JEREMIA 34:3 - Khumi Common Language Bible

³ Nang ly ni i kiu i nai tleaung ai ny y; ang patiu ai i, ni i kiu y tym ai. Nang ly ni hawi mo atha iy leu arum chum baly, Babulon mary mang y abang ai nai tla ai.

JEREMIA 34:3 Iomraidhean Croise

JEREMIA 21:7

Tavai takai, tahum takang hawi no kanghawi y dei bawi y nai Juda samrang Zedekiah, ni i bangtangchi hawi khumichi ly mychi ai padei ai ngai nai paleung ka-echi hawi Nebukhadnezar i kiu y patiu hai ai. Nebukhadnezar my py nichi ai padei hai ai. Ami ai py kangheng khai ai ny y, ami ai py pahen pi ai ny y. Hini ly kai, Areng i thui nai leu ne,” napi.

JEREMIA 27:22

Huni yhmtheaung katuichi ly Babulon mary y syn iy, hunichi ai kaimy adawn ali teang nai neng tym y ryrei ly huni mary y awm jo ai. Naibaly kai ly huni yhmtheaung katuichi ai, huni meingtym y katym hai ali teang ai. Hini ly kai Areng i thui nai leu ne,” nanai leu pei nai thui pi bo.

JEREMIA 32:28

Hunaibaly kai ly hini mary ai Babulon samrang Nebukhadnezar hawi, ni i tavaimichi teng y pei vui ai. Nichi ly hini mary peang vui ai.

JEREMIA 32:3

Samrang Zedekiah ly hu y kai ai theaung pala nai bo y, “Hini mary ai Babulon samrang teng y kapei ai; ni ly hini mary ai peang vui ai.

JEREMIA 32:4

Samrang Zedekiah ly Babulon khumichi kiu i nai tleaung ai ny y. Babulon samrang i kiu y tym ai i, samrang hawi mo atha iy theaung theung y leu arum ai.

JEREMIA 34:21

Juda samrang Zedekiah hawi my i bangtangchi ai py, nichi ai padei u ai ngai nai paleung ka-echi teng y kaau teang ai. Kai ly vai, nangchi ai tavai tiu anawn nai Babulon tavaimichi kiu y au ai.

JEREMIA 34:4

Aw samrang Zedekiah awi, nang i molam y kang pei nai leu ly tangai ba. Nang ly tavai keung y dei ai ny y.

JEREMIA 37:17

Naibaly samrang Zedekiah ly kai ai samrang yhm y palau i, “Areng teng i leu pei nai sai sairei awm a?,” nanai kangviu y angdeang. Kaimy, “Awm chy, nang ly Babulon samrang i kiu y tym ai,” nanai kapathang pi.

JEREMIA 38:18

Na i py nang kasum apei y lawh baly, hini mary ly Babulon chengchi i kiu y tym ai. Nichi my py hini mary ai mai leng vui ai. Nang py nichi kiu i nai tleaung ai ny y,’ nanai leu ang pei,” nanai thui pi.

JEREMIA 38:23

Huni bo y kaimy, “Babulon chengchi ly nang i ajuchi hawi cho chanau bawibawichi ai hawi pawn ai. Nangmy kypkyp py nichi kiu i nai tleaung ai ny y; Babulon samrang my ang patiu ai. Hini mary py mai y kang vui ai,” kanapi.

Ezekiela 12:13

Na i py kai ly py kajang iy huni py ra man hai i, Babulon mary mang y kahawi vui ai. Ni ly huni mary ai niu y naimy, huni mary y dei ai.

Ezekiela 17:15

Na i py Juda samrang ly tavai thau i, keaungngochi hawi tavaimi risa neangneang kasabawmra nga ai nai, Aikupta pri y savaichi pato bo. Ni i katau eaung a? Huna nai sa nai ly law tleaung na a? Ka-lyra sumneang akhai nai taphra nai ly pajeng naira avum y naimy awm na a?

Ezekiela 17:16

Sa thai naira angym nai Areng my, “Kai ly Tameuh kangheng ne; hini samrang ly amy i vaineng abeu nai ai tahm khai y iy, amy ai samrang y palyn nai keung Babulon samrang hawi ka-lyra sa nai leu sumneang ai py taphra nai deaungkho y, Babulon mary y dei takengkei ai.

Ezekiela 21:25

“Nang khumi aso y nai Israela samrang awi, nang i khym taham tla ai nai neng kani, nang ai kangkhym kangtem pajeng ai nai neng kani ly tym bo.