JEREMIA 4:11 - Khumi Common Language Bible

¹¹ Khutaha daichi ka-vymra i ali kabi ly aho ai, nanai Jerusalem mary i khumichi thai u nai neng kani ly ang tym ai. Huni ali ly choh ali pakheang ai nai aho nai ny y.

JEREMIA 4:11 Iomraidhean Croise

SAM 11:6

Mymy ly khumi hawi y naichi i tlang tleaung y mai-ai akawichi py, ango parai nai mai kangveaung py tla hai bo; nichi ai khri pa-rei angngo nai ali kabi hawi kamngo pajeng nai ne.

ISAIA 22:4

Vai ly kai ai, kaimy tlairei khrikhri pa-rei kavo ai nai pei kyh. Kai i khumi neangneangchi ly dei u pawn lawh bo i, kai ai paleung pahawi ai nai atho so moh jau ba.

ISAIA 27:8

Areng ly mymy i khumichi ai pri pala iy pajeng nai ne. Mymy ly nichi ai nisi mang dengdairei aho nai ali kamchai theung y pakheang vui nai kamta, mychi pri dengdairei kamlo y tha vui bo.

ISAIA 41:16

Hunichi ai nangchi ly pachaw ai i, ali my hm nai pakheang iy. kamchaichi my ahei seaungkhrang hai ai. Naibaly kai ly nangchi i Tameuh ne nai deaungkho y, nangchi ly amo theu u ai. Nangchi py Israela chengchi i chai parai nai Tameuh, napi nai kai ai palo u ai.

ISAIA 64:6

Kaichi bawibawi ly kamngochochi ne. Kaichi i kahawi keh sa nai malawn py, amso ngailai nai cheichei teu bo. Kaichi ly kaimychi i kamngochi deaungkho y, ali my pakheang veng nai phaicham kajeichi hawi atawm.

JEREMIA 13:24

Areng ly khutaha daichi ka-vym mang ali aho nai theung y akheang nai choh ali kamta, nangchi ai ahei hai phro ai.

JEREMIA 14:17

Kai i paleung mawn nai sai khumichi teng y, hina nai thui pi ai nai Areng my leu pei nai ne. “Kai i meichi ly vum kani avaw y naimy, meikatui tlo na sy. Kai i chengchi ly khri pa-rei tamo kalem nga iy, khri pa-rei no patang nai deaungkho y, mana khala py vo nai anawn y naimy awm sy.

JEREMIA 23:19

Mymy i kado theu naira ly khumi hawi y naichi i lu y aho nai ali kamchai hawi atawm nai ne.

JEREMIA 4:12

Areng i leu pei nai kamta aho nai ali ly huni tleaung y khri pa-rei ho ai. Mymy i khumichi tlang tleaung y vai, pajeng nai keung ly Areng mymy kypkyp ne.

JEREMIA 8:19

Tangai u! Khri pa-rei palo parai nai pri takhra y awm nai kai i khumichi i vo hang nai raawi kathai bo. “Areng ly Zion mary y awm y lawh a? Zion mary i samrang ly huni mary y awm y lawh a? Nichi i samrang Areng my, “Nangchi ly ati mana nai y mynchi hawi cheng takhrachi i tameuhchi ai chiu nai hawimy kai ai kado patheu u lawh mo?,” napi.

JEREMIA 9:1

Kai ly dei naira avum nai kai i chengchi i vui vum kanithun vo pajau ai nai kai i meichi ly meikatui ly tuino kamta py, kai i lu ly tuikan kamta py, lawm ai ngai parai na bo.

JEREMIA 9:7

Hini molam y ati cheaungkhang sa thai nai keung Areng my, “Kai ly tamo ngan patlawn iy pachai nai kamta, kai i khumichi ai chai pa-rei kasa ai. Nichi ai kaimy cham ai. Kai i khumichi ly sa tamang u bo. Kai ly nichi ai mana kasa ai mo?

TANGAM NAI LEU 2:11

Kai i meichi ly vo ala nai deaungkho y, pajai na bo; kai i paleung phailo py, khri pa-rei patang parai bo. Kai ly kaimy i khumichi myh kang pawn nai molam y, paleung si parai naimy atho py bai na bo. Deaungdichi hawi deaungdi chymplei naichi ly mary theung i lamchira y paleung veang y naimy atlym u bo.

TANGAM NAI LEU 3:48

Kaichi i khumichi myh kang pawn nai deaungkho y, kaichi i mei theung i mei katuichi ly tavo tui kamta leaung na bo.

TANGAM NAI LEU 4:10

Kai i khumichi i avum nai khri pa-rei patang nai ly ka-jeira hawi parai nai ne. Tamen naira hawi pahen naira awm nai amhmchi malawn py, mychi i cho chanauchi ai byh iy cha u nai ne.

TANGAM NAI LEU 4:3

Kasuinu malawn py my i chochi ai kanu panei reng teu i py, kai i khumichi ly tavo kula-iuchi kamta, mymychi i cho chanauchi tlang tleaung y ana u bo.

TANGAM NAI LEU 4:6

Kai i khumichi ly Tameuh i kiu y vaimy phra seaungkhrang naira avum nai, Sodom mary tleaung y pajeng naira avum.

Ezekiela 17:10

Ne, huni kreip keung ai ui baly heng pajau na a? Huni keung ly nisi ali aho nai khala y ajawi rawm iy, dei vui y ai a?” napi.

Ezekiela 19:12

Na i py huni kreip keung ly kado theu nai khumichi my tangjyn akheaung na pa-rei akyn vui i, khaileaung y atlym vui bo. Nisi ali deaungkho y kreip athaichi jei pawn bo. Kreip changpichi py dei i, mai y kang nai avum bo.

HOSEA 13:15

Israela chengchi ly acha keungchi kamta angvai i py, kai ly khutaha daichi ka-vym mang dengdairei, nisi mang i ali kabi aho hai nai deaungkho y, nichi i tavo micheaungchi hawi tuikanchi kang hai iy, vang kateng vawnsai ngiereichi chau pawn ai.

HOSEA 13:3

Hunai deaungkho y hini khumichi ly khawn mang y tla reng nai kadam kamta py, khawn angthodyh y tama reng nai kadam amai kamta py, tama u ai. Nichi ly choh ati nai meingtym i ali my hm iy akheang nai choh ali kamta py, paheung mang theu nai maikhyh kamta py tama u ai.

HOSEA 4:19

Nichi ly ali aho naira y akheang jo nai kamta, ahei u dan ai. Tameuh takhrachi teng y apathyp u nai deaungkho y, kaji u ai.

HABAKKUK 1:11

Naibaly mymychi i sa thai naira ai tameuh palawn iy, chiu u nai huni khumichi ly ali kamta, ho parai naimy athawn u pawn bo,” napi.

HABAKKUK 1:6

Kai ly ka-jei hawi parai iy awm pypy thai y nai Babulon chengchi ai sa thai naira awm hai ai. Nichi ly pri takhrachi ai tiu ai nai khaileaung y tako prei iy, tavai thau u ai.

MATTHAI 3:12

Mymy i paho ly kiu y awm, naibaly mymy ly mymy i ho nai meingtym pachai pan iy, mymy i choh ly chenghi y adyh ai, choh ali naini padei pajau y nai mai y leng ai,” napi.

LUKA 3:17

Mymy i ho nai meingtym pachai pan ai nai hawi, mymy i cho ly chenghi y adyh ai nai py mymy i paho ly kiu y awm; choh ali naini padei pajau y nai mai y leng ai,” napi.