JEREMIA 4:15 - Khumi Common Language Bible

¹⁵ Dan pri mang i jeu nai savai hawi Ephraim mawi aheungchi mang i mo kamtheungchi my satang hawi y naichi thai hai bo.

JEREMIA 4:15 Iomraidhean Croise

ISAIA 52:7

Aly nai satang kahawi syn pi nai keung, savai leaungrei mawi aheung tako prei nai ai niu nai ly khri pa-rei apu parai na ly! Huni savai ly atleu nai satang thai hai iy Zion mary ai, “Nang i Tameuh ly samrang ne!,” napi.

JEREMIA 10:22

Tangai u! Satang harei angym bo! Tosyh mang i cheng harei ly khri pa-rei khrukhra naira theu bo. Nichi ly Juda marychi ai khivachi aeungra, khumi angso savai tlang naira lawm hai ai,” napi.

JEREMIA 6:1

Benjamin mipuichi awi, chymme naira mang y angpreng u! Jerusalem mary i nai theu u! Tekoa avang y baw eng u. Bethekarin avang y ka-ma-ra maiteaung to u. Ka-jeira hawi phra naira ly tosyh mang dengdairei ang tym ai.

JEREMIA 8:16

Paleung ka-echi ly tosyh mang y awm nai Dan mary tym pa-rei tym u i, nichi i keaungngochi i noseng eng nai katyn achi thai bo. Nichi i keaungngochi hang nai khala, pri verei kasotheu u nai ne. Nichi ly achi i pri hawi achi i pri y awm nai ngierei, achi i mary raurei, mary i mipuichi ai tamyh pawn ai nai ang tym u nai ne,” nanai thui u bo.

JOSUA 17:15

Josua my, “Nangchi ly khumi neangneang peung nai deaungkho y, Ephraim i vui pei nai mawi aheung meingtym theang lawh baly, Perizi hawi Riphaim chengchi awm nai meingtymra i, daichichi tapyh iy awm u,” nanai pathang.

JOSUA 20:7

Hunai deaungkho y nichi ly Jordan tavo nidym mang y Naphtali mawi aheung i, Hebron marychi ai abyhra marychi palawn iy, vawi u takhra bo.

TARA CHIH NAI KEUNGCHI 18:29

Huni Laisa mary amyn py Jakob i chapo, mychi i amsi pajo Dan ai pany jo ai nai, Dan mary nanai amyn pathi palai nai ne.

TARA CHIH NAI KEUNGCHI 20:1

Tosyh ngan Dan mary dengdairei, tokalawi ngan Beraseba mary khrairei py, nisi ngan Kilead pri i nai py, Israela cheng bawibawichi ly tavai tiu ai nai palau nai molam y angym u kaleuteu i, Mizapa mary Areng i mo y jeu u achu bo.