JEREMIA 3:12 - Khumi Common Language Bible

¹² Mymy ly kai ai tosyh ngan mang y pato iy Israela teng y, “Ka-ym by y nai Israela awi, kai teng y ali teang jau. Kai ly pahen nai keung ne nai deaungkho y, nang ai kado kang theu hai ai ny y. Kai ly deungtasarei kado kang theu hai ai ny y.

JEREMIA 3:12 Iomraidhean Croise

ATITI AWM ANGCHEI NAI 4:7

Nang atiti kahawi sa baly amo theu pajau ai;na i py nang kahawi so y nai deaungkho y kamngo ly nang my i katheu pa-kho y amo ryhryh na bo. Kamngo my nang ai peang ai ngai, na i py, kamngo ai ly nang my pajau vui ai nai tla,” napi.

2 ARENG KEH 15:29

Samrang Pekah my peang nai thym khala, Asuria empara samrang Tiklath Pilesa ly Ijon mary, Abelbet Maaka mary, Janoah mary, Kedesh mary, Hazo mary hawi Kilead pri, Kalili hawi Naphtali prichi ai peang vui iy, khumichi ai py Asuria pri mang y langheng y hawi pawn nai ne.

2 ARENG KEH 17:23

Naibaly Areng ly nichi ai, mymy i miseaung amochi dengdairei pany hai nai leu pei nai kamta, mymy mei ka-niu i nai patheu vui bo. Hunai deaungkho y Israela chengchi ly Asuria pri y pri pala nai avum u i, huni pri y vaini khrairei awm u nai ne.

2 ARENG KEH 17:6

Hosea my peang nai saneng takawrei nai khala y, Asuria empara samrang ly Samari mary ai peang vui iy, Israela chengchi ai Asuria pri mang y langheng hawi vui bo. Hunichi theung i phyreichi ai ly Halah mary theung y khai; phyreichi ai ly Kozan ka-peang Habor tavo sahawi y khai, phyreichi ai ly Media pri i marychira y khai nai ne.

2 ARENG KEH 18:1

Elah i chapo Israela samrang Hosea i peang nai pa-thom saneng y, Ahaz i chapo Hezekia ly saneng 25 rei awm nai khala y, Juda samrang lawm i,

2 NENG SATANG 29:10

“Kado katheu rym ai nai vai, kai ly Israela chengchi i Areng Tameuh hawi Leu Maikawm asa ai nai kadawn bo.

2 NENG SATANG 30:9

Nangchi ly Areng teng y jeu u ali teang baly patiu iy langheng y hawi nai nangmychi i amjo amnauchi ai nichi my pahen ai i, nangchi i pri y vawi hai ali teang ai. Nangchi i Areng Tameuh ly tamen nai hawi pahen nai keung ne. Nangchi ly mymy teng y jeu u ali teang baly, mymy ly nangchi ai kawn ai,” nanaichi abawi nai ne.

SAM 103:17

Na i py Areng ai jei naimy tahm khai naichi i vui y, mymy i tamen nai ly deungtasarei khaw jo nai ne.

SAM 103:8

Areng ly tamen nai hawi pahen nai keung ne iy, paleung sau neaung hawi nai deaungkho y, khaw parai nai tamen naira hawimy kawi angym nai ne.

SAM 103:9

Mymy ly sa tamang nai y avawrei jo preng y; mymy ly kado theu jojo y leang.

SAM 145:8

Areng ly tamen nai paleung ka-dawn hawi, neaung kham pajau nai paleung ka-dawn awm iy, khaw parai nai tamen naira angym nai ne.

SAM 79:5

Aw Areng, nang ly kaichi ai kado theu naimy awm jojo ai bo a? Nang i kado theu nai ly rym y naimy, mai kamta angveaung jojo ai bo a?

SAM 86:15

Na i py aw Areng, nang ly pahen nai hawi tamen reng nai Tameuh ne; nang ly neaung hawi jojo nai ne; avawrei pahen naimy ka-ym awm bo.

SAM 86:5

Nang teng y ly kaichi i tlang tleaung y hawi naira hawi, kamngo palawi pi thai naira awm; nang teng y chiu sa nai khumi bawibawichi tlang tleaung y tym nai, khaw parai nai tamen naira ly kawi na bo.

LEU KACHENG 28:13

Amy i kamngochi ai taphum ai nai atho sa nai khumi ly heng nai deung y mana khala py, chawn pa ai ny y. Ni ly huni kamngochi uikheih iy khai su khala naini, Tameuh teng i pahen naira nga ai.

ISAIA 31:6

Areng my, “Aw Israela chengchi awi, nangchi ly kai i tlang tleaung y kamngo sa iy, ka-awi sa u. Na i py vai, kai teng y ali u teang jau!

ISAIA 44:22

Kai ly nangchi i kamngochi ai khupanym kamta, akheang hai pawn bo. Kai teng y jeu u ali teang; nangchi ai atleu nai keung ly kai ne.

JEREMIA 11:6

Naibaly Areng my kai teng y, “Juda marychi hawi Jerusalem mary lamchira y chei. Huni meingtymchira y kai i leu pei naichi thai hai ly Leu Maikawm theung y abawi nai atitichi sa patawm ai nai, nichi teng y thui pi.

JEREMIA 12:15

Na i py kai ly nichi ai huna nai atleu chum baly, kapahen ai. Huni khumi cheng bawibawichi ai, mychi i khu ka-peang mang y hawi, mychi i pri y kapahawi teang ai.

JEREMIA 23:8

Nichi ly huna nai tleaung y kai ai ly Israela khumichi ai tosyh pri mang i dengdairei py, nichi ai ahei hai nai pri takhrachira i nai py, pahawi ali teang nai Tameuh kangheng palawn iy vaineng abeu u ai. Naibaly nichi ly mychi i saleaung khutengra y awm ai nai nga u ai,” napi.

JEREMIA 3:1

Areng my, “Khumi leaungrei ly my i aju ai akhai vui nai khala y, huni neampachy ly ni teng i nai theu iy, takhra neampacho leaungrei hawi yhmtheaung sa bo. Huna nai khala y angchei i juvo ly my i aju kangngym ai lo ali teang ngau y. La ali teang lawh teu baly, huni pri ly khri pa-rei amso ngai naira lawm ai. Na i py Israela awi, nang ly tavawi neangneang khawn iy, vai kai teng y ali teang ai nai ngai lawh ly!

JEREMIA 3:14

“Ka-ym by y nai khumichi awi, jeu u ali teang jau; kai ly nang i juvo ne. Nangchi ai mary harei y leaungrei, nupai harei y leaung nyhrei vawi takhra iy, Zion mawi mang y kang pahawi ali teang ai.

JEREMIA 3:18

Israela ly Juda hawi amkawm iy khumichi hawi vanrei, nangchi i amsi pajochi teng y kaimy pei nai pri y, tosyh mang dengdairei ang jeu u ai,” nanai thui hai bo.

JEREMIA 3:22

Ka-ym by y nai khumi bawibawichi awi, jeu u ali teang jau; Areng ly nangchi i sa tamang naichi pahen pi ai. Nangchi my, “Ne, nang ly kaichi i Areng Tameuh ne nai deaungkho y, kaichi ly nang teng y kang jeu u ai.

JEREMIA 3:5

Nang ly kado theu hai jojo y leang. Kai i tlang tleaung y deungrei kado theu hai ai ny y,’ nanai thui bo. Aw Israela, nang ly hina nai thui teu i py, amy sa thai nai ryrei hawi y naichi sa bo,” napi.

JEREMIA 3:7

Huna nai sa chum nai bo y ni ly kai teng y ali ai ngaw khyh, nanai kadawn bo. Na i py ni ly ali teang y. Huna nai ali teang y nai ai ni i tuicho ka-ym by y nai Juda ly niu nai ne.

JEREMIA 30:11

Kai ly nangchi ai atleu ai nai kang jeu ai. Kaimy nangchi ai ahei hai nai prichi ai ly kaimy taphra ai. Na i py nangchi ai ly kang taphra ai ny y. Kai ly nangchi ai pajeng y naimy khai ai ny y; na i py pajeng nai khala ly hawi khypchy my kang pajeng ai. Hini ly kai, Areng i thui nai leu ne,” napi.

JEREMIA 31:20

“Israela awi, nang ly kai i ngai keh nai chapo hawi, kai i tamen keh nai chapo py ne. Kai ly nang i amyn kathui nai tleirei, nang ai aawi jojo nai ne. Kai i paleung ly nang teng y apei keh nai ne i, kang pahen ai.

JEREMIA 31:21

Ka-ma-rachi leng iy lam ma kheng; Nangchi i theu jo nai lam hau u ali teang. Israela khumichi awi, vawi u ali teang jau; Nangmychi i khai u su nai mary y vawi u jau.

JEREMIA 31:8

Kai ly huni khumichi ai tosyh mang dengdairei kapahawi ai. Nichi ai khaileaung katem i nai kapahawi ai. Nichi hawi vanrei mei kamjuchi hawi, kheu kambaichi py, neampachy jeubomchi hawi tapen enten nai neampachychi py abang u ryp ai. Nichi ly cheng kalenchi kamta ang vawi u ai.

JEREMIA 33:26

Huna nai kai i kateng sa nai kamta, Jakob i kangpreangchi hawi py, kai i miseaung Davida hawi py, asa nai Leu Maikawm khaw hai jo ai. Kai ly Abraham, Isaka hawi Jakobchi i kangpreangchi ai peang ai nai, Davida kangpreang theung i leaungrei ai vawi takhra ai. Kai i khumichi ai nang chawn hai teang ai. Kai ly nichi i tlang tleaung y kapahen ai,” napi.

JEREMIA 4:1

Areng my, “Israela mipuichi awi, nangchi vawi u ali teang ai nai ngai lawh teu baly, kai teng y vawi u. Kai i niu ngai y nai mynchi va pawn iy, kai i tlang tleaung y ka-ym awm u lawh teu baly,

TANGAM NAI LEU 3:22

Areng i khei pajau y nai tamen naira hawi pahen naira ly

Ezekiela 11:17

“Hunai deaungkho y sa thai naira awm nai kai Areng my leu pei nai ly nichi teng y thui pi. Kai ly cheng takhrachi theung i nai nangchi ai kang la teang iy, nichi ahei u dan nai prichira i nai, nichi ai kapangym ali teang ai. Israela pri py kapei pi ali teang ai.

Ezekiela 33:11

Sa thai naira angym nai kai Areng ly Tameuh kangheng ne nai deaungkho y, kaimy kang thui pi nai ly ami mo leaungrei kamngo sa iy dei nai niu ai nai ngai y. Huni khumi kamngo sa nai anawn iy heng nai naini kaniu ai nai ngai. Nangchi Israela chengchi awi, nangchi i sa thym nai kamngochi anawn u jau; ati mana nai y dei ai nai ngai u lawh mo?

Ezekiela 39:25

Sa thai naira angym nai Areng my, “Na i py vai kai ly Jakob i katu chanau ne nai Israela chengchi ai pahen iy, nang chawn hai ali teang ai. Kai i amyn kachai ai ama hai ai.

HOSEA 6:1

Khumichi my, “Areng teng y vawi u ali teang sina! mymy ly achi ai tamo kalem nga hai teu i py, tamo tha pa-rei hawi ang sa pi ai. Tamo nga hai teu i py, huni tamo ai bam pi y ai a?

Levi 26:40

“Na i py nangchi i kangpreangchi ly nichi i kamngo hawi amsichi i kamngochi ahui u ai. Nichi i amsi pajochi ly kai ai ka-awi sa iy tiu u i,

ZEKHARIAH 1:4

Nangchi ly nangmychi i amsi pajochi kamta so u moh. Jangni khala i amochi ly nichi teng y hawi y nai saichi anawn u ai nai thui pi teu i py, nichi ly tangai y, dawn dan u y.

Leu Thui Nai 30:2

nang hawi nangchi i kangpreangchi ly Areng teng y ali u teang iy, kaimy vai kang pei nai reitachi ai paleung hawi verei tangai u baly,