JEREMIA 28:3 - Khumi Common Language Bible

³ Hini Achura yhm i, samrang Nebukhadnezar my Babulon mary mang y syn vui nai yhmtheaung katui ngiereichi ai, saneng nyhrei sala y hini meingtym y, katym hai ali teang ai.

JEREMIA 28:3 Iomraidhean Croise

ATITI AWM ANGCHEI NAI 47:28

Jakob ly Aikupta pri y saneng holai saryhrei awm i, mymy i saneng ly chungvai atlo vui palyh pa-ngo saryhrei awm bo.

ATITI AWM ANGCHEI NAI 47:9

Jakob my, “Kai amki ryry iy kaheng nai ly saneng chungvai atlo phairei awm bo; na i py amsi pajochi i saneng ai pho y leang rai. Kai i heng nai sanengchi ly di i, kapatang parai nai ne,” napi.

2 ARENG KEH 24:13

Achura yhm hawi samrang yhm theung i, vang kateng bawibawichi ai Babulon pri mang y syn pawn nai ne. Areng my thui pi yb nai kamta, Nebukhadnezar ly Achura yhm y teaung ai nai samrang Solomon i sa nai, muku ateaung bawibawichi ai kheaung pawn bo.

2 NENG SATANG 36:10

Kanipui theu nai khala y samrang Nebukhadnezar ly Jehojakhin ai patiu iy Babulon pri y hawi vui bo. Samrang yhm i yhmtheaung katuichi py la pi pawn nai ne. Naibaly Nebukhadnezar ly Jehojakhin i ampochy Zedekiah ai Juda samrang y palyn i, Jerusalem mary y peang hai bo.

2 NENG SATANG 36:7

Achura yhm i yhmtheaung katui phyreichi py la iy, my i Babulon samrang yhm y khai bo.

SAM 90:10

Kaichi ly saneng vui saryhrei naini heng khyh; tlang atho awm naichi ne u lawh baly, saneng vui tajarei heng pajau; na i py huna nai heng nai ly patang naira hawi, paleung bi nairachi avum bo; kra y nai sala y dei i, kaichi ly tama u ryp nai ne.

DANIELA 1:2

Areng ly Nebukhadnezar teng y samrang Jojakim ai patiu ai nai hawi, Achura yhm i yhmtheaung ateaung phyrei ai, la pi pawn ai nai pei. Nebukhadnezar ly langheng hawi naichi ai, Babulon pri y awm nai my i tameuh yhm mang y hawi iy, la pi vui nai yhmtheaung ateaungchi ai, my i tameuh ai chiu nai yhm i vawn khai nai meingtymra y khai bo.