JEREMIA 32:43 - Khumi Common Language Bible

⁴³ Hini pri ly khumi angso hawi tawnbawichi by y nai, khutaha daichi ka-vym lawm ai, nanai py, Babulon khumichi i kiu y tym ai, nanai py, khumichi ly thui u lengleang nai ne. Na i py hini pri i li khaileaungchi ai, ka-jo ka-van sa u bi ai.

JEREMIA 32:43 Iomraidhean Croise

JEREMIA 32:15

Israela chengchi i Tameuh, ati cheaungkhang sa thai nai keung Areng my hini pri y yhmchi, lichi hawi kreip akhochi ai vai mo mang y ka-jo ka-van sa u bi ai, nanai leu pei bo,” napi.

JEREMIA 32:25

Na i py aw Areng Tameuh, hini mary ai Babulon khumichi my peang vui enten nai khala malawn py, nang ly kai ai pany hai nai keungchi i mo y, li khaileaung van ai nai leu pei lawh ly” napi.

JEREMIA 32:36

Israela chengchi i Areng Tameuh my, “Jeremia awi, hini mary ly tavai takai, tahum takang hawi, no kanghawichi deaungkho y Babulon samrang i kiu y tym ai, nanai khumichi thui u nai ne. Kaimy leu pei bi nai ly vai tangai u.

JEREMIA 33:10

Areng my, “Hini meingtym ly khutaha daichi ka-vym kamta khumi angso, tawnbawichi by y naira ne, nanai khumichi thui u lengleang nai ne. Juda marychi hawi Jerusalem mary lamchira y khumi angso, tawnbawichi savai tlang veng bo, nanai ly teng khyp nai ne. Na i py huni meingtymchira y,

JEREMIA 33:12

Ati cheaungkhang sa thai nai keung Areng my, “Khumichi hawi tawnbawichi by y iy khutaha daichi ka-vym hawi atawm nai hini pri y, beram typ nai keungchi my beramchi ai sui patlai nai meingtymchi awm teang ai.

Ezekiela 28:26

Nichi ly huni meingtym y chymme naimy awm u ai. Nichi ly yhmchi sa iy kreip akhochi sa u ai. Nichi ai mei aniu y sa nai pri deaungpa bawibawichi ai kaimy pajeng nai khala, nang ly chymme ai. Israela pri ly tlamsa naimy awm ai. Huna nai khala kai ly nichi i Areng Tameuh ne, nanai nichi pany u ai,” napi.