JEREMIA 34:8 - Khumi Common Language Bible

⁸ Samrang Zedekiah hawi Jerusalem mary i khumichi ly Juda cheng tengtawi miseaung apalawn y ai nai molam y,

JEREMIA 34:8 Iomraidhean Croise

2 ARENG KEH 11:17

Pathyp pi nai keung Jehojada ly samrang hawi khumi bawibawichi ai, Areng i khumichi lawm u ai nai Areng hawi leu maikawm asa hai bo. Samrang hawi khumi mipuichi ai py leu maikawm asa hai leungtang nai ne.

2 NENG SATANG 23:16

Jehojada ly samrang Josha hawi vanrei khumi mipuichi ai, Areng i khumichi lawm hai ai nai mymy hawi Leu Maikawm asa bo.

2 NENG SATANG 29:10

“Kado katheu rym ai nai vai, kai ly Israela chengchi i Areng Tameuh hawi Leu Maikawm asa ai nai kadawn bo.

NEHEMIA 9:38

Hini atitichi molam y kaichi Israela mipuichi ly adeu nai leu ai cha hawi tajiu iy kaichi i luchi, Levi theaungchi hawi pathyp pi nai keungchi my, pajawp typ nai ka-ma-ra nip u bo.

ISAIA 58:6

“Kai i kawn nai biu hai nai ly pahyp y naimy ana nai ka-dawnchi khai su nai, peang nai sai teng y nai ai khai su nai, ana naira avum naichi ai atleu nai,

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

JEREMIA 34:17

Hunai deaungkho y nangchi ly kai i leu tangai y, nangmychi Hebrai cheng tengtawi ai py tlamsa naira pei u y, nanai my thui nai ne. Naibaly nangchi ai tavai takai, no kanghawi, tahum takangra y ngaingai dei ai nai kang pei ai. Kai ly nangchi i tlang tleaung y sa nai sai molam y, khaileaung pri i khumi cheng cheaungkhangchi ly kaso tahyn theu u ai.

Levi 25:10

Hina nai kamta saneng vui pangrei saneng ai khai takhra iy, pri verei y awm nai khumichi ly tlamsa bo, nanai satang thai hai ai nai tla. Huni saneng y ly ka-jo ka-van sa nai vawnsai ngiereichi ai, hini saneng y angchei i yhmkeung, ti y baly ni i kangpreangchi teng y pei pi ali teang ai nai tla. Van nai miseaungchi ai py my i yhm dengtheungchi teng y vawi hai ali teang ai nai tla.

Leu Thui Nai 15:12

“Israela cheng neampacho, ti y baly neampachy leaungrei ly nang teng y saneng tariurei miseaung kamta achei iy, saryh saneng tym nai khala nang ly ni ai miseaung i nai palawi ai nai tla.