JEREMIA 28:4 - Khumi Common Language Bible

⁴ Kai ly Jehojakim i chapo Juda samrang Jehojakhin ai py, Juda pri i dengdairei Babulon pri mang y abawi jo nai, langheng hawi nai khumichi hawi vanrei, kahawi ali teang ai. Ne, Babulon samrang i sa thai naira kataphra takengkei ai. Hini ly kai Areng i thui nai leu ne,” napi.

JEREMIA 28:4 Iomraidhean Croise

ATITI AWM ANGCHEI NAI 27:40

Nang ly akei hawi kalop sa iy heng ai; na i py ngamnau teng y miseaung achei ai. Na i py nang ly atho sa baly ngamnau my peang naira i law tleaung ai,” napi.

2 ARENG KEH 24:14

Nebukhadnezar ly Jerusalem mary i khumichi, samrang i cho chanauchi hawi lu sa nai keung ngiereichi, khumi bawibawi leaung 10,000reichi ai patiu iy langheng hawi nai ne. Ni ly khumi kamawn kateuchi ai naini Juda pri y daw su iy, tami thip kawp naichi hawi kalop kawp keh naichi ai ly hawi pawn bo.

ISAIA 9:4

Ati mana nai mo nabaly nang ly nichi i myn kaji hawi nichi ai pakhau nai thengbeang khei pi vui nai deaungkho y ne. Jangni khala nang ly Midian tavaimichi ai tiu nai pajau pi vui nai kamta, mymy i khumichi ai ana nai khumichi ai patheu pi vui bo.

JEREMIA 13:19

Tokalawi mang i Juda marychi ai katanmeuh pawn veng bo. Nichi teng y ami py chei pajau y. Juda khumi bawibawichi ai patiu iy, pri pala naira avum u bo,” napi.

JEREMIA 2:20

Ati cheaungkhang sa thai nai Areng my, “Aw Israela, nang ly jangni i ka-so kai i sa thai naira ai khai su iy, nang ly kai i leu tangai y, kai ai py chiu y. Mawi ka-sang tleirei y py, apu parai nai dengkeaung tleirei anui y py, bima kamta sa u lawh bo.

JEREMIA 22:10

Juda khumichi awi, samrang Josia molam y meikatui tlo u moh; ni i dei nai molam y py paleung si hai u moh. Na i py ni i chapo Joahaz i vui y khri pa-rei, meikatui tlo hai u. Paleung ka-echi ly nichi ai deung ka-kan hawi u jo ai. Ni ly my i tapen nai meingtym ai, mana khala py niu ali bi ai ny y.

JEREMIA 22:24

Areng ly Jehojakim i chapo Juda samrang Jehojakhin ai, “Nang ly kai i lamtang kiu y awm nai pajawp typ nai ka-ma-ra kiusabyh ne lawh teu i py, kai ly Tameuh kangheng ne nai y, kai ly nang ai kang pajiu vui ai.

JEREMIA 24:1

Areng ly Achura yhm mo y panui nai thaidu athai teaung nyhrei kai ai patei nai ne. (Huni neng ly Babulon samrang Nebukhadnezar ly Jehojakim i chapo Juda samrang Jehojakhin ai Juda miteaung kehchi, Kupe kakawpchi, kalopra y kawp keh nai khumichi hawi vanrei, Jerusalem mary i dengdairei Babulon pri y langheng hawi nai bo i neng ne.)

JEREMIA 24:5

“Babulon mary mang y abang naichi ly thaidu athai kahawichi hawi atawm, nanai Israela chengchi i Tameuh kai, Areng my adawn pasym iy, kai ly neaung hawi parai naimy kry ai.

JEREMIA 27:8

Na i py mani khumi cheng, ti y baly mani pri ly huni samrang i peang nai anui y awm y baly, huni khumi chengchi ai Nebukhadnezar my taphra y ryrei ly tavai ka-jeira, tahum takang hawi no kanghawichi hawimy kai ly pajeng ai.

JEREMIA 28:10

Huna nai khala y ananiah ly kai i kaneaungra i tamtleang leng vui iy khei piupa i,

JEREMIA 28:2

Israela chengchi i Tameuh, ati cheaungkhang sa thai nai keung Areng my, “Kai ly Babulon samrang i sa thai nai taphra vui bo.

JEREMIA 29:1

Kai ly Jerusalem mary i dengdairei Babulon mary y Nebukhadnezar my langheng y hawi nai pathyp pi nai keungchi, amochi, lu sa naichi hawi khumichi teng y cha harei kapa pi nai ne.

JEREMIA 29:2

Kai ly samrang Jehojakhin, huni samrang i amhm, samrang yhm i miteaung kehchi, Juda pri hawi Jerusalem mary i luchi, kupe kakawpchi hawi kalop kawp keh naichi ai pri pala chum nai bo y tajiu nai cha ne.

JEREMIA 30:8

Ati cheaungkhang sa thai nai keung Areng my, “Huni neng kani tym nai khala y kai ly huni khumichi i kaneaungra i tamtleang khei vui iy, nichi ai kawm nai tamo vuinawnchi su pi vui ai. Nichi ly pri takhrachi teng y miseaung achei ai ny y.

Levi 26:13

Kai ly nangchi ai miseaung i nai alaw jo hai ai nai, Aikupta pri i dengdairei pahawi nai, nangchi i Areng Tameuh ne. Kai ly nangchi i myn kaji alaw hai iy, deangtheang naimy tako hai ai” napi.

NAHUM 1:13

Nangchi ai Asuria prichi kiu i nai law tleaung hai ai. Nangchi ai pakheng nai sengkrychi tameang pawn ai,” napi.