JEREMIA 3:7 - Khumi Common Language Bible

⁷ Huna nai sa chum nai bo y ni ly kai teng y ali ai ngaw khyh, nanai kadawn bo. Na i py ni ly ali teang y. Huna nai ali teang y nai ai ni i tuicho ka-ym by y nai Juda ly niu nai ne.

JEREMIA 3:7 Iomraidhean Croise

2 NENG SATANG 17:4

Ni ly ampo i Tameuh ai chiu iy Tameuh i leu tangai. Israela samrang i sa nai kamta so y.

JEREMIA 12:1

Aw Areng, kai i molam nang teng y leu amti pi ai nabaly, nang naini hawi nai keung ne. Na i py leu meitang awm nai, by y nai molam ly kai kang deng ai nai ngai. Ati mana nai y khumi hawi y naichi ly hunatan pa-rei nang chawn u nai mo? Leu meitang teaung y nai khumichi ly ati mana nai y tlamsa u lawh mo?

JEREMIA 33:24

“Kai ly kaimy i vawi takhra nai Israela yhm dengtheungchi hawi Juda yhm dengtheungchi ai khai su bo, nanai khumichi my thui u nai ly nang pany a? Nichi ly hina nai kamta kai i khumichi ai mei aniu y nai sa iy, khumi cheng harei malawn py palawn u y bo.

JEREMIA 5:11

Israela hawi Juda mipuichi ly kai i leu pipi tangai u y. Hini ly kai, Areng my thui nai leu ne, napi.

Ezekiela 16:46

“Nang i ngamjo neampachy ly mymy i chaniuchi hawi vanrei awm nai tosyh ngan mang i Samari mary ne. Nang i ngamnau neampachy ly mymy i chaniuchi hawi vanrei awm nai, tokalawi ngan mang i Sodom mary ne.

Ezekiela 16:47

Nang ly nichi i kheu lawi chiu iy, amso ngam naichi sa naimy paleung tuinem a? Tuinem y; nang ly neng maidenreichy sala y my, nichi i sa nai ngiereichi tleaung y hawi y keh naichi sa nai ne.

HOSEA 11:7

Nichi ly kai teng i nai angphri vui iy tako u reng nai ne. Nichi tleang nai kaneaung tamtleang molam y tangam naimy aeu u teu i py, ami py huni tamtleang ai dawmkhawn pi ai ny y.

HOSEA 14:1

Israela khumichi awi, nangchi i Areng Tameuh teng y vawi u teang jau. Nangchi ly nangmychi i kamngo molam y athei thleaung iy atlym u bo.

AMOS 4:8

Tui takang nai deaungkho y phyrei mary i khumichi ly tengpang sahawi i mary mang y tui hau nai akawm parai teu i py, nei ai nai tui ka-lawn pa-rei ngo u y. Na i py nangchi ly kai teng y jeu y naimy awm u nai ne.

MALAKHI 2:11

Juda khumichi ly Tameuh hawi mychi i leu adeu nai taphra vui iy, Jerusalem mary hawi Juda pri verei y amso ngai nairachi sa u bo. Nangchi ly Areng i khrei nai Achura yhm ai amneaung hai u. Neampachochi py cheng takhra tameuhchi ai chiu nai neampachychi hawi apom u.