JEREMIA 3:9 - Khumi Common Language Bible

⁹ Israela i hawi y nai ly mymy hawi abi abang y nai kamta, mychi i pri y chai hai y bo. Ni ly lengseaungchi, dengkeaung keungchi ai chiu iy tamang bo.

JEREMIA 3:9 Iomraidhean Croise

ISAIA 57:3

Nangchi khumi hawi y nai, kamngo sa naichi awi! Tara chih naira avum ai nai hini meingtym y jeu u. Nangchi ly ami i aju chanauchi hawi tamang naichi, bimachi, uimiu khawn naichi hawi vanrei ne.

ISAIA 57:6

Hunira i suileng nai lengseaungchi la iy, nangchi i tameuhchi palawn iy chiu u. Nangchi ly kreip hang leih iy huni tameuhchi teng y talam u nai ne. Cha nei kapathypra py talam u bo. Nangchi hina nai sa nai ly kaimy kawn pi ai, nanai nangchi athang khai u a?

JEREMIA 10:8

Nichi bawibawi ly ka-khum hawi khumi aso y naichi ne. Dengkeaung mynchi my ly nichi ai ati amtiu naira pei pajau ai mo?

JEREMIA 16:18

Nichi ai mychi i kamngo hawi, hawi y nai saichi molam y phy nyhrei kapajeng ai. Ati mana nai mo nabaly khumi kadei kamta heng y nai mynchi saho y, kai i pri ai chai nem hai y bo. Mychi teng y kaimy pei nai pri y tameuh ka-chawichi hawimy kawi hai bo,” napi.

JEREMIA 2:27

Dengkeaung keung teng y, ‘Nang ly kai i ampo ne,’ nanai py, lengseaung teng y, ‘Nang ly kai i amhm ne,’ nanai py nangchi thui u bo. Nangchi ly kai mang y amhi y, kai ai nithun thun u. Na i py nangchi ly ka-jeira avum nai khala y, kaichi ai sabawm ai nai jeu kyh ba, nanai kai teng y hnei u bo.

JEREMIA 2:7

Kai ly nichi ai paitiu khuta hawi nai pri y amti amjang hawi, takhra teicha teinei kahawichi cha nei ai nai kapahawi bo. Na i py nichi ly kai i pri taphra u. Nichi teng y kaimy pei nai pri ai chai hai y nai ne.

JEREMIA 3:2

Mawi saleungchi ai khen angdeang u. Bima kamta nang so vai y naichi awm a? Arab cheng ly daichi ka-vym y lawm ai nai amo yb nai kamta, nang ly lam tengchira y tavawichi ai ajeng bo. Nang ly nangmy i hawi y nai kamleaung kalop hawi, hini pri y chai hai y nai ne.

Ezekiela 16:17

Nang ly kaimy kang pei nai muku tangka hawi vang kateng lengseaung phyreichi la iy neampacho mynchi sa, hunichi hawi tamang nai ne.

Ezekiela 23:10

Nichi ly ni ai tlang ka-keu naimy khai iy, ni i cho chanauchi ai patiu u. Hunaibaly ni ai haisau hawi tleh u nai ne. Ni i taham si nai satang ai meingtym tleirei y, neampachychi my preaung u bo.

Ezekiela 23:21

(Nang Aholiba awi, nang ly anglo chengthli nai thym khala, neampachochi my nang i kanu ai panem piu nai deaungkho y, anglo mo phra nai Aikupta pri y, kamleaung sa nai kamta, sa tamang bi ai nai ngai lawh ly.)

Ezekiela 23:3

Nini ly deaungdi nai Aikupta pri y awm nai thym khala y, myni i kanu ai panem piu naira avum i, anglo mo phra iy bimanu lawm hawi bo.

HOSEA 2:2

Kai i cho chanauchi awi, nangchi i amhm teng y takeng u. Ni ly kai i aju ny y leang bo. Kai py ni i juvo ny y leang bo. Na i py bima hawi kamleaung sa nai kalopchi anawn vui ai nai, nangchi i amhm teng y takeng u.

HOSEA 4:12

Nichi ly dengkeaung hawi sa nai tameuh teng y leung pataw u! thengbeang my nichi pany ai ngai nai ngierei thui pi! Nichi ly kai ai khai u su bo. Bimanu lawm nai neampachy kamta, nichi ly tameuh takhrachi mang y ahihawi u bo.

JOELA 1:19

Sui tlai nairachi hawi dengkeaung keungchi ly mai my kang nai kamta deirawm pawn nai ne. Huna nai y aw Areng, kaichi ly nang teng y vo u nai ne.

HABAKKUK 2:19

Nangchi ly taham si u! Deng keaung beang ai, “Anglaw jau” nanai py, lengseaung ai, “Angthau jau” nanai py, nangchi thui u reng nai ne. Myn ly nangchi ai ati thui pi pachai thai ai mo? Muku tangkachi hawi an paleaung nai ne i py, huni myn ly heng y leang.

MATTHAI 5:32

Na i py kai ly kang thui pi, ami py angai naira ny y naimy aju ai khai nai ngierei ly mymy ai pajang sa hai bo: naibaly ami py juvo my khai nai neampachy ai la nai ngierei ly pajang sa nai bo.