JEREMIA 3:17 - Khumi Common Language Bible

¹⁷ Huni neng tym nai khala y, Jerusalem mary ly ‘Areng i areng atehra,’ nanai palau ai. Khumi cheng cheaungkhangchi py, huni mary y akachu u iy kai i amyn tahm pasang u ai. Nichi ly mychi i hawi y nai paleung katang kangai mang y sa u ai ny y.

JEREMIA 3:17 Iomraidhean Croise

ATITI AWM ANGCHEI NAI 8:21

Apathyp nai mui katui ai Areng ly kawn i, Nova teng y, “Khumichi atiti sa nai deaungkho y khaileaung ai kapasawi bi y leang bo; khumi i paleung dawn naichi ly deaungdichy khala i ka-so hawi y jojo nai kapany; vai i kamta heng nai cheaungkhangchi ai katamyh bi y leang bo.

1 ARENG KEH 8:41

Kamlo paraira y awm nai pri takhra cho leaungrei ly nang i amyn amthang nai sai hawi nangmy i khumichi i vui sa pi nai nang parai nai satang py, thai nai deaungkho y, nang ai chiu ai nai hini Achura Yhm y tym iy chiu sa hnei takeng nai khala,

SAM 102:23

Kai deaungdichy khala i dengdairei, Areng ly kai ai atho di hai iy, kai i heng nai deung py dawi hai bo.

SAM 78:8

Nichi ly Tameuh i leu tangai y nai hawi, atiu reng nai amsi pajochi kamta lawn u y ai; huni amsi pajochi ly mana khala py, Tameuh ai ym khaw kalingie nai by y; mymy i tlang tleaung y py ka-ym by y jojo.

SAM 87:3

Aw Tameuh i mary pui, mymy ly nang i satang lyh ai awm nai, vai ang thui pi nai ly tangai ba.

ISAIA 26:8

Kaichi ly nang i ngai nai kamta sa iy, nang ai athang khai naimy awm; nang ai naini kakadeaung u bo.

ISAIA 56:6

Naibaly mymy i khumichi lawm u nai, mymy ai tamen iy kalop sa naimy chiu u nai, anawn kani y taphra y ai nai kry iy, leu maikawm y ka-ym awm nai cheng takhra khumichi teng y,

ISAIA 59:19

Nidym mang dengdai nisi mang khrairei, khumi bawibawichi ly mymy i amyn hawi sa thai naira haiho ai, jei hyn naimy tahm khai u ai. Mymy ly ho parai nai tavo tui kamta py, ho parai nai ali kamta py ang jeu ai.

ISAIA 6:1

Samrang Uzia dei nai saneng y kai ly Areng hawi avum nai ne. Mymy ly nang parai nai bailang tleaung y ateh. Achura yhm verei py mymy i ateaung hawimy kawi na bo.

ISAIA 66:1

Areng my, “Kani pri ly kai areng atehra ne i, khaileaung ly kai i kheu chiura ne. Hunai deaungkho y nangchi ly kai i vui ati mana nai Achura yhm, kai awm ai nai vui ati mana nai meingtym sa u ai mo?

ISAIA 66:18

Nichi i sa nai, dawn naichi kai pany. Kai ly pri tlei tleireichira i khumichi ai kachu ai nai kang jeu ai. Nichi ly akachu u nai khala y kai i sa thai naira mana tanrei ham na mo, nanai niu u ai. Mymychi ai pajeng nai keung ly kai naini ne, nanai py pany u ai. Na i py kai ly phyreichi ai tlamsa naira pei ai. Kai ly nichi ai kai i satang thai vai y, kai i sa thai naira len parai nai niu vai y nai

ISAIA 66:20

Nichi ly khumi cheng cheaungkhangchi teng i nai nangchi i chengchi ai Areng i vui langseaung kamta, hawi ali teang ai. Israela chengchi ly thengthai khulawnchi ai reita kamta, laawm kachaichira y khai iy Achura yhm mang y syn u nai kamta huni khumichi ly huni langseaungchi ai keaungngo, keaungngo kano kasau, Kula-iuchi, keaungngo ka-ri hawi si ka-richi tleaung y tang iy, Jerusalem mary i chai parai nai mawi salo y syn u ai.

JEREMIA 11:8

Na i py nichi ly kai i leu tangai u y. Sa patawm nai py by y. Nichi bawibawi ly paleung tang ra tang ra iy, kaso ra kaso u ra nai ne. Kai ly nichi teng y sa patawm ai nai leu pei kheng teu i py, nichi patawm u y nai khala Leu Maikawm theung y abawi nai vainengchi ly nichi i tlang tleaung y lawi hai bo,” napi.

JEREMIA 12:15

Na i py kai ly nichi ai huna nai atleu chum baly, kapahen ai. Huni khumi cheng bawibawichi ai, mychi i khu ka-peang mang y hawi, mychi i pri y kapahawi teang ai.

JEREMIA 12:16

Nichi ly kai i chengchi i reita leu ngai iy, vaichi khala Bala tameuh teng y vaineng abeu nai saichi ai nichi ly kai i khumichi teng y patiu pi nai kamta vai ly ‘Areng i heng nai kamta,’ nanai kai i amyn y vaineng abeu u lawh baly, nichi ly kai i khumichi theung y abawi iy nang chawn u ai.

JEREMIA 14:21

Nang i leu adeu naichi pany pi jo kyh ly khensi-me moh kyh ba. Nang i nang parai nai sai apu nai areng atehra, napi nai Jerusalem mary ai tahm panem moh kyh ba. Nang ly kaichi hawi asa nai Leu Maikawm ai taphra moh kyh ba.

JEREMIA 16:12

Na i py nangchi ly nangmychi i amsi pajochi tleaung y malawn py, khri pa-rei hawi y nairachi sa u nai ne. Nangchi bawibawi ly paleung tang, hawi y iy kai i leu tangai u y.

JEREMIA 16:19

Aw Areng, nang ly kai ai kry iy atho pei bo. Patang naira avum nai khala sabawm bo. Khaileaung pri katemra i dengdairei khumi cheng cheaungkhangchi ly nang teng y jeu iy, “Kaichi i amsi pajochi chiu nai tameuhchi ly tameuh ka-chawi ne, atyhtyh teu. Hawi naira pei pajau y nai mynchi ne.

JEREMIA 17:12

Achi i Achura yhm ly angchei khala i dengdairei mawi saleung y awm nai ne i, nang parai nai areng atehra hawi atawm nai ne.

JEREMIA 18:12

Huna nai khala nichi my, “Kaichi ly amtlau vui pajau y leang; ati mana nai amtlau vui ai mo? Kaichi ly kaimychi ngai ngai paleung tang naimy, hawi y nai kasa u ai,” nanai thui u ai.

JEREMIA 3:19

Areng my leu pei nai ly “Israela awi, kaimy chapo kang palawn iy amo theu ai hawi nai pri, khaileaung pri verei y apu keh nai pri kang pei ai nai ngai. Nang ly kai ai ampo palau iy mana khala py, kai ai nithun thun vui y ai nai, kai ly aly ngai.

JEREMIA 31:23

Israela chengchi i ati cheaungkhang sa thai nai keung Areng Tameuh my, “Hini khumichi ai mychi i pri y kaimy pahawi ali teang nai khala, ‘Areng ly mymy i awm nai meingtym kachai,napi nai Jerusalem mawi kachai ai amtheaung hai sy,’ nanai nichi ly Juda pri marychira y thui u taleang bi ai.

JEREMIA 33:9

Jerusalem mary ly kai i amo theu naira, tahm asang naira hawi amlyh naira lawm ai. Khaileaung pri i khumi cheng cheaungkhangchi ly huni mary ai kaimy peang nai hawi nairachi py, huni mary y kaimy tym hai nai nang chawn nairachi py, thai u nai khala ly kaso theu u ai,” napi.

JEREMIA 4:2

kai i amyn y tau iy vaineng abeu nai ly kataw kateng lawm ai. Huna nai khala y khumi cheng cheaungkhangchi ly mymychi amtheaung naira nga ai nai hnei takeng u ai. Kai ai py palo u ai,” napi.

JEREMIA 7:24

Na i py nichi ly kai i leu tangai y, tahm py khai u y. Nichi ly mychi i hawi y nai paleung katangra i theu nai ka-dawnchi kamta sa u. Nichi ly hawi ai nai tleaung y ly hawi y kehra bo.

JEREMIA 9:14

Nichi ly paleung tang iy mymychi i amsi pajochi my thui pi nai kamta, bala tameuh mynchi ai chiu u bo.

Ezekiela 1:26

Huni takhuru nai salo y ly saphire lengseaung hawi sa nai areng atehra ka-tawm harei awm. Huni areng atehra tleaung y ly khumi i mo-cha hawi atawm nai leaungrei ateh.

Ezekiela 43:7

Mymy ly “Nang khumicho awi, hi y ly kai i areng atehra awm; kai i kheu chiura meingtym ne. Kai ly hini meingtym y Israela chengchi hawi vanrei awm ai i, nichi ai deungtasarei peang ai. Israela chengchi py ne sy, nichi i samrangchi py ne sy, phailo mang y kamleaung sa nai py, samrangchi i veu ai meingtym ka-sangra y up nai py, kai i amyn kachai y mana khala py thui tamawn bi ai ny y.

Ezekiela 48:35

Mary ai tapang meuh nai mary apai makeng palyhrei i jeng kasau bawibawi ly miu meaungkateaung atlo sang tajarei awm. Huni mary ai vai i dengdairei “Areng ly hi y awm!” nanai thui u ai.

ZEKHARIAH 2:11

Huni neng khala y khumi cheng cheaungkhangchi ly Areng teng y ahihawi u iy, mymy i khumichi lawm u ai. Mymy ly nangchi theung y awm ai. Kai ai mymy pato nai ne, nanai py, nangchi pany u ai.

ZEKHARIAH 8:8

Jerusalem mary y awm u ai nai nidym, nisi mang i dengdairei, nichi ai kapahawi ai. Nichi ly kai i khumichi lawm ai. Kai py nichi i Tameuh lawm ai i, nichi ai leu meitang hawi ka-ym awm naimy peang ai.

Kati Nai 15:39

Nangchi ly huni thaiphelawmchi niu nai tleirei, kai i leu pei nai ngierei tangai iy teaung patawm jojo ai. Huna nai khala nangchi ly kai ai khai su iy, nangmychi ngaingai sa u ai ny y.

ROM AVANGCHI TENG Y PAWLA I CHA PA NAI 1:21

nichi ly Tameuh ai pany u iy, mymy ai ly Tameuh kamta tahm py khai u y, kawn nai leu py thui u y; nichi ly sai py ny y nai dawn u lawh i, mymychi i pany thai naira by y nai paleung ly veng bo.

ROM AVANGCHI TENG Y PAWLA I CHA PA NAI 6:14

Kamngo naira my ly nangchi i tlang tleaung y aly peang ai nai ny y leang bo; ati mana nai mo nabaly nangchi ai ly Reita my peang nai ny y leang, pahenra my ang peang nai teu.

KALATIA 4:26

Na i py salo mang i Jerusalem naini miseaung ny y i, huni kypkyp ly achi i amhm ne.

Leu Thui Nai 29:29

“Achi i Areng Tameuh my thui pi y nai satangchi awm rai. Na i py achi teng y thui pi nai satangchi ly reita leu pei naichi ne; achi hawi achi i kangpreangchi ly huni reita leu pei naichi ai avawrei patawm jojo ai nai tla.

TARA CHIH NAI KEUNGCHI 2:19

Na i py nichi ly mychi ai lu sa nai keung dei nai bo y ly mangri ra y tym u teng i, angchei i kangpreangchi tleaung y hawi y keh nai leaungsaichi sa u reng nai ne. Nichi ly tameuh takhrachi ai chiu u i, mychi i kamngo lam mang y tako u tangto nai ne.