JEREMIA 37:3 - Khumi Common Language Bible

³ Samrang Zedekiah ly Shelemiah i chapo Jehuka hawi Maaseiah i chapo pathyp pi nai keung Zephaniah nini ai kai teng y pato nai deaungkho y, nini ly kai teng y, “Achi i pri i vui, achi i Areng Tameuh teng y chiu so pi,” nanai thui hawi.

JEREMIA 37:3 Iomraidhean Croise

1 ARENG KEH 13:6

Samrang Jeroboam ly amo teng y, “Pahen parai naimy kai i kiuban hawi teang ai nai, nang i Areng Tameuh teng y chiu so pi ba!” nanai takeng. Amo ly Areng teng y chiu sa pi i, samrang i kiuban ly hawi ali teang bo.

THEU NAI 10:17

Vai hini tlenrei nai ly Kai i kamngo pahen kyh ly dei ai nai pa-rei pajengra i nai lawi hai pi ai nai, nang i Areng Tameuh teng y kai i vui chiu so pi,” napi.

THEU NAI 8:28

Samrang my, “Daichi ka-vymra y, nangchi i Areng Tameuh teng y apathyp ai nai ly kang pei ai; na i py kamlo y ly kang pei y leang. Kai i vui chiu so pi,” napi.

THEU NAI 8:8

Huna nai khala samrang ly Mosi hawi Aron nini ai palau bi i, “Hini uiphochi tama pawn ai nai Areng teng y chiu so pi; hunaibaly nang i chengchi Areng teng y chei iy apathyp ai nai kang pei mang,” napi.

THEU NAI 9:28

Kaichi ly ali pakang hawi ji mang tla nai ly kham pajau y na bo! Hunai deaungkho y Areng teng y chiu so pi kyh! Kai ly nangchi ai theu ai nai kang pei praw ai; kang patawn veangveang y leang bo mang,” napi.

JEREMIA 15:11

Areng my, “Kai ly hawi naira nga ai nai nang ai atleu ai. Ka-jeira hawi paleung ka-mawn tym nai neng khala, nang i paleung ka-echi ly kai teng y ahui u ai,” napi.

JEREMIA 2:27

Dengkeaung keung teng y, ‘Nang ly kai i ampo ne,’ nanai py, lengseaung teng y, ‘Nang ly kai i amhm ne,’ nanai py nangchi thui u bo. Nangchi ly kai mang y amhi y, kai ai nithun thun u. Na i py nangchi ly ka-jeira avum nai khala y, kaichi ai sabawm ai nai jeu kyh ba, nanai kai teng y hnei u bo.

JEREMIA 29:21

“Israela chengchi i Tameuh, ati cheaungkhang sa thai nai keung Areng ly nangchi ai mymy i amyn angam iy li-tapawp nai Kolaiah i chapo Ahab hawi, Maaseiah i chapo Zedekiah nini i molam y leu pei nai ne. Mymy ly huni khumichi ai Babulon samrang Nebukhadnezar i kiu y au ai nai ne iy, huni samrang py nichi ai nangchi i mei ka-niu y padei ai, nanai leu pei bo.

JEREMIA 37:17

Naibaly samrang Zedekiah ly kai ai samrang yhm y palau i, “Areng teng i leu pei nai sai sairei awm a?,” nanai kangviu y angdeang. Kaimy, “Awm chy, nang ly Babulon samrang i kiu y tym ai,” nanai kapathang pi.

JEREMIA 37:7

kai teng y pato nai keung Zedekiah teng y, “Nang ai sabawm ai nai vai, amsa nai Pharao samrang i tavaimichi ly mychi i awm nai Aikupta pri y vawi u ali teang ai.

JEREMIA 38:1

Mattan i chapo Shephatiah, Pashura i chapo Kedalia, Shelemiah i chapo Jehukal hawi, Malakhia i chapo Pashhurchi ly khumi mipuichi teng y, kai i leu thui naichi thai hai u bo.

JEREMIA 42:1

Naibaly Kareah i chapo Johanan hawi Heshaiah i chapo Azariahchi raurei, tavailu areng bawibawichi ly khumi amjy cheaungkhangchi hawi vanrei tym u iy,

JEREMIA 42:20

Nangchi ly khrikhri pa-rei tamang u bo, nanai vai, nangchi teng y pany hai bo. Nangchi ly ‘Kaichi i vui Areng Tameuh teng y chiu so pi kyh ba. Nang teng y leu pei nai ngiereichi py, kaichi teng y thui pi pateang ba. Kaichi ly mymy i leu pei nai kamta sa ai,’ nanai thui ai nai kai ai nangchi i Areng Tameuh teng y pato u bo.

JEREMIA 52:24

Huni bo y py samrang i tamcheaung tavailu areng Nebuzaradan ly pathyp pi nai keung kalen keh Seraiah, ni i bangtang pathyp pi nai keung Zephaniah hawi takhra aly len nai Achura yhm miteaung keh leaung thomreichi ai langheng y hawi vui bo.

Kati Nai 21:7

Hunaibaly khumi mipuichi ly Mosi teng y chei u i, “Kaichi ly Areng hawi nang ai py ka-awi sa iy katamang u bo. Hini pavuichi la pi pawn ai nai Areng teng y chiu so pi kyh,” nanai takeng u. Naibaly Mosi my nichi i vui Areng teng y chiu sa pi.

AMTAW 8:24

Naibaly Simon ly, “Nangchi i atiti thui naichi ly kai i tlang tleaung y ati sai py tym y ai nai Areng teng y chiu so pi kyh,’. nanai pathang.

1 SAMUELA 12:19

Naibaly nichi my Samuela teng y, “Areng awi, kaichi dei y ai nai nang i Areng Tameuh teng y, kaichi i vui chiu so pi kyh ba; kaichi ly samrang hnei nai deaungkho y, kamngo tleaung y kamngo kasa u ra lawh bo,” napi u.