JEREMIA 34:4 - Khumi Common Language Bible

⁴ Aw samrang Zedekiah awi, nang i molam y kang pei nai leu ly tangai ba. Nang ly tavai keung y dei ai ny y.

JEREMIA 34:4 Iomraidhean Croise

2 NENG SATANG 18:18

Mikaia my Ahab teng thui pi bi nai ly “Areng my thui nai leu vai, tangai ba! Areng ly kani pri bailang salo y ateh nai ai py, mymy sahawi y kani pri amtaw thauchi angdo u nai ai py, kaniu bo.

JEREMIA 2:4

Nangchi Jakob i kangpreang Israela nupaichi awi, Areng i leu pei nai tangai u.

JEREMIA 32:5

Zedekiah ai ly Babulon pri y hawi vui ai i, ni ai chih y ryrei ly huni mary y awm jo ai. Ni ly Babulon chengchi ai tiu ali teu i py eaung ai ny y. Hini ly kai, Areng i thui nai leu ne,” nanai ati mana nai y thui lawh mo, na iy ang thui tamawn nai ne.

JEREMIA 34:3

Nang ly ni i kiu i nai tleaung ai ny y; ang patiu ai i, ni i kiu y tym ai. Nang ly ni hawi mo atha iy leu arum chum baly, Babulon mary mang y abang ai nai tla ai.

JEREMIA 34:5

Nang ly paleung awmnem naimy dei ai. Khumichi my nang i amsi pajo samrangchi i vui mui katui patawi pi nai kamta, nang i vui py mui katui patawi pi ai. Nichi ly ‘Kaichi i samrang dei veng bo!’, nanai thui iy nang i vui vo tangam u ai. Hini ly kai, Areng i thui nai leu ne,” napi.

JEREMIA 7:2

Areng ai chiu ai nai hini katheu pa-kho mang kun u nai Juda mipuichi awi, Areng i leu tangai u.

HOSEA 4:1

Israela chengchi awi, Areng i leu pei nai tangai u. Hini pri y awm nai khumichi ai Tameuh my seu nai awm. Mymy ly “Hini pri y ly tamen naira, ka-ym awm naira by y. Kai ly Tameuh ne, nanai khumichi my pany u y.