JEREMIA 27:9 - Khumi Common Language Bible

⁹ Amang thui pachai kawp naichi, khumi kadei i phailo palau iy dawi kawp naimy mo mang i satang thui thai nai keungchi, ti y baly nangmychi amochi i leu py tangai u moh. Nichi bawibawi my py nangchi ai Babulon samrang i miseaung y awm y ai nai ang thui pi bo.

JEREMIA 27:9 Iomraidhean Croise

THEU NAI 22:18

“Uimiu khawn nai neampachy ai ly padei takengkei ai tla.

THEU NAI 7:11

Huna nai khala samrang ly ni i khumi kachengchi hawi atam kakawpchi ai palau i, nichi py huni ka-tawm khyp sa u teang nai ne.

LEU KACHENG 19:27

Deang awi, nang ly cheng naira amtiu nai anawn vui lawh baly, nangmy i pany yb naichi malawn py tami pawn ai.

ISAIA 8:19

Na i py khumichi ly atam kawp nai leung sarachi hawi, vawinam kun nai khumichi teng y leu deng ai nai, nangchi teng y thui ai. Nichi my, “Khumichi ly heng nai khumichi i jeng y dei nai khumichi i phailochi teng y leu deng ai nai avo,” nanai thui u ai.

JEREMIA 14:14

Na i py Areng my, “Amochi ly kai i amyn y ka-chawi thui u nai ne. Kai ly nichi ai kapato y leang. Nichi teng y ati sai py kataviu y. Ati sai py amteng hai y. Nichi i thui pi nai paleung mei hawi niu naichi ly kaimy amteng hai naichi ny y. Nichi i thui yb nai leuchi ly ati sai py ny y i, mychi phym atyhtyh nai teu.

JEREMIA 23:16

Ati cheaungkhang sa thai nai keung Areng my Jerusalem mary i khumichi teng y, “Amochi my nangchi ai athang khai hai atyhtyh nai deaungkho y, nichi i leu tangai u moh. Nichi ly mychi i paleung theung y dawn nai kamta thui u nai teu, kai i thui nai leu ny y leang.

JEREMIA 23:25

‘Kai amang amang, kai amang amang,’ nanai mychi i amang mang y kai i leu pei nai thai, nanai kai i amyn y ka-chawi thui nai amochi i leu kai pany.

JEREMIA 23:32

Kai, Areng my leu pei naichi tangai u! Ka-chawi cheichei abawi nai mychi i amang satang thui nai amochi ai kai ly ka-awi sa ai. Nichi ly huni amangchi ai ka-chawi naimy amlyh iy thui nai deaungkho y, kai i khumichi ai lam tamang hai u nai ne. Kai ly nichi ai kapato y, chei ai nai py leu pei y. Hunai deaungkho y nichi ly khumichi i vui y, ati sai py hawi naira by y. Hini ly kai, Areng i thui nai leu ne,” napi.

JEREMIA 29:8

Israela chengchi i Tameuh, ati cheaungkhang sa thai nai keung kai Areng my kang pany hai bo. Nangchi ly nangmychi theung i amochi hawi, mo mang i satang thui nai khumichi i, li-tapawp naira y awm u moh. Nichi i amangchi ai py tahm pateng u moh.

Ezekiela 21:29

Nangchi i paleung mei y niu naichi ly niu angchi khyp nai ny y i, nangchi teng y thui pi yb naichi py ka-chawi cheichei teu. Nangchi ai pajeng angchi khyp ai nai neng kani ly kasa bo. Haisau ly khumi aso y nai i kaneaung y kala ai nai ang tym ai bo.

DANIELA 4:7

Hunaibaly awm nai ngierei, leung sarachi, mei amhyp sarachi, atam sarachi hawi ka-si lo kamtlau kane kawp naichi ly kai i mo y tym u nai ne. Kai ly nichi teng y kai i amang thui pi teu i py, nichi ly huni amang i awm nai sai, thui pi pachai thai y.

MIKHA 3:7

Mo mang i satang thui nai khumichi ly thui nai leu teng y nai deaungkho y, kangji nga u ai. Nichi ly Tameuh teng i thui nai leu ngo y nai y, tahm anem u ai.

ZEKHARIAH 10:2

Khumichi ly tameuh mynchi, mynchi, leung sarachi teng y deng u bo. Na i py nichi i nga nai leu ly ati sai py ny y nai, ka-chawi leuchi ne. Phyrei khumichi ly amangchi thui pachai u; na i py nichi ly nangchi ai teng y nai lam mang y naini ang pahawi reng. Nichi teng i nga nai awmnem naira py, atyhtyh teu. Hunai deaungkho y khumichi ly lam tamang nai beramchi kamta, aki aleaung u bo. Lu sa nai keung by y i, patang naira avum u nai ne.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

AMTAW 8:11

Mymy ly atam sa iy nichi my kra parai pa-rei lyh ai awm parai nai deaungkho y mymy i leu tangai pi bo.

EPHESI 5:6

Ami py leu ta chawm y naira y ly nangchi ai tapawp moh sy; huni atitichi deaungkho y Tameuh i kado theu nai ly leu tangai y nai chanauchi i tlang tleaung y tym reng.

Leu Thui Nai 13:2

vaichi khala nangchi chiu vai y nai tameuhchi ai chiu hai ai nai molam, ka-ma-rachi hawi lyh ai awm naichi py sa pi ai, nanai ang thui pi lym ai. Ni i thui pi nai kamta rengrang ka-ma-rachi hawi lyh ai awm naichi patei pajau lawh teu i py,

Leu Thui Nai 18:14

Naibaly Mosi my, “Nangchi peang ai nai pri y awm yb nai khumichi ly dawi kawp nai, leung khen kawp nai khumichi teng y atitichi deng u reng moh. Na i py nangchi i Areng Tameuh ly huna nai atitichi deng ai nai pei y.

JOSUA 13:22

Israela chengchi my padei naichi theung y, Bora i chapo atam sara Balam py abawi nai ne.

AMTENG HAI NAI 18:23

Maisi kangvang py nang teng y tlen py angvang bi ai ny y; aju palyn nai keung hawi deaung vawi nai anglo i raawi py nang teng y tlen py thai bi ai ny y : nang i ka-pai sa nai keungchi ly khaileaung pri i khumi kalenchi ne lawh; nang i atam nai deaungkho y py cheng cheaungkhangchi ai tapawp nai bo.

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.

AMTENG HAI NAI 22:15

Angam mang y ly uichi py, atam kawpchi py, angai naichi py, khumi ai padei naichi py, myn y chiu naichi py, ka-chawi thui jeaung reng iy ka-chawi sa naichi py awm u bo.

AMTENG HAI NAI 9:21

nichi i padei naichi, atamchi, angai naichi, kangviuchi py uikhei u lawh nai ny y leang.