JEREMIA 30:5 - Khumi Common Language Bible

⁵ Areng my, “Kai ly jei naimy aeu nai raawi thai; huni raawi ly tlamsa nai raawi ny y; jei iy aeu nai raawi ne.

JEREMIA 30:5 Iomraidhean Croise

ISAIA 5:30

Huni neng khala nichi ly pangli tui amsau nai katyn kamta, raawi pajeng parai naimy Israela pri y aeu u ai. Huni pri ai khen u cham rai! Huni ly vengpam, ngari kamtang cheichei lawh ly! Kangvang ly kaveng theung y tama jo nai ne.

ISAIA 59:11

Kaichi ly jei hyn naimy paleung mawn naira avum u nai ne. Kaimychi ai ana naichi kiu i nai atleu ai nai, Tameuh ai kadeaung u teu i py, khri pa-rei akhan na i, atyhtyh teu bo.

JEREMIA 12:12

Khumichi ly tiu ai nai tui by y nai daichi ka-vymra i, mawi aheungchi tako prei iy, ang jeu bo. Hini pri verei taphra pawn ai nai, kai ly tavai pasau hai ai. Ami py tlamsa naimy awm thai y.

JEREMIA 25:36

Nangchi ly vo tangam naimy aeu u ai. Ati mana nai mo na baly nichi i prichi ai kado theu nai hawimy taphra iy, nichi i tlamsa nai pri ai phra hai seaungkhrang veng nai deaungkho y ne.

JEREMIA 30:4

Israela khumichi hawi Juda khumichi teng y, Areng my hina nai kamta leu pei nai ne.

JEREMIA 46:5

Na i py Areng my, “Kai i niu nai ly ati mana nai mo? Nichi ly jei i nithun mang y anaw u bo. Nichi i tavaimi risachi ly sum u nai ne. Nichi ly khri pa-rei jei u nai deaungkho y nithun mang y khen y naimy, athorei my angpreng u kaliki na bo,” napi.

JEREMIA 6:22

Areng my, “Tosyh mang y awm nai pri hareira i khumichi ly tavai thau u ai. Kamlora i atho len nai khumi cheng ly tavai tiu ai nai angveirym bo.

JEREMIA 6:26

Areng my mymy i khumichi teng y, “Nangchi ly paisiu akhiu iy maidym theung y jawn y tlawntlai; chanau leaungrei dei keng nai molam y vo tangam nai kamta, paleung ama naimy vo u. Ati mana nai mo nabaly nangchi ai tamyh pawn ai nai keung ly vaimy ang jeu iy ang tiu praw ryp ai nai deaungkho y ne.

JEREMIA 8:16

Paleung ka-echi ly tosyh mang y awm nai Dan mary tym pa-rei tym u i, nichi i keaungngochi i noseng eng nai katyn achi thai bo. Nichi i keaungngochi hang nai khala, pri verei kasotheu u nai ne. Nichi ly achi i pri hawi achi i pri y awm nai ngierei, achi i mary raurei, mary i mipuichi ai tamyh pawn ai nai ang tym u nai ne,” nanai thui u bo.

JEREMIA 8:19

Tangai u! Khri pa-rei palo parai nai pri takhra y awm nai kai i khumichi i vo hang nai raawi kathai bo. “Areng ly Zion mary y awm y lawh a? Zion mary i samrang ly huni mary y awm y lawh a? Nichi i samrang Areng my, “Nangchi ly ati mana nai y mynchi hawi cheng takhrachi i tameuhchi ai chiu nai hawimy kai ai kado patheu u lawh mo?,” napi.

JEREMIA 9:19

“Kaichi ly myh kang naira avum bo! Tahm pipi by y nai avum u lawh bo ly! Kaichi i yhm hlauchi ly phra pawn veng bo i, kaichi ly kaimychi i pri khai su ai nai tla ai,” nanai Zion mary i khumichi i vo tangam nai raawi tangai u, nanai thui u bo.

AMOS 8:10

Nangchi i amo theu nai pawichi ai, sih tla nai pawi lawm hai ai. Nangchi i amo theu sarai iy khulym thui nai raawichi ly vo nai raawichi lawm vui ai. Nangchi ly sam vau chum iy, paisiu kanih akhiu u ai. Chapo leaungrei awm nai dei keng nai deaungkho y, paleung si tapai nanai amhm ampo kamta lawm ai. Huni kani ly tem khala khrairei khri pa-rei hawi y nai kani lawm ai.

HABAKKUK 1:10

Nichi ly pri peang nai samrangchi ai, khumi aniu y nai sa u bo. Samrang i bangtangchi ai panui hai u. Nichi ai mani mo amtangra py paka pajau y. Nichi ly abyhra angawmchi taphum iy, amtangrachi ai tiu pajau vui nai ne.

HABAKKUK 1:6

Kai ly ka-jei hawi parai iy awm pypy thai y nai Babulon chengchi ai sa thai naira awm hai ai. Nichi ly pri takhrachi ai tiu ai nai khaileaung y tako prei iy, tavai thau u ai.