JEREMIA 39:4 - Khumi Common Language Bible

⁴ Hina naichi ai Juda samrang Zedekiah hawi tavaimi risachi my niu baly, vum y mary theung i dengdairei preang ai nai atho sa u bo. Nichi ly akho bai lam mang, mary apai nyhrei sala i katheu pa-kho mang theu iy, Jordan leaunghawi mang y preang u bo.

JEREMIA 39:4 Iomraidhean Croise

2 NENG SATANG 32:5

Samrang ly mary khaw hai ai nai mary apaichi palum nai, angdeangra yhmchi sa nai, mary angam mang y apai tapang bi nai, hunichi sa bo. Huni bo y Jerusalem mary kangngym nisi mang i abyhra amkeuchi palum teang iy, tivi hawi khupui neangneangchi sa hai bo.

ISAIA 22:11

Tuikan kangngym dengdairei leaung nai tuichi ai mary theung y kadeng ai nai, tui kadengra harei py sa u bo. Na i py nichi ly huni kalop ai jangni khala my pasym pi yb nai keung, hina nai tym hai nai keung Tameuh ai ly tahm khai u y.

ISAIA 22:3

Thailiho chyn harei py ko y naimy, nang i miteaung keh bawibawichi ly angpreng pawn nai deaungkho y, langheng patiu nai avum u bo.

ISAIA 29:2

naibaly Tameuh ly “Tameuh i maicham,” nanai amyn pathi nai mary y ka-jeira naini tym hai ai. Khumichi ly vo tangam u ai. Mary verei py kapathyprachi talam nai maicham lawm vui ai.

JEREMIA 32:4

Samrang Zedekiah ly Babulon khumichi kiu i nai tleaung ai ny y. Babulon samrang i kiu y tym ai i, samrang hawi mo atha iy theaung theung y leu arum ai.

JEREMIA 32:5

Zedekiah ai ly Babulon pri y hawi vui ai i, ni ai chih y ryrei ly huni mary y awm jo ai. Ni ly Babulon chengchi ai tiu ali teu i py eaung ai ny y. Hini ly kai, Areng i thui nai leu ne,” nanai ati mana nai y thui lawh mo, na iy ang thui tamawn nai ne.

Ezekiela 12:12

Nichi ai peang nai samrang ly vum aneng y, mymy i vawnsai angpau ai paleang tleaung atleang iy khumichi my apai kho sa pi nai mang preang ai nai tla ai. My i mei atleang khyp nai deaungkho y mymy i preang nai lam niu ai ny y.

Ezekiela 12:4

Nichi niu pajau nai kani thuntang y my, nang ly langheng hawi nai leaungsai ka-tawm vawnsai angpau angvei ly dym mang y nichi i mei ka-niu y langheng hawi nai khumi amlawn iy theu.

Levi 26:17

Kai ly nangchi ai nithun thun hai vui nai deaungkho y, nangchi ly tavai sum u ai i, paleung ka-echi my ang peang ai. Nangchi ly khri pa-rei jei hyn nai y, hui nai khumi by y naimy angpreng u ai.

Levi 26:36

“Nangchi ly pri takhra y awm u nai thym khala, ali aho nai dengkeaung ngam katyn thai nai hawimy jei hyn iy, preang u ai. Nangchi ly tavai keung y paleung ka-e my preng nai y angpreng u nai kamta, angpreng ai. Nangchi sahawi y paleung ka-echi by y teu i py, nangchi ly atlym u ai.

AMOS 2:14

Khri pa-rei angpreng rang parai nai khumichi malawn py tleaung ai ny y. Atho ham nai khumichi py atho bai ai i, tavaimi risachi py mychi i tlang atleu u pajau ai ny y.

Leu Thui Nai 28:25

“Areng my nangchi i paleung ka-echi ai eaung hai ai. Nangchi ly paleung ka-echi ai lam harei mang tiu i py tavai sum nai deaungkho y, lam takhrakhra mang preang u akyhkyh ai. Khaileaung pri verei i khumi bawibawichi ly nangchi i tlang tleaung y huna naichi tym nai niu khala, nangchi ai jei u ai.