JEREMIA 3:25 - Khumi Common Language Bible

²⁵ kaichi ly kangjira y jawn tlawntlai nai y, tahm anem ai nai avo. Kaichi ly deaungdichy khala i ka-so vaini khrairei, kaichi hawi amsi pajochi ly achi i Areng Tameuh i tlang tleaung y kamngo kasa u. Mymy i leu py tangai u y bo,” napi.

JEREMIA 3:25 Iomraidhean Croise

SAM 106:6

Kaichi ly amsi pajochi kamta, kamngo sa u; khumi aso y nai kasa u bo.

SAM 106:7

Kaichi i amsi pajochi ly Aikupta pri y Tameuh my sa nai lyh ai hawi parai nai ai pany thai y; nichi teng y avawvawrei, tamen nai sai patei pi nai ly tami u veng bo. Naibaly pangli kamsen sahawi y ati cheaungkhang sa thai nai keung ai tiu u nai ne.

SAM 109:29

Kai i paleung ka-echi ly tahm awm u moh sy; nichi ly angji ngailai nai hawimy, mychi ai kanih kamta khiu na sy.

LEU KACHENG 13:18

Thui parip nai ai ngai y nai khumi ly ngari kamtang avum iy tahm anem ai; thui parip nai ai tangai nai ngiereichi ly tahm khai naira avum ai.

LEU KACHENG 5:13

Kai ly kaimy i sarachi i leu tangai y, tahm khai y lawh ly.

ISAIA 48:8

Nangchi ai ym ai nai aso y nai py, nangchi ly tapen khyp khala i ka-so langmeang thau naichi ne, nanai amthang nai py kapany. Naibaly hini atiti satangchi ai, nangchi ly mana khala py thai y, pany kawp y. Vaichi khala my nangchi ly kano thai y.

ISAIA 50:11

Khumi takhrachi ai tamyh pawn ai nai dawn paviu nai khumi bawibawichi awi, nangchi ly nangmychi i dawn paviu nai hawimy, myh kang u ai. Areng mymy kypkyp my, hini atitichi tym hai ai. Nichi ly ngari kamtang avum u ai.

JEREMIA 11:13

Juda pri y mary neangneang awm nai kamta, khumi mipuichi teng py tameuh neangneang awm. Jerusalem mary theung y py lam neangneang awm nai kamta, mary i khumichi ly kaji ai hawi nai Bala tameuh i vui, kapathypra talam ai nai maichamchi sa u nai ne.

JEREMIA 12:13

Kai i khumichi ly choh pati teu i py, kabeng alengchi naini tyn u ai. Nichi ly khri pa-rei kalop sa u teu i py, ati sai py kamran by y. Kai i kado theu ala nai deaungkho y, nichi ly kaji ai hawi nai athai pakym u ai,” napi.

JEREMIA 14:20

Aw Areng, kaichi ly kaimychi i kamngo hawi, amsi pajochi i kamngochi molam y ahui bo mang. Kaichi ly nang i tlang tleaung y katamang u lawh bo.

JEREMIA 14:7

Kai i khumichi my kai teng y, ‘Kaichi ly kaimychi i kamngo my thui tamawn teu i py, aw Areng, kaichi ai nangmy i amyn y sabawm kyh ba. Kaichi ly nang ai avaw avawrei, nithun kathun u bo. Nang i tlang tleaung y kamngo kasa u lawh bo,’ nanai aeu u.

JEREMIA 2:17

Aw Israela, hini kalop ly nang i sa nai kalop ne na a! Kai ly nang ai lam patei iy kang pahawi nai thym khala y, kai, Areng ai khai u su bo.

JEREMIA 2:19

Nang i hawi y sa naimy ly nang ai ang pajeng ai. Nang i sa tamang naimy ly nang i kamngolai tara chih ai. Nangmy i Areng Tameuh ai khai su nai, kai ai jei kaji y naimy awm nai, hunichi ly ati mana tanrei hawi y na mo, nanai nang pany ai. Hini ly ati cheaungkhang sa thai nai keung, kai, Areng my thui nai leu ne,” napi.

JEREMIA 2:2

“Nang ly Jerusalem mary y chei iy, huni mary y awm nai khumi bawibawichi teng y hini satang thui pi,” Nangchi ly deaungdi khala y, ati mana ka-ym awm u mo, nanai kai pany. Nang ly deaung vawi nai anglo kamta kai ai khrei bo. Nangchi ly ati sai py pati y nai daichi ka-vym jeungrei tako prei iy, kai i nithun abang u nai ne.

JEREMIA 2:26

Areng my, “Patiu naira avum nai neng khala y kangviu khumi ly kangji nga nai kamta, nang i samrangchi, samrang i cho chanauchi, pathyp pi nai keungchi, amochi, nangchi Israela cheng mipui bawibawichi ly kangji nga u ai.

JEREMIA 20:18

Kai ly ati mana nai y tapen lawh mo? Paleungbi nai hawi ngari kamtang avum ai nai lawn ai a? Kai i heng nai ly kangji kangai hawi deung tlum ai bo a?

JEREMIA 22:21

Nangchi nang chawn nai thym khala y, Areng ly nangchi ai pany hai pi bo. Na i py nangchi ly tangai u y. Nangchi ly deaungdichy khala i dengdairei, hina nai kamta sa u jojo. Areng i leu ai mana khala py tangai ai nai ngai u y.

JEREMIA 3:13

Nang ly nangmy i Areng Tameuh ai tiu lawh nai hawi, kamngo tla bo, nanai phai ahui. Apu parai nai dengkeaung tleirei anui y, nang ly cheng takhrachi i tameuhchi ai paleung apei lawh iy, kai i leu tangai y lawh, nanai py ahui ai nai tla. Hini ly kai, Areng i thui nai leu ne.

JEREMIA 31:19

Kaichi ly nang teng i nai hi vui teu i py, kra y naimy nang teng y vawi ali teang ai nai ka-dawn u vau bo. Nang i parip nai dawn pany vau nai khala kaichi ly paleung atum naimy paleung ama u nai ne. Kaichi ly deaungdi kala kamngo kasa u nai deaungkho y kangji nga iy tahm anem u bo.’

JEREMIA 6:26

Areng my mymy i khumichi teng y, “Nangchi ly paisiu akhiu iy maidym theung y jawn y tlawntlai; chanau leaungrei dei keng nai molam y vo tangam nai kamta, paleung ama naimy vo u. Ati mana nai mo nabaly nangchi ai tamyh pawn ai nai keung ly vaimy ang jeu iy ang tiu praw ryp ai nai deaungkho y ne.

JEREMIA 7:19

Na i py paleung aleng tatang nai ly kai a? Ny y leang. Nichi naini mychi i paleung aleng hai iy, kangji nga u nai ne.

JEREMIA 8:14

Tameuh i khumichi my, “Achi ly ati mana nai y ateh u tliu lawh mo? Jeu u ly amtangra marychi mang y angpreng iy, achi dei u sina. Achi i Areng Tameuh ly achi ai dei hai bo. Achi ly mymy i tlang tleaung y kamngo sa nai deaungkho y, mymy ly achi nei ai nai dei asi abawi nai tui panei bo.

JEREMIA 9:18

Khumichi my py, “Kaichi i meichi ly meikatui hawi kawi iy, kaichi i mei akhymchi ly vo ala nai deaungkho y, meikatui kawi nanai pa-rei, si tlaiveu khulym thui thai nai khulym kakawpchi ai palau u kaliki,” napi u.

TANGAM NAI LEU 5:16

Kaichi i amlyh ai naira ly ha py by y leang bo. Kaichi ly kamngo sa tamang nai deaungkho y, taham si.

TANGAM NAI LEU 5:7

Kaichi i amsi pajochi ly kamngo sa tamang iy, dei u pawn nai deaungkho y, kaichi ly nichi i kamngo mynji pho ai nai tla.

Ezekiela 2:3

“Nang khumi cho awi, kai ai tiu nai Israela khumichi theng y nang ai kang pato ai. Nichi ly mymychi i amsi pajochi kamta, vai khrairei kai ai ang tiu u nai ne.

Ezekiela 36:32

Israela chengchi awi, kai ly nangchi ai kang dawn hai nai molam y hinichi sa nai ny y, nanai nangchi ai pany hai ai nai ngai. Vai, nangchi i sa nai molam y kangji nga hai ai nai ngai. Hini ly sa thai naira angym nai kai, Areng i pei nai leu ne.”

Ezekiela 44:13

Nichi ly pathyp pi nai keungchi kamta, kai i kalop sa ai nai ngo u y ai. Chai parai nai ha harei sahawi y ahihawi ai nai py nga ai ny y; khri pa-rei chai parai nai meingtym mang y py kun ai nai nga ai ny y. Hini pajeng naira ly mychi i sa nai amso ngai nairachi molam y ne.

Ezekiela 7:18

Nichi ly paisiu akhiu iy ngan tlang verei kaso tahyn theu u ai. Lu tabiuliu iy kangji kangai nga u ai.

DANIELA 12:2

Dei chum nai khumi neangneangchi ly heng u ali teang ai. Nichi theung i phyrei khumichi ly deungtasarei hengra nga u ai. Phyreichi ly deungtasarei tahm anem naira avum u ai.

HOSEA 9:10

Areng my, “Israela ai kai avum angchei nai khala, daichi ka-vym theung y prau nai kreip keungchi ai niu nai kamta ne. Nangchi i amsi pajochi ai kai avum angchei nai khala, myn angchei nai thaidu athaichi ai niu nai kamta ne. Na i py nichi ly peor mawi y tym nai khala y, Bala tameuh ai chiu u nai deaungkho y, nichi my tahm khai nai tameuhchi kamta, amso ngai nai lawm vui bo.

ZEPHANIAH 1:17

Areng my, “Kai ly khumichi tlang tleaung y khri pa-rei patang naira tym hai ai i, khumi luteng ly mei kamju kamta kaveng theung y patham mengmang iy tako u ai nai tla ai. Nichi ly kai i tlang tleaung y kamngo sa u bo. Naibaly kai ly nichi i thi ai tui kamta lai vui ai. Nichi i veuchi py khaileaung salo y veaung tlawn naimy awm ai,” napi.

ROM AVANGCHI TENG Y PAWLA I CHA PA NAI 6:21

Vai nangchi i atiti kaji hai parai nairachi y ly, hunai thym khala y ly athai ati nga u mo? Huni atitichi i tem naira ly dei naira ne chy bo.

TARA CHIH NAI KEUNGCHI 2:2

Nangchi ly hini pri y awm nai khumichi hawi mana khala py, leu maikawm aso moh. Nichi i maichamchi ai taphra vui ai nai tla, nanai nangchi ai leu kang pei bo. Na i py nangchi ly kai i leu pei nai tangai u y; ati mana nai y hina nai sa u lawh mo!