juda mipuichi hawi Jerusalem mary i khumichi ai amtangra marychi mang y angpreng ai nai thui pi u.

JEREMIA 42:14

Tavai ka-jeira avum bi y ai nai, tavai pasau ai nai baw katyn thai bi y ai nai, kajeu kanglam by y nai Aikupta pri y kaichi kachei u ai,’ nanai nangchi thui ai nai avo y.

JEREMIA 49:2

Na i py kai ly Rabah mary i khumichi ai tavai atiu nai katynchi thai ai nai neng tym hai ai. Huni mary ly phra naimy huni i avangchi py mai y kang ai. Huna nai khala y Israela chengchi ly mychi i pri peang vui nai khumichi kiu i, pri nga u ali teang ai.

JEREMIA 50:22

Huni pri y tavai atiu nai katynchi thai nai ne. Phra nai sai py ka-teng ny y na.

JEREMIA 6:24

Jerusalem mary i khumichi my, “Hini satang kaichi thai nai khala y, kaichi i kiubanchi ly tla thlawi veng bo. Kaichi ly deaungdi tapen ai nai achai nai neampachy kamta, khri pa-rei no patang u bo.

JEREMIA 8:18

Kai i paleung si nai rym vui pajau y. Kai i paleung ly patang bo.

JEREMIA 8:21

Kai i chengchi ly tamyh naira avum u nai deaungkho y, kai i paleung ly phra piu veng bo. Kai ly vo tangam naimy khri pa-rei phailo seaung na bo.

JEREMIA 9:1

Kai ly dei naira avum nai kai i chengchi i vui vum kanithun vo pajau ai nai kai i meichi ly meikatui ly tuino kamta py, kai i lu ly tuikan kamta py, lawm ai ngai parai na bo.

JEREMIA 9:10

Jeremia my, “Mawi aheungchi i vui kai ly tangam ai. Acha baichi i vui kai ly vo ai. Ati mana nai mo nabaly sui tlairachi ly jengha vui iy, aki aleaung nai khumi by y nai deaungkho y ne. Beram hawi sichi a-u nai katyn thai y bo. Tavochi, daichi mawichi py preang pawn bo,” napi.

TANGAM NAI LEU 1:16

“Hunai deaungkho y kai i meichira i, mei katuichi leaung bo. Kai ai ami py awmnem naira pei pajau y. Ami py paleung atho ham pa-rei pei pajau y. Paleung ka-echi ly kaichi ai ang pajau u vui bo. Kai i khumichi teng y py, yhmtheaung katui ati sai py by y leaung bo.”

TANGAM NAI LEU 1:20

“Aw Areng, Kai i paleung bi paleung mawn nai py, kai i paleung phailo khri pa-rei patang naira avum nai py, khen cham. Kai ly kaimy i kamngo nai molam y, paleung mawn nai ne. Lam y khumi ai padei nai avum; yhm angtheung y py, deira avum nai bo.”

TANGAM NAI LEU 2:11

Kai i meichi ly vo ala nai deaungkho y, pajai na bo; kai i paleung phailo py, khri pa-rei patang parai bo. Kai ly kaimy i khumichi myh kang pawn nai molam y, paleung si parai naimy atho py bai na bo. Deaungdichi hawi deaungdi chymplei naichi ly mary theung i lamchira y paleung veang y naimy atlym u bo.

DANIELA 4:19

Naibaly Beltesazar napi nai Daniela ly khri pa-rei kaso theu nai deaungkho y, leu py katheu thai y na bo. Samrang my, “Nang Beltesazar awi, amang hawi amang i awm nai sai molam y kaso theu moh,” napi baly, Beltesazar my, “Samrang awi, huni amang hawi awm nai sai ly nang i vui ny y naimy, nang i paleung ka-echi i vui ne sy.

DANIELA 7:15

Kai i paleung mei y niu naichi molam y kai ly kaso theu i, paleung adi-adiu bo.

DANIELA 7:28

Hini ly tym ai nai leaungsai i tem naira ne. Kai ly khri pa-rei kaso theu nai deaungkho y, meimai takhuisui vui bo. Hini leaungsai bawibawichi ai paleung theung y pateung me jo nai ne.

DANIELA 8:27

Kai, Daniela ly kani neangneang paleung atho di naimy no bo. Naibaly kai ly ang thau iy, samrang my pei nai kalop kasa nai ne. Na i py huni paleung mei hawi niu nai molam y paleung adi-adiu nai deaungkho y, kai ly huni i awm nai sai ai pany thai y na bo.

AMOS 3:6

Mary theung y tavai baw eng nai katyn thai baly, mary i khumichi ly jei hyn y nai awm na a? Areng my pajeng khala naini, mary theung y patang naira tym nai ny y a?

HABAKKUK 3:16

Kai ly hini leaungsaichi thai baly kaso theu; kai i labeaung teng ly jei nai ahyn thlyhthlyh naimy tlang ly nau vui iy, kheuchi ly atlym khikha na bo. Kaichi ai tiu nai khumichi ai, Tameuh my pajeng nai neng tym pa-rei, kaichi ly awmnem nai my ajeng ai.

Kati Nai 10:9

Nangchi i pri y paleung ka-echi my tiu nai khala y, paleung ka-echi ai amtang iy tiu teang ai nai, hini bawchi eng iy tavai kachyh ai nai tla. Nangchi i Tameuh, Kai Areng ly nangchi ai sabawm ai i, paleung ka-echi kiu i nai atleu ai.

ROM AVANGCHI TENG Y PAWLA I CHA PA NAI 10:1

Amjo amnauchi awi, kai i paleung i kangai hawi mymychi i vui y Tameuh teng y chiu kasa pi nai ly, nichi ly hengra nga u thai ai nai ne.

I KORINTH 14:8

Baw ly sailang amny y naimy tyn baly tavai atiu ai nai ami angvei ai mo?

KALATIA 4:19

Bechi awi, Krista ly nangchi theung y angpa be y ryrei ly deaungdi tapen ai achai nai kajeu kano bi nai bo he.

TARA CHIH NAI KEUNGCHI 5:21

Tui ho parai nai kishon tavo ly lem na i, paleung ka-echi ai amjau hai pawn bo. Kai ly tavai thau ai, atho haiho hawi mo mang y lyn ai.