JEREMIA 3:24 - Khumi Common Language Bible

²⁴ Na i py kaichi ly deaungdichy khala i ka-so, kangji hawi nai tameuhchi ai kachiu u nai deaungkho y, jangni khala i dengdairei amsi pajochi my lop-panra i beram kanghuchi, si kanghuchi, cho chanau hawi awm nai bawibawichi chau pawn nai ne.

JEREMIA 3:24 Iomraidhean Croise

JEREMIA 11:13

Juda pri y mary neangneang awm nai kamta, khumi mipuichi teng py tameuh neangneang awm. Jerusalem mary theung y py lam neangneang awm nai kamta, mary i khumichi ly kaji ai hawi nai Bala tameuh i vui, kapathypra talam ai nai maichamchi sa u nai ne.

JEREMIA 22:21

Nangchi nang chawn nai thym khala y, Areng ly nangchi ai pany hai pi bo. Na i py nangchi ly tangai u y. Nangchi ly deaungdichy khala i dengdairei, hina nai kamta sa u jojo. Areng i leu ai mana khala py tangai ai nai ngai u y.

JEREMIA 44:7

“Hunai deaungkho y Israela chengchi i Tameuh, ati cheaungkhang sa thai nai keung kai, Areng my, nangchi ly ati mana nai y nangmychi i tlang tleaung y hina nai ka-jeira tym pa-rei, hawi y naichi sa u lawh mo? Nangchi ly nangchi i cheng myh ai nai neampacho, neampachy, deaungdichi hawi, kanu nei thym naichi ai tama hai ai nai ngai u lawh mo?

JEREMIA 8:16

Paleung ka-echi ly tosyh mang y awm nai Dan mary tym pa-rei tym u i, nichi i keaungngochi i noseng eng nai katyn achi thai bo. Nichi i keaungngochi hang nai khala, pri verei kasotheu u nai ne. Nichi ly achi i pri hawi achi i pri y awm nai ngierei, achi i mary raurei, mary i mipuichi ai tamyh pawn ai nai ang tym u nai ne,” nanai thui u bo.

JEREMIA 9:18

Khumichi my py, “Kaichi i meichi ly meikatui hawi kawi iy, kaichi i mei akhymchi ly vo ala nai deaungkho y, meikatui kawi nanai pa-rei, si tlaiveu khulym thui thai nai khulym kakawpchi ai palau u kaliki,” napi u.

Ezekiela 16:19

Kai ly nang cha ai nai hawi keh nai tako dei, olive asitui, khawi hang hawi sa nai teicha teineichi kang pei. Na i py nang ly mynchi teng y meimai nga ai nai, huni teicha teineichi ai nichi teng y mui katui palawn iy talam lawh bo,” napi. Hini ly sa thai naira angym nai Areng i thui nai leu ne.

Ezekiela 16:20

“Hunaibaly nang ly kai hawi nga nai cho chanauchi ai la i, tawnbawi palawn iy mynchi teng y apathyp bo. Nang ly kai i tlang tleaung y ka-ym by y nai khyh chang y i, paleung anyp y naimy,

Ezekiela 16:61

Nang i ngamjo hawi ngamnau neampachychi nang teng y tym ali teang nai khala, nang ly nangmy sa nai saichi adawn vau ai i, kaji ai. Nang hawi asa nai Leu Maikawmra y abawi y teu i py, kai ly nichi ai nang i chaniuchi kamta lawm hai ai.

Ezekiela 16:63

Nangmy i sa tamang nai ngiereichi ai kaimy kang pahen pi nai khala, nang ly huni tamang nairachi ai adawn vau iy, kaji nai deaungkho y labeaung malawn py ang vam y na pa-rei kangji nga ai,” napi. Hini ly sa thai naira angym nai Areng i thui nai leu ne.

HOSEA 10:6

Huni myn ai Asuria empara samrang teng y talam ai nai, huni pri mang y syn u ai. Israela khumichi ly huni myn ai ym u nai molam y, kangji nga u ai.

HOSEA 2:8

Ni ly Bala tameuh ai chiu naira y talam nai chohpui chomaw, kreip hang, olive asitui, muku hawi tangkachi kai teng i nga nai ne, nanai ni pany y.

HOSEA 9:10

Areng my, “Israela ai kai avum angchei nai khala, daichi ka-vym theung y prau nai kreip keungchi ai niu nai kamta ne. Nangchi i amsi pajochi ai kai avum angchei nai khala, myn angchei nai thaidu athaichi ai niu nai kamta ne. Na i py nichi ly peor mawi y tym nai khala y, Bala tameuh ai chiu u nai deaungkho y, nichi my tahm khai nai tameuhchi kamta, amso ngai nai lawm vui bo.