JEREMIA 3:6 - Khumi Common Language Bible

⁶ Samrang Josia deung y Areng my kai ai, “Huni leu atangai y nai neampachy Israela ly kai ai ati mana khai su mo, nanai nang niu bo a? Ni ly mawi ka-sang tleirei y py, apu parai nai dengkeaung tleirei anui y py, bima kalop sa nai ne.

JEREMIA 3:6 Iomraidhean Croise

1 ARENG KEH 14:23

Nichi ly teng y nai tameuhchi ai chiu ai nai meingtymchi sa u; mawi saleungchi hawi ka-khui hawi nai dengkeaung keungchi anui y chiu ai nai leungchengchi, Aserah myn leungchengchi py leng u bo.

2 NENG SATANG 34:1

Josia ly saneng tajarei awm nai khala y Juda samrang lawm i, Jerusalem mary y saneng 31 rei peang nai ne.

SAM 106:39

Huna nai kamta tleh u nai deaungkho y, mymychi ai py chai hai y nai ne. Huna nai sa u nai molam y, Tameuh i tlang tleaung y py ka-ym by y bo.

ISAIA 57:3

Nangchi khumi hawi y nai, kamngo sa naichi awi! Tara chih naira avum ai nai hini meingtym y jeu u. Nangchi ly ami i aju chanauchi hawi tamang naichi, bimachi, uimiu khawn naichi hawi vanrei ne.

ISAIA 57:7

Nangchi ly mawi ka-sang salo y lyn iy, apathyp nai tarawi y, kamthu kamleaung sa u.

JEREMIA 1:2

Josia i chapo Ammon ly Juda samrang y lyn nai saneng holai thomrei khala y, Areng ly Jeremia teng y leu pei nai ne.

JEREMIA 11:10

Kai i leu tangai y naichi ly mychi i amsi pajochi i sa nai kamngochi sa u ali teang bo. Nichi ly tameuh takhrachi ai chiu u lawh. Israela chengchi hawi Juda chengchi ly kai hawi mychi i amsi pajochi asa nai Leu Maikawm ai taphra u mei nai ne.

JEREMIA 17:2

Mawi aheungchira y awm nai heng-yh nai dengkeaung keung ngiereichi sahawi y py, mawi saleungchi salo y py, Asherah tameuh myn i vui pado pi nai leungchengchi hawi maichamchira y, nangchi i cho chanauchi my chiu u nai ne. Nangchi ly nangmychi i pri verei y sa tamang u nai kamngochi molam y,nangchi i yhmtheaung katui muku, tangka, vang katengchi ai, nangchi chiu u nai mawi aheungchi hawi vanrei, paleung ka-echi teng y kaimy kapei vui ai.

JEREMIA 3:8

Israela ly kai ai khai su iy bima kalop sa nai deaungkho y, kaimy khai vui i, kapatheu praw bo. Na i py Israela i tuicho ka-ym by y nai tuicho ly jei y i, mymy naimy bima kalop sa iy,

JEREMIA 31:22

Ka-ym by y nai khumichi awi, nangchi ly mana tanrei kakra aninaw u ai rai mo? Neampachy my neampacho ai ama hai pajau nai ly rengrang nai kamta, kai Areng ly atiti takhra kangmeng kangtha sa nai ne,” napi.

JEREMIA 5:11

Israela hawi Juda mipuichi ly kai i leu pipi tangai u y. Hini ly kai, Areng my thui nai leu ne, napi.

JEREMIA 7:24

Na i py nichi ly kai i leu tangai y, tahm py khai u y. Nichi ly mychi i hawi y nai paleung katangra i theu nai ka-dawnchi kamta sa u. Nichi ly hawi ai nai tleaung y ly hawi y kehra bo.

Ezekiela 16:31

Nang ly lam sangum tleirei y nangmy chiu ai nai mynchi sa iy, seng meingtym tleirei y bima kalopchi sa ai nai meingtymchi sa nai khala, bima kalop sa lawh teu i py, kalang bimachi kamta vang lo y lawh.

Ezekiela 16:35

Nang bima Jerusalem mary awi! Areng my leu pei nai tangai.

Ezekiela 20:28

Kai ly nichi teng y pei ai nai vaineng adeu nai pri y kapahawi bo. Nichi ly mawi ka-sangchi hawi heng-up nai dengkeaung keungchi ai niu nai khala, huni meingtymchira y apathyp u nai ne. Mui katuichi leng patlum nai kapathypra hawi, kreip hang kapathyprachi talam u bo. Huna nai leaungsaichi hawi kai ai kado patheu u nai ne.

Ezekiela 23:11

Aholiba ly hina nai leaungsaichi niu; na i py ni ly Ahola tleaung y hawi y keh nai bima lawm bo.

Ezekiela 23:4

Amjo ai ly Ahola,amnau ai ly Aholiba, nanai amyn pathi nai ne. (Ahola ly Samari mary ai amyn apu iy, Aholiba ly Jerusalem mary ai amyn apu nai ne.) Kai ly nini leaungnyhrei ai pom mei i, nini my cho chanauchi sa pi.

HOSEA 11:7

Nichi ly kai teng i nai angphri vui iy tako u reng nai ne. Nichi tleang nai kaneaung tamtleang molam y tangam naimy aeu u teu i py, ami py huni tamtleang ai dawmkhawn pi ai ny y.

HOSEA 4:13

Nichi ly mawi saleung i chiu sa nai meingtymchira y apathyp u iy, mawi aheungchira i, ka-khui hawi nai dengkeaung keung puichi anui y rimuichi patawi u bo. “Naibaly nangchi i chaniuchi ly bimanu lawm iy, nangchi i lengngochi ly kamleaungnu lawm u bo.

TARA CHIH NAI KEUNGCHI 2:17

Na i py Israela chengchi my ly huni lu sa nai keungchi i leu tangai pi y; Israela chengchi ly Areng i leu tangai y i, tameuh takhrachi ai chiu u bo. Areng i Reita leu pei naichi ai amsi pajochi my sa patawm nai kamta, nichi ly patawm u y.