JEREMIA 4:1 - Khumi Common Language Bible

¹ Areng my, “Israela mipuichi awi, nangchi vawi u ali teang ai nai ngai lawh teu baly, kai teng y vawi u. Kai i niu ngai y nai mynchi va pawn iy, kai i tlang tleaung y ka-ym awm u lawh teu baly,

JEREMIA 4:1 Iomraidhean Croise

ATITI AWM ANGCHEI NAI 35:2

Naibaly Jakob ly my i yhm dengtheungchi hawi mymy hawi vanrei awm nai khumi bawibawichi teng y, “Nangchi teng y awm nai tameuh takhrachi ai ly aphi u pawn; nangmychi py apachai u ly ateaung kachaichi amthyp u.

2 ARENG KEH 23:13

Samrang Joseah ly Jerusalem mary nisi, olive mawitokalawi ngan mang y Sidon i tameuh Asatare, Moba tameuh Khemosa, Ammon tameuh Molechi ai chiu ai nai samrang Solomon my sa pi nai maichamchi py, chai nem hai y bo.

2 ARENG KEH 23:24

Samrang Joseah ly Achura yhm theung y pathyp pi nai keung kalen keh Hilikiah my niu nai, leu maikawm cha-iu theung y tajiu nai kamta, sa u patawm ai nai Jerusalem mary hawi, Juda pri verei y awm nai vawinam pakun kawp naichi, leung sarachi, yhm typ nai mynchi, mynchi hawi chiu naira y teaung nai vawnsaichi taphra pawn nai ne.

2 NENG SATANG 15:8

Hina nai Oded i chapo Azariah my thui nai amo leu thai nai khala, Asa ly atho nga i, Juda khu ka-peang, Benjamin khu ka-peangchi hawi mawi nawi nai Ephraim pri marychira i mynchi taphra vui bo. Samrang ly Achura yhm apai theung i maicham py, sa palum teang nai ne.

2 NENG SATANG 33:8

Israela chengchi ly kai i leu pei nai ngiereichi tangai iy, Mosi my pei nai Reita ngiereichi kry u baly, kai ly nichi ai amsi pajochi teng y kaimy pei nai pri i dengdairei kapatheu ai ny y,” napi.

2 NENG SATANG 34:33

Samrang Josia ly Israela chengchi i khu ka-peang theung i, amso ngai hawi nai myn ngiereichi ai taphra iy, mymy heng nai sala ryrei khumichi ai, amsi pajochi i Areng Tameuh ai chiu hai nai ne.

ISAIA 31:6

Areng my, “Aw Israela chengchi awi, nangchi ly kai i tlang tleaung y kamngo sa iy, ka-awi sa u. Na i py vai, kai teng y ali u teang jau!

JEREMIA 15:19

Huna nai takeng nai khala y Areng my, “Nang ly kamngo uikheih ai nabaly, nang ai kawn leaung ai. Nang py kai i miseaung lawm ali teang ai. Nang ly vang teng y nai leu katheu y naimy tahm awm nai leu katheu lawh baly, kai i amo lawm ali teang ai. Khumi mipuichi ly nang teng y vawi u teang ai. Nang ly nichi teng y chei ai nai aly ngai y leang bo.

JEREMIA 15:4

Juda pri y Hezakia i chapo samrang Manase my peang nai thym khala, Jerusalem mary y atitichi sa nai molam y, kai ly khaileaung pri verei i khumi bawibawichi my hunichi niu khala ly kaso theu hai ai.”

JEREMIA 18:11

Huna nai y kai ly Juda khumichi hawi Jerusalem mary i khumichi ai, ka-awi sa ai tau nai hawi kapajeng ai sa rym naichi py thui pi. Khumi bawibawichi kamngo sa nai anawn u ai nai hawi, mychi i heng nai hawi amhi amtlau naichi takhra u ai nai Areng my leu pei nai thui pi ba.

JEREMIA 24:9

Kai ly khaileaung pri y awm nai khumi cheng cheaungkhangchi kaso tahyn theu na pa-rei ka-jei awm parai nai, nichi i tlang tleaung y tym hai ai. Nichi i satang ai ly amnui tabu lawm hai ai. Nichi ai ahei hai nai meingtym ngiereichira y py, nichi i amyn y teaung iy, pasawi patau u ai.

JEREMIA 25:5

Nangchi ly nangmychi hawi amsi pajochi teng y, Areng my pei nai pri y deung ka-kan awm u ai nai, huni amochi ly nangchi i heng nai leaungsai hawi, sa nai sai hawi y naichi ai, hi vui ai nai ang thui pi nai ne.

JEREMIA 3:1

Areng my, “Khumi leaungrei ly my i aju ai akhai vui nai khala y, huni neampachy ly ni teng i nai theu iy, takhra neampacho leaungrei hawi yhmtheaung sa bo. Huna nai khala y angchei i juvo ly my i aju kangngym ai lo ali teang ngau y. La ali teang lawh teu baly, huni pri ly khri pa-rei amso ngai naira lawm ai. Na i py Israela awi, nang ly tavawi neangneang khawn iy, vai kai teng y ali teang ai nai ngai lawh ly!

JEREMIA 3:12

Mymy ly kai ai tosyh ngan mang y pato iy Israela teng y, “Ka-ym by y nai Israela awi, kai teng y ali teang jau. Kai ly pahen nai keung ne nai deaungkho y, nang ai kado kang theu hai ai ny y. Kai ly deungtasarei kado kang theu hai ai ny y.

JEREMIA 3:14

“Ka-ym by y nai khumichi awi, jeu u ali teang jau; kai ly nang i juvo ne. Nangchi ai mary harei y leaungrei, nupai harei y leaung nyhrei vawi takhra iy, Zion mawi mang y kang pahawi ali teang ai.

JEREMIA 3:22

Ka-ym by y nai khumi bawibawichi awi, jeu u ali teang jau; Areng ly nangchi i sa tamang naichi pahen pi ai. Nangchi my, “Ne, nang ly kaichi i Areng Tameuh ne nai deaungkho y, kaichi ly nang teng y kang jeu u ai.

JEREMIA 35:15

Kai ly kaimy i miseaung amochi ai kang pato pi veangveang bo. Nichi my py nangchi ai nangmychi i hawi y naichi khai su iy, kahawi sa u ai nai ang thui pi bo. Nangchi ly nangmychi i amsi pajochi teng y kaimy pei nai pri y awm u jojo ai nai deaungkho y, tameuh takhrachi ai chiu u y ai nai, nangchi ai kang pany hai nai ne. Na i py nangchi ly kai i leu tangai u y, kai ai py tahm khai u y.

JEREMIA 36:3

Juda khumichi ly mychi i vui kaimy dawn yb nai ka-jeira satang thai u lawh baly, mychi i hawi y naira khai su tan khai u su lym ai. Huna nai khala y kai ly nichi i hawi y sa nai kamngochi pahen pi ai,” napi.

JEREMIA 4:4

Nangchi i Areng, napi nai kai hawi nangchi i Leu Maikawm asa nai ly patawm u. Nangchi Juda mipuichi hawi Jerusalem mary i khumichi awi, kai teng y nangchi i tlang a-au u. Huna nai kamta so y lawh baly nangchi i sa tamang nai kamngo deaungkho y, kai i kado theu naira ly mai kamta angveaung ai. Huni mai pathym ai nai khumi leaungrei py awm ai ny y,” napi.

JEREMIA 7:3

Israela chengchi i Tameuh napi nai, ati cheaungkhang sa thai nai keung Areng my, “Kai ly nangchi ai hini meingtym y awm u veangveang ai nai, nangchi ly nangmychi i awm nai sai hawi amhi amtlau nai saichi takhra hai u.

JEREMIA 7:5

“Nangchi i amhi amtlau nai sai takhra hai u; vai i sa nai kamta ly so u bi moh. Nangmychi tengtawi amkawm naira y, adyh adawi naimy awm u.

JEREMIA 7:7

Hina nai kamta awm nai sai takhra u lawh baly, kai ly nangchi i amsi pajochi teng y kamtym pei nai pri y, deungtasarei awm ai nai pei ai.

Ezekiela 11:18

Nichi ly tym u ali teang nai khala, mymychi i avum nai ngiereichi, amso ngai hawi nai mynchi khai u su ai.

Ezekiela 18:13

Ni ly kamran nga ai nai tangka paseng; huna nai khumi ly heng pajau na a? Heng pajau y leang. Ni ly huna nai amso ngai hawi naichi sa nai deaungkho y, ni ly dei ngaw ai. Ni i dei nai ly my i kamngolai ne.

Ezekiela 43:9

Vai ly nichi kamleaung sa nai hawi, tameuh takhrachi ai chiu nai anawn iy samrangchi i veu py patheu u pawn ai nai tla. Huna nai kamta sa u lawh baly kai ly nichi teng y deungtasarei awm jojo ai,” napi.

HOSEA 14:1

Israela khumichi awi, nangchi i Areng Tameuh teng y vawi u teang jau. Nangchi ly nangmychi i kamngo molam y athei thleaung iy atlym u bo.

HOSEA 2:2

Kai i cho chanauchi awi, nangchi i amhm teng y takeng u. Ni ly kai i aju ny y leang bo. Kai py ni i juvo ny y leang bo. Na i py bima hawi kamleaung sa nai kalopchi anawn vui ai nai, nangchi i amhm teng y takeng u.

HOSEA 7:16

Nichi ly kai ai khai su iy sa thai naira by y nai tameuh teng y ahihawi u bo. Nichi ly akawi nai thailiho kamta, ka-ym by y. Nichi i lu sa naichi ly khumi aniu y nai leu katheu u nai deaungkho y, dei kahawi dei u y ai. Hunaibaly Aikupta chengchi my panui hai ai.”

JOELA 2:12

Areng my, “Na i py nangchi ly vaimy uikheih u tatang. Biu hai nai hawi vo tangam naimy, kai teng y vawi u ali teang.

ZEKHARIAH 1:4

Nangchi ly nangmychi i amsi pajochi kamta so u moh. Jangni khala i amochi ly nichi teng y hawi y nai saichi anawn u ai nai thui pi teu i py, nichi ly tangai y, dawn dan u y.

Leu Thui Nai 27:15

“Lengseaung, dengkeaung, tamo hawi mynchi sa iy, hunichi ai ka-vym y chiu nai khumichi ly Tameuh teng i amsawi lawi ai. Areng ly myn chiu nai ai paso nai ne,’ nanai vaineng tauh nai khala, “Khumi bawi bawichi my ‘Amen!’ nanai pathang u sy.

Leu Thui Nai 4:30

Nangchi ly ngari kamtang avum iy, huna naichi tym nai khala, Areng teng y ahihawi ai i, mymy i leu pei naichi tangai u ai.

JOSUA 24:14

Josua my thui bi i, “Vai nangchi ly Areng ai jei kaji naimy tahm khai iy, mymy i kalop ai paleung hawi verei, ka-ym awm naimy so u. Mesopotamia pri hawi Aikupta pri y nangchi i amsi pajochi my chiu nai tameuhchi ai khai su iy, Areng ai naini chiu u.

TARA CHIH NAI KEUNGCHI 10:16

Hunai deaungkho y nichi ly cheng takhrachi chiu nai tameuhchi ai khai su iy, Areng ai chiu u ali teang bo. Mymy py nichi i avum nai patang naira molam y pahen pi bo.

1 SAMUELA 7:3

Samuela my Israela chengchi teng y, “Nangchi ly Areng teng y paleung hawi verei, jeu aliteang ai nai ngai baly cheng takhrachi i tameuhchi ai py, kani anglo Asatare i mynchi ai py, khai su ai nai tla; Areng teng y nangmychi ai aau patyp iy, mymy ai naini chiu u baly mymy ly nangchi ai, Philistia chengchi kiu i nai atleu ai,” napi.