JEREMIA 4:13 - Khumi Common Language Bible

¹³ Khen u cham, paleung ka-e ly khupanym kamta ang jeu ai. Ni i tavai ka-richi ly ali lengli hawi atawm iy, nichi i keaungngochi ly ahmtlauchi tleaung y rang nai ne. Kaichi ly sum bo! kaichi ly taham si lawh bo ly!

JEREMIA 4:13 Iomraidhean Croise

2 SAMUELA 1:23

“Lyh ai hawi parai iy paleung ka-no hawi nai Sawla hawi Jonathan nini ly heng vanrei, dei vanrei, Ahmtlau tleaung y rang iy, khrangsichi tleaung y atho awm keh.

ISAIA 13:5

Nichi ly khaileaung pri katemra y awm nai, pri kamlochira i dengdairei ang jeu u bo. Areng ly kado theu nai deaungkho y, tavai ateaung hawi pri vereichi ai tamyh pawn ai nai ang jeu ai.

ISAIA 19:1

Hini leu pei nai ly Aikupta pri i vui ne. Areng ly tamai salo y atang iy, Aikupta pri mang y chei kaliki nai ne. Aikupta pri i mynchi ly mymy i mo y jei hyn u bo. Aikupta pri i khumichi py o-a sorai lawm u bo.

ISAIA 3:8

Jerusalem mary ly taham si lawh ly! Juda pri py phra lawh bo ly! Nichi i sa nai ngiereichi hawi, thui nai ngiereichi ly Areng hawi ka-awi naini lawm nai ne. Nichi ly Tameuh kypkyp ai mei aniu y nai sa nai ly amthang leaung na bo.

ISAIA 5:28

Nichi i thailiho chynchi ly chiu parai i, thailihochi py a-eaung ai nai angveirym bo. Nichi i keaungngo muikenchi ly maiho lengseaung kamta tang iy, ka-ri amlira kheuchi py ali lengli kamta ami kaliki na bo.

ISAIA 66:15

Areng ly mai kangveaung atang iy ang jeu ai. Mymy ly my i kado theu hai nai khumichi ai pajeng ai nai, ali lengli atang iy ang jeu ai.

JEREMIA 10:19

Jerusalem mary i khumichi my, “Kaichi ly khri pa-rei patang naira avum u bo! Kaichi i tamo kalemchi ly hawi lei ai ny y. Na i py patang naira ly kham pajau ai, nanai kaichi kadawn u lawh!

JEREMIA 4:12

Areng i leu pei nai kamta aho nai ali ly huni tleaung y khri pa-rei ho ai. Mymy i khumichi tlang tleaung y vai, pajeng nai keung ly Areng mymy kypkyp ne.

JEREMIA 4:31

Deaungdi tapen ai achai nai neampachy i raawi, chanau chalu tapen nai neampachy i hang nai raawi ka-tawm katyn thai nai ne. Huni raawi ly akawm iy ahyn thlyhthlyh nai Jerusalem mary i katyn ne. Ni my, “Kai ly taham si! Nichi ly kai ai tleh ai nai jeu u dudu bo!

JEREMIA 46:18

Ati cheaungkhang sa thai nai keung kai, Areng ly samrang ne. Kai ly heng nai Tameuh ne. Tabor mawi ly mawi cheaungkhangchi tleaung y asang keh nai kamta py, Karamela mawi py pangli sahawi y asang parai naimy awm nai kamta py, nangchi ai ang tiu ai nai khumi ly khri pa-rei atho awm ai.

JEREMIA 48:40

Pakhichi kadai nai ahmtlau kamta, paleung ka-echi ly Moba pri tlang tleaung y ni kathiu ai, nanai Areng my leu pei yb bo.

JEREMIA 49:22

Kani mang dengdairei pakhi kadai naimy ni kathiu nai ahmtlau kamta, paleung ka-e ly Bozarah mary y tiu ai. Huna nai khala Edom tavaimichi ly deaungdi tapen ai nai achai nai neampachy kamta kaso theu u ai,” napi.

JEREMIA 6:23

Nichi ly thailihochi, tivichi pa u bo. Nichi ly pahyp y naimy ana iy, pahen naira by y nai khumichi ne. Keaungngochi atang iy ang jeu nai khala y, nichi i katyn ly pangli tui kamsau katyn hawi atawm. Nichi ly Jerusalem mary y tiu ai nai angveirym bo.”

JEREMIA 9:19

“Kaichi ly myh kang naira avum bo! Tahm pipi by y nai avum u lawh bo ly! Kaichi i yhm hlauchi ly phra pawn veng bo i, kaichi ly kaimychi i pri khai su ai nai tla ai,” nanai Zion mary i khumichi i vo tangam nai raawi tangai u, nanai thui u bo.

TANGAM NAI LEU 4:19

Nichi ly kani salo mang dengdairei, taba kathiu nai ahmtlauchi kamta, kaichi ai ang patiu u. Mawi aheungchi mang y kaichi ai kheulawi ang padyh bo; daichi ka-vymra y athang khai y naimy ang patiu u bo.

Ezekiela 26:10

Nichi i keaungngochi deaungkho y khyhmeung nai spryhchi ly nang ai taphum ai. Mary theung y khumichi kun u nai kamta, phra nai mary katheuchi mang y kun prei iy, keaungngochi i ka-ri ryh nai katyn hawi tavai keaungngo ka-ri ryh nai katynchi ly nang i mary apaichi amchyh hai ai.

Ezekiela 38:9

Ni hawi my i tavaimi risachi py, ni hawi vanrei abang nai cheng takhra khumi neangneangchi py, huni pri y kamchai kamta tiu iy, khupanym kamta khiu u ai,” napi.

DANIELA 11:40

“Suria samrang my peang nai deung tlum nai neng kasa nai khala y, Aikupta samrang ly huni samrang ai tavai tiu ai. Suria samrang my py keaungngo atang nai risachi hawi, keaungngochi, sampho neangneang teaung iy, atho sa naimy tiu teang ai. Ni ly lem heung nanai tavo tiu kamta, pri neangneangchira kun iy peang vui ai.

DANIELA 7:4

Angchei i mawi kasi ly khrangsi hawi atawm i, ahm kamta pakhichi awm. Kai ly khen nai thym khala y huni mawi kasi ly pakhichi amui pawn i, khaileaung salo y achaw naimy, khumi kamta angdo bo. Naibaly ni ly khumi paleung nga nai ne.

HOSEA 8:1

Areng my, “Baw eng iy pany hai ba! Paleung ka-echi ly ahmtlau kamta, kai i pri y ang nih u bo! Kai i khumichi ly kai hawi asa nai Leu Maikawm ai taphra iy, kai i khumichi ly kai hawi reita ai khai u su bo.

MIKHA 2:4

Huna nai neng tym nai khala y khumichi my, nangchi patang naira avum nai leaungsai molam y, thui achih jo ai. Nangchi i heng nai deung y avum nai py, hina nai paleung si paleung mawn ai hawi nai khulym thui u ai: Achi ly angchi khyp, taham si i phra phro bo! Areng ly achi i pri ai, achi kiu i nai ang la pi veng iy, achi ai patiu nai khumichi kiu y au vui nai ne.

NAHUM 1:3

Areng ly kado theu praw vai y leang; na i py mymy ly sa thai naira awm iy kamngo awm nai khumichi ai pajeng y naimy mana khala py khai su y leang. Areng i chei naira tleirei y, ali kamchai theu reng; khupanymchi ly mymy kheu anui i spryhchi ne.

HABAKKUK 1:8

“Nichi i keaungngochi ly takaikheng tleaung y rang iy, teicha alam nai kasui tleaung y malawn py jei ai nai hawi. Keaungngo atang nai risachi ly keaungngochi ai kamlo mang dengdairei, athorei my ang jeu hai bo. Nichi i keaungngochi ly khaileaung y muiken hawi kaseu u bo. Nichi ly teicha ni nai ahmtlau kamta, athorei my ang jeu u nai ne.

ZEKHARIAH 6:1

Takhra paleung mei y amteng hai nai harei kaniu bi bo. Hini neng khala kai ly kheupaja mawi nyhrei sala mang ang theu nai, keaungngo ka-ri palyhrei niu.

MATTHAI 24:30

huna nai kha y ly Khumi i Chapo i ka-ma-ra ly kani mang y amteng ai: naibaly huna nai khala y ly khaileaung pri i cheng cheaungkhangchi ly vo iy paleung y atum ai i, Khumi i Chapo ly atiti sa thai naira hawi khri pa-rei nang parai naira hawi kani mang i khupanym tleaung y jeu nai niu ai.

Leu Thui Nai 28:49

Areng ly nangchi ai tiu hai ai nai nangchi hawi leu atlyh y nai khaileaung pri katemra i khumi cheng harei ang tym hai ai. Huni khumichi ly ahmtlau my ni nai kamta, nangchi ai ang tiu ai.

AMTENG HAI NAI 1:7

Khen u cham, mymy ly khupanym theung y ang jeu ai bo; naibaly mei bawibawi hawi, ni ai thun naichi py mymy ai niu ai; naibaly khaileaung pri cheng cheaungkhangchi ly mymy deaungkho y vo hang u ai. Ne sy. Amen.