JEREMIA 34:1 - Khumi Common Language Bible

¹ Babulon samrang Nebukhadnezar hawi tavaimichi anui y awm nai pri ngiereichi hawi, khumi cheng cheaungkhangchi i tavaimichi kasabawmra hawi, Jerusalem mary hawi tengpang sahawi i marychi ai tiu nai thym khala, Areng ly kai teng y leu ang pei nai ne.

JEREMIA 34:1 Iomraidhean Croise

JEREMIA 1:15

Kai ly tosyh mang i khumi cheng cheaungkhangchi ai kapalau bo,” nanai Areng my leu pei nai ne. Nichi i samrangchi ly jeu iy, mychi i samrang atehra ai Jerusalem mary ka-ki hawi, mary apai katheu pa-khochi sahawi y py, Juda marychi tengpang sahawi y py, khai u ai.

JEREMIA 21:2

“Babulon samrang Nebukhadnezar hawi ni i tavaimichi ly mary tiu ai nai katanmeuh lawh bo i, Areng teng y kaichi i vui ahui pi kyh ba. Areng ly kaichi i vui rengrang ka-ma-ra sa pi baly, Nebukhadnezar ai anaw tan anaw hai lym ai,” nanai takeng.

JEREMIA 32:1

Areng ly Juda samrang Zedekiah i samrang y atheng nai saneng horei khala y kai teng y leu ang pei nai ne. Huni saneng ly Babulon samrang Nebukhadnezar i samrang atheng nai saneng holai tajarei saneng ne.

JEREMIA 32:2

Huni neng khala y Babulon samrang i tavaimichi ly Jerusalem mary ai tiu nai ne. Kai ai py samrang yhm apai theung y ang paeung.

DANIELA 4:1

Samrang Nebukhadnezar ly khaileaung pri verei y awm nai, leu cheaungkhang katheu nai khumi bawibawichi teng y, pany hai ai ngai nai cha harei ly hina nai kamta pa nai ne. “Nangchi ly paleung awmnem naimy awm u sy!

DANIELA 4:22

“Samrang awi, nang ly huni dengkeaung keung pui ne. Nang ly kani y angteu na pa-rei asang iy, sa thai naira ly khaileaung pri verei y khiu nai ne.

DANIELA 5:19

Ni ly khri pa-rei tahm asang nai deaungkho y, cheng leu cheaungkhang katheu nai khumi neangneangchi hawi, pri neangneangchi ra i khumi bawibawichi ly jei hyn u bo. Ni ly mymy padei ai ngai nai khumi ai padei iy, heng hai ai ngai nai khumi ai heng hai bo. Tahm pasang ai ngai nai khumi ai tahm pasang iy, tahm panem ai ngai nai khumi ai tahm panem nai ne.