JEREMIA 30:2 - Khumi Common Language Bible

² Israela chengchi i Areng Tameuh my, “Nang teng y kai my kang thui pi nai leuchi ly cha-iu theung y tajiu typ ba.

JEREMIA 30:2 Iomraidhean Croise

THEU NAI 17:14

Naibaly Areng my Mosi teng y, “Hini eaung nai ly pany jo ai nai tajiu typ; kaimy Amalek chengchi ai tavai kasum hai ai nai Josua teng y thui pi,” napi.

ISAIA 30:8

Tameuh my, “Huni khumichi ly ati mana nai khumi cheng mo, nanai kangkhym y pany jo nai ka-ma-ra awm jo ai nai cha-iu harei theung y tajiu typ ba,” nanai kai ai ang thui pi nai ne.

ISAIA 8:1

Areng ly kai teng y, “Cha tajiura blackboard pui harei la iy, ‘Tiu kaliki, lawm kaliki’ nanai leusai cha-mawi kalen pui tajiu ba.

JEREMIA 25:13

Kai ly hini khumi chengchi ai vaichi khala kapajei nai kamta, khumi cheng cheaungkhangchi ai Jeremia my thui pi nai pajeng nairachi hawi py, hini cha-iu theung y abawi nai pajeng nairachi hawi py, kaparip ai.

JEREMIA 30:1

Hini ly Jeremia teng y Areng my leu pei nai ne.

JEREMIA 36:28

“Nang ly takhra cha aeang harei la iy, samrang Jehojakim my mai leng veng nai cha aeangra y abawi nai leu sai ngiereichi ai tajiu ba.

JEREMIA 36:32

Huna nai khala y kai ly takhra cha aeang harei la iy, kai i secretary Baru teng y pei pi. Baru ly samrang Jehojakim my mai leng vui nai cha aeangra y abawi nai cha ngiereichi ai, kaimy labeaung mang thui pi nai kamta tajiu bo. Kaimy labeaung mang thui pi nai ka-tawm leuchi tajiu panawi bi nai ne.

DANIELA 12:4

Ni my kai teng y, “Aw Daniela awi, nang ly huni cha-iu pakhym vui ly khaileaung pri tem nai neng ryrei, huni salo y pajawp typ nai ka-ma-ra nip typ ba. Hina nai thym khala y khumi neangneangchi malawn py, huni leaungsaichi tym nai pany thai ai nai, atho sa u atyhtyh ai,” napi.

ROM AVANGCHI TENG Y PAWLA I CHA PA NAI 15:4

Achi ly Tameuh i cha-iu deaungkho y kham pajau naira hawi awmnem naira nga iy, athang khai naira nga thai ai nai, jangni i tajiu nai ngierei ly achi ai ang patiu ai nai tajiu nai ne.

I KORINTH 10:11

Naibaly huni ly amtiu ai naira lawn ai nai nichi i tlang tleaung y tym hai nai chy bo; achi, neng tem naira y tym naichi ai ang parip ai nai tajiu nai ne.

Leu Thui Nai 31:19

“Vai nang ly hini khulym tajiu ba, hini khulym ly Israela chengchi i vui kai i pany hai nai ka-ma-ra lawm ai nai, hini khulym ly nichi ai patiu pi.

II PETERA 1:21

Thui rym nai leu ha py khumi i kangai y theu vai y leang: huni ny y naimy Phailo Kachai my khumichi ai dawn hai iy Tameuh teng i dengdairei thui nai ne.

AMTENG HAI NAI 1:11

“Nang i atiti niu nai ly cha-iu y tajiu iy, palau takhra kamkawm saryhrei, Ephesi avang hawi, Smurna avang hawi, Perkamon avang hawi, Thuatira avang hawi, Sardisa avang hawi, Philadelphia avang hawi, Leiodikeia avang teng y py pa,” nanai kathai.

AMTENG HAI NAI 1:19

Hunaibaly nang i atiti niu chum naichi hawi, vai atiti awm naichi hawi, vai momang y atiti awm ai naichi i satang py tajiu;