JEREMIA 3:11 - Khumi Common Language Bible

¹¹ Naibaly Areng my kai teng y, “Israela ly kai teng i nai meimai hi vui teu i py, ka-ym by y nai Juda tanrei hawi y nai ny y,” napi.

JEREMIA 3:11 Iomraidhean Croise

JEREMIA 11:10

Kai i leu tangai y naichi ly mychi i amsi pajochi i sa nai kamngochi sa u ali teang bo. Nichi ly tameuh takhrachi ai chiu u lawh. Israela chengchi hawi Juda chengchi ly kai hawi mychi i amsi pajochi asa nai Leu Maikawm ai taphra u mei nai ne.

JEREMIA 3:22

Ka-ym by y nai khumi bawibawichi awi, jeu u ali teang jau; Areng ly nangchi i sa tamang naichi pahen pi ai. Nangchi my, “Ne, nang ly kaichi i Areng Tameuh ne nai deaungkho y, kaichi ly nang teng y kang jeu u ai.

JEREMIA 3:7

Huna nai sa chum nai bo y ni ly kai teng y ali ai ngaw khyh, nanai kadawn bo. Na i py ni ly ali teang y. Huna nai ali teang y nai ai ni i tuicho ka-ym by y nai Juda ly niu nai ne.

JEREMIA 3:8

Israela ly kai ai khai su iy bima kalop sa nai deaungkho y, kaimy khai vui i, kapatheu praw bo. Na i py Israela i tuicho ka-ym by y nai tuicho ly jei y i, mymy naimy bima kalop sa iy,

Ezekiela 16:47

Nang ly nichi i kheu lawi chiu iy, amso ngam naichi sa naimy paleung tuinem a? Tuinem y; nang ly neng maidenreichy sala y my, nichi i sa nai ngiereichi tleaung y hawi y keh naichi sa nai ne.

Ezekiela 23:11

Aholiba ly hina nai leaungsaichi niu; na i py ni ly Ahola tleaung y hawi y keh nai bima lawm bo.

HOSEA 11:7

Nichi ly kai teng i nai angphri vui iy tako u reng nai ne. Nichi tleang nai kaneaung tamtleang molam y tangam naimy aeu u teu i py, ami py huni tamtleang ai dawmkhawn pi ai ny y.

HOSEA 4:16

Israela khumichi ly kry rai nai si nu tanglo kamta, paleung tang u cheng lawh. Kai ly nichi ai beram chochi kamta, sui tlai naira y mana kry pajau ai mo?