JEREMIA 3:1 - Khumi Common Language Bible

¹ Areng my, “Khumi leaungrei ly my i aju ai akhai vui nai khala y, huni neampachy ly ni teng i nai theu iy, takhra neampacho leaungrei hawi yhmtheaung sa bo. Huna nai khala y angchei i juvo ly my i aju kangngym ai lo ali teang ngau y. La ali teang lawh teu baly, huni pri ly khri pa-rei amso ngai naira lawm ai. Na i py Israela awi, nang ly tavawi neangneang khawn iy, vai kai teng y ali teang ai nai ngai lawh ly!

JEREMIA 3:1 Iomraidhean Croise

SAM 106:38

Nichi ly kamngo by y nai mychi i cho chanauchi kypkyp ai tleh iy, Kanan pri mynchi teng y talam u i, mychi i pri y chai hai y bo.

ISAIA 24:5

Khumichi ly Tameuh i reita leu pei naichi khai su nai molam py, mymy i deungtasa Leu Maikawm ngai y nai molam py, khaileaung ai chai hai y nai ne.

JEREMIA 2:20

Ati cheaungkhang sa thai nai Areng my, “Aw Israela, nang ly jangni i ka-so kai i sa thai naira ai khai su iy, nang ly kai i leu tangai y, kai ai py chiu y. Mawi ka-sang tleirei y py, apu parai nai dengkeaung tleirei anui y py, bima kamta sa u lawh bo.

JEREMIA 2:23

Nangchi ly Bala tameuh ai mana khala py chiu vai y. kaimychi ai amso ngai hai y, nanai ati mana thui pajau ai mo? Nangchi ly leaunghawi theung y ati mana kamngo sa u mo, nanai khen cham. Nangmy i sa nai kalop pany ba. Nang ly po ngai nai kula-iu tanglo kamta, awm py thai y na pa-rei angpreng nai ne.

JEREMIA 2:7

Kai ly nichi ai paitiu khuta hawi nai pri y amti amjang hawi, takhra teicha teinei kahawichi cha nei ai nai kapahawi bo. Na i py nichi ly kai i pri taphra u. Nichi teng y kaimy pei nai pri ai chai hai y nai ne.

JEREMIA 22:20

Jerusalem mary i khumichi awi, nangchi i amsawi amnaichi ly tavai sum u ai. Hunai deaungkho y nangchi ly Lebanon mawi saleung y lyn u iy kahau u. Bashan pri mang y chei iy aeu u. Moba pri mawichi salo mang raawi pajeng parai naimy kaau u.

JEREMIA 3:22

Ka-ym by y nai khumi bawibawichi awi, jeu u ali teang jau; Areng ly nangchi i sa tamang naichi pahen pi ai. Nangchi my, “Ne, nang ly kaichi i Areng Tameuh ne nai deaungkho y, kaichi ly nang teng y kang jeu u ai.

JEREMIA 3:9

Israela i hawi y nai ly mymy hawi abi abang y nai kamta, mychi i pri y chai hai y bo. Ni ly lengseaungchi, dengkeaung keungchi ai chiu iy tamang bo.

JEREMIA 31:22

Ka-ym by y nai khumichi awi, nangchi ly mana tanrei kakra aninaw u ai rai mo? Neampachy my neampacho ai ama hai pajau nai ly rengrang nai kamta, kai Areng ly atiti takhra kangmeng kangtha sa nai ne,” napi.

JEREMIA 4:1

Areng my, “Israela mipuichi awi, nangchi vawi u ali teang ai nai ngai lawh teu baly, kai teng y vawi u. Kai i niu ngai y nai mynchi va pawn iy, kai i tlang tleaung y ka-ym awm u lawh teu baly,

JEREMIA 4:14

Aw Jerusalem mary, nang ly tlamsa naira nga ai nai nangmy i paleung kamngo apachai ba. Nang ly hawi y nai katauchi dawn veangveang rai a?

TANGAM NAI LEU 1:2

Ni ly vumtorei vo naimy awm; meikatui ly my i tangbeng y leaung na bo. Vaichi khala mymy i ahawi kamrawi bawibawichi theung y, ni ai awmnemra pei ai nai leaungrei py by y leang bo. Ni i amsawi amnai asa naichi py, atakai vui veng bo. Vai ly nichi my ni ai paleung ka-e khai u.

Ezekiela 16:26

Paleaung ham parai nai yhm deaungpa Aikupta chengchi ai, mymy hawi vanrei i ahawi ai nai pei iy, bima sa nai ly kai ai kado patheu nai ne.

Ezekiela 16:30

Sa thai naira angym nai Areng my leu pei nai ly “Nang ly kangji by y nai bima kamta, hina naichi sa bo.

Ezekiela 16:35

Nang bima Jerusalem mary awi! Areng my leu pei nai tangai.

Ezekiela 33:11

Sa thai naira angym nai kai Areng ly Tameuh kangheng ne nai deaungkho y, kaimy kang thui pi nai ly ami mo leaungrei kamngo sa iy dei nai niu ai nai ngai y. Huni khumi kamngo sa nai anawn iy heng nai naini kaniu ai nai ngai. Nangchi Israela chengchi awi, nangchi i sa thym nai kamngochi anawn u jau; ati mana nai y dei ai nai ngai u lawh mo?

HOSEA 1:2

Areng ly Hosea dengdairei, Israela chengchi teng y leu pei manme nai ly “Nang ly chei iy neampachy leaungrei hawi yhmtheaung so ba. Nang i aju ly ka-ym by y nai neampachy ne ai. Nang i cho chanau py, nang i aju kamta ka-ym by y naichi lawm ai. Kai i khumichi py huna nai kamta, kai ai khai su iy leu atangai u y nai ne,” napi.

HOSEA 2:2

Kai i cho chanauchi awi, nangchi i amhm teng y takeng u. Ni ly kai i aju ny y leang bo. Kai py ni i juvo ny y leang bo. Na i py bima hawi kamleaung sa nai kalopchi anawn vui ai nai, nangchi i amhm teng y takeng u.

MIKHA 2:10

Angthau ly tako u; hini pri ly nangchi i vui chymme naira meingtym ny y leang bo. Nangchi i kamngo nai molam y hini pri ly phra bo.

ZEKHARIAH 1:3

Na i py vai nangchi ly kai teng y vawi u ali teang; kai py nangchi teng y kang jeu ai.

MATTHAI 5:31

“ ‘Ami py aju ai khai nai ngierei ly mymy teng y akhai nai cha pei sy,’ napi bi.

Leu Thui Nai 22:21

mary i miteaung kehchi my neampachy ai ampo i yhm katheu pa-kho mo y hawi iy, mary i khumichi my lengseaung hawi aphi ka ai nai tla. Huni neampachy ly apom y rai nai ampo i yhm tleaung kamleaung sa nai deaungkho y, Israela chengchi theung y kangji pei nai ne. Hina nai sa iy nangchi ly hawi y nai amjy ai tama hai pajau ai.

TARA CHIH NAI KEUNGCHI 19:2

Na i py huni neampachy ly juvo hawi ajo nai deaungkho y, Bethlehem mary y awm nai ampo yhm y ali vui i, hu y lo palyhrei awm vui.