JEREMIA 3:21 - Khumi Common Language Bible

²¹ Mawi aheungchi salo y raawi thai nai ne. Huni raawi ly Israela mipuichi i kamngo theung y anum naimy mymychi i Areng Tameuh ai tami u veng nai deaungkho y, vo tangam nai tarawi y hnei takeng u nai raawi ne.

JEREMIA 3:21 Iomraidhean Croise

JOBA 33:27

Ni ly mipuichi mo y, “Kai ly kamngo sa tamang lawh bo; hawi naira kaso y teu i py, Tameuh ly kai ai atleu.

LEU KACHENG 10:9

Neaung hawi nai khumichi ly chymme naimy awm ai nai nga u reng nai ne. Na i py neaung hawi y nai khumichi ly mychi i hawi y nai sai amteng ai.

LEU KACHENG 19:3

Phyrei khumichi ly mychi i hawi y nai molam y phra u nai khala, Areng ai thui tamawn u bo.

ISAIA 15:2

Dibon mary i khumichi ly myn chiu nai meingtymra y chei u iy, vo tangam ai nai mawi saleung y lyn u. Moba pri i khumichi py Nebo mary hawi Medeba mary i vui paleung si nai deaungkho y vo hang u nai ne. Nichi ly paleung si nai ka-ma-ra sam hawi labeaung muichi vau pawn.

ISAIA 17:10

Aw Israela pri, nang ly nang ai atleu iy lengseaung pui kamta ama hai nai Tameuh ai tami veng lawh bo. Nang ly cheng takhra khumichi i tameuh ai chiu ai nai apu parai nai keungchi ui nai ne.

ISAIA 57:11

Areng my, “Kai ai tapawp iy tami vui nai, pany y vui na pa-rei, nangchi jei u nai tameuhchi ly amichi mo? Kai ly kra parai pa-rei tynkryh y naimy awm nai deaungkho y, nangchi ly kai ai jei y nai awm u nai a?

JEREMIA 12:12

Khumichi ly tiu ai nai tui by y nai daichi ka-vymra i, mawi aheungchi tako prei iy, ang jeu bo. Hini pri verei taphra pawn ai nai, kai ly tavai pasau hai ai. Ami py tlamsa naimy awm thai y.

JEREMIA 13:25

Hini ly nangmychi i khym taham ne ai, nanai Areng my leu pei bo. Nangchi ly mymy ai tami u iy, tameuh ka-chawichi ai ym u lawh nai deaungkho y, mymy ly nangchi i tlang tleaung y, hina nai kamta tym hai nai ne.

JEREMIA 18:15

Na i py kai i khumichi ly kai ai tami u bo. Nichi ly ati sai py ny y nai mynchi vui y mui katuichi leng patlum u lawh. Nichi ly mychi tako ai avo nai lam y athei iy, atlym u bo. Lam kangngym tako u y. Nichi ly ka-ma-ra khai y nai amny amcha y nai lam mang tako u nai ne.

JEREMIA 2:32

Anglo ly mymy i amia lengseaungchi ai py, deaung vawi nai anglo ly mymy i apom nai ateaungchi ai py, tami vui thai na a? Na i py kai i khumichi ly kati pajau y nai neng kanichi neng khala, kai ai tami u veng bo.

JEREMIA 3:2

Mawi saleungchi ai khen angdeang u. Bima kamta nang so vai y naichi awm a? Arab cheng ly daichi ka-vym y lawm ai nai amo yb nai kamta, nang ly lam tengchira y tavawichi ai ajeng bo. Nang ly nangmy i hawi y nai kamleaung kalop hawi, hini pri y chai hai y nai ne.

JEREMIA 31:9

Nichi ai kaimy kapahawi ali teang nai khala y, kai i khumichi ly chiu sa naimy vo tangam u iy ang vawi u ai. Kai ly nichi ai tuino leaung nai meingtymchi hawi, nichi athei y, avah y ai nai lam kahawi mang kapahawi ai. Kai ly Israela chengchi i ampo ne iy, Ephraim cheng theaung ly kai i chapo chalu ne.”

JEREMIA 7:29

“Jerusalem mary i khumichi awi, vo tangam u; Nangchi i sam vau iy aphi u pawn. Kai, Areng ly kaimy i kado theu hai nai khumichi ai nyn kava veng bo i, nangchi ly mawi aheungchira y tlaiveu pavum nai khulymchi thui u.

Ezekiela 23:35

Sa thai naira angym nai Areng my leu pei nai ly “Nang ly kai ai tami vui iy nithun thun naimy kamleaung paleung hawi bima kalop sa nai molam y, nang ly patang naira avum ai,” napi.

Ezekiela 7:16

Heng rai nai khumichi ly apryn buhu kamta tangam naimy leaunghawi theung i dengdairei, mawi mang y preang u ai. Khumi bawibawichi ly mymychi i kamngo molam y vo u ai.

HOSEA 13:6

Na i py nangchi ly tlamsa naira angym nai pri y tym iy, teicha teinei kajeu kawi pa-rei cha ai nai nga nai deaungkho y, paleung tuinem nai khala, paleung len i, kai ai tami u bo.

HOSEA 8:14

“Israela khumichi ly samrang yhmchi sa u teu i py, mychi ai sa nai keung ai tami u bo. Juda khumichi ly khaw parai nai marychi sa u. Na i py kai ly nichi i samrang yhmchi hawi marychira y, mai tla iy kang hai ai.”

MIKHA 3:9

Israela chengchi ai peang nai keung miteaung kehchi awi, tangai u. Nangchi ly leu meitang naimy tara chih nai ai niu ngai y iy, kateng lam ai tamang hai u bo.

Kati Nai 22:32

Kani pri amtaw thau nai my Balam teng y, “Nang ly keaungngo kano kasau ai hina nai kamta ati mana nai y tlen thomrei pakhau na lawh mo? Nang ly hini khuleaung lam chei thai y ai nai, kai ly nang i tako nai lam y paka khyp nai ne.

II KORINTH 7:10

Ati mana nai mo nabaly Tameuh i ngai nai kamta paleung mawn naira my ly hengra nga ai nai pa-rei uikhei naira sa; huni my ly adawn ali naira tym hai y leang, khaileaung pri i paleung mawn naira naini dei naira sa nai teu.