JEREMIA 27:5 - Khumi Common Language Bible

⁵ “Kai ly kaimy i sa thai naira len parai nai haiho hawi khaileaung pri, khumichi, khaileaung pri y awm nai tawnbawichi hawi raurei kaimy sa nai ne i, huni khaileaung pri ai kaimy ngai nai teng y kapei pajau nai ne.

JEREMIA 27:5 Iomraidhean Croise

ATITI AWM ANGCHEI NAI 1:25

Naibaly Tameuh my huni bawibawichi sa nai bo y hawi nai niu i amo theu.

ATITI AWM ANGCHEI NAI 9:6

Tameuh mymy ka-tawm khyp naimy khumi ai sa nai ne i, amimi py khumi ai padei nai keung ai ly ami my padei teang ai.

EZARA 1:2

Huni leu pei naira y, hini ly Pasia empara pri samrang Kuru i leu pei nai ne. Kani pri mang y awm nai Areng Tameuh ly kai ai khaileaung pri verei y peang hai iy Juda pri Jerusalem mary y Achura yhm sa ai nai ang au bo.

NEHEMIA 9:22

“Nang ly nichi ai mymychi i khujyhra y awm nai prichi hawi, khumichi ai eaung ai nai pei bo. Nichi ly samrang Sihon my peang nai Hesabon pri py, samrang Oka my peang nai Bashan pri py peang u bo.

SAM 102:25

Nang ly jangni y khaileaung palum chum baly, nang i kiu hawi kani khusang ai sa bo.

SAM 96:5

Takhra khumi bawibawichi i tameuhchi ly mynchi teu; na i py Areng ly kani khusang sa nai keung ne.

THEU NAI 20:11

Kai Areng ly kani tariurei sala y my kani khusang, khaileaung, pangli hawi huni theung y awm nai cheaungkhangchi ai sa iy saryh kani y anawn nai ne. Naibaly Areng my huni Anawn nai kani ai ly amtheaung hai iy kani kachai palawn bo.

THEU NAI 6:6

Hunaibaly nang ly Israelachi teng y thui pi ai nai ly, ‘Kai ly Areng ne, Aikupta chengchi teng y miseaungra i nai nangchi ai kaimy lawi hai ai. Kai i sa thai naira kiu ban pheu iy Aikupta chengchi i tlang tleaung y ka-jei hawi parai nai kapajeng ai i, nangchi ai atleu ai.

ISAIA 42:5

Tameuh ly kani khusang ai sa iy, khiu tapai bo. Mymy ly khaileaung hawi vanrei, heng nai amjy bawibawichi ai sa nai ne. Khaileaung y awm nai khumi bawibawichi ai, hengra hawi taho ai nai pei bo. Vai ly Areng Tameuh my, mymy i miseaung teng y thui pi nai ly

ISAIA 44:24

“Kai ly nangchi ai sa nai keung hawi atleu pi nai keung Areng ne. Kai ly ati cheaungkhangchi ai sa nai keung Areng ne. Kani khusang ai kaimy leaungrei khiu khyh nai ne. Khaileaung ai kaimy sa nai khala y, ami py kai ai sabawm u y leang.

ISAIA 45:12

Kai leaungrei naini khaileaung pri ai palum iy, hunira y awm ai nai khumichi ai sa nai keung ne. Kaimy i sa thai naira hawi kani khusang ai khiu tapai iy, kanito, lo, ka-sichi ai kryme nai ne.

ISAIA 48:13

Kai i kiu ly khaileaung sangum langdengchi pala iy, kani khusang ai khiu tapai nai ne. Kai ly khaileaung hawi kani khusang ai kapalau nai khala y, vaimy tym u praw bo.

ISAIA 51:13

Kani khusang ai khiu tapai iy, khaileaung y langdeng pala nai nangchi ai sa nai keung Areng ai nangchi ly tami veng bo sai a? Nangchi ai pahyp y naimy ana nai khumichi, nangchi ai tamyh pawn ai nai angveirym nai khumichi ai ati mana nai y nangchi ly jei u lyhlyh naimy awm u lawh mo? Nangchi i kado theu nai ly nangchi ai mana khala py, ka-jeira tym hai pajau y leang.

JEREMIA 27:4

Israela chengchi i Tameuh, ati cheaungkhang sa thai nai keung Areng ly kai teng y, “Nang ly huni savaichi dengdairei nangmychi i samrangchi teng y, Areng i leu thui pi:

JEREMIA 32:17

“Aw Areng Tameuh, nang ly nang parai nai phum-ang hawi, kani hawi khaileaung ai sa bo. Nangmy so thai y ai nai pa-rei rai naira ha py by y.

JEREMIA 51:15

Areng ly mymy i sa thai naira hawi khaileaung ai sa; mymy ly cheng naira hawi khaileaung pri ai sa chum baly tau kacheng hawi kani khusang ai kadai pha bo.

DANIELA 2:38

Mymy ly nang ai khumichi awm nai khaileaung pri verei ai py, amso tawnbawi hawi tavo bawibawichi ai py, peang ai nai ang pei bo. Samrang nang ly huni myn pui i muku lu ne.

DANIELA 4:14

Kani pri amtaw thau my, “Hini dengkeaung keung ai paliu iy, changpichi katleng pawn. Ngamchi pahui pawn iy athaichi py hei pawn. Amso tawnbawichi ai huni dengkeaung ka-khui i nai py, tavochi ai changpichira i nai py, paryh pawn.

DANIELA 4:17

Hini ly ang khen ang kry nai kani pri amtaw thauchi i sa nai saichi ne. Hunai deaungkho y tahm asang parai nai Tameuh ly khaileaung prichi tlang tleaung y sa thai naira kawi angym nanai py, mymy ly tahm anem keh nai khumi ai malawn py vawi iy samrang y palyn pajau nanai py, meingtym tleirei y awm nai khumi bawibawichi pany u sy,” nanai tao pajeng parai naimy aeu bo.

DANIELA 4:22

“Samrang awi, nang ly huni dengkeaung keung pui ne. Nang ly kani y angteu na pa-rei asang iy, sa thai naira ly khaileaung pri verei y khiu nai ne.

DANIELA 4:25

Nang ai ly khumichi theung i dengdairei patheu vui ai i, daichi mawichi hawi vanrei awm ai. Si kamta acha cha iy saneng saryh ryrei kadam sui ai i, abyhra by y nai meingtym y i ai. Naibaly tahm asang parai nai Tameuh ly khaileaung pri verei ai peang iy, mymy i ngai nai khumi ami ai py ne sy, samrang y palyn pajau, nanai nang adawn vau ai.

DANIELA 5:18

“Tahm asang parai nai Tameuh ly ngampo samrang Nebukhadnezar teng y peang nai sa thai naira hawi tahm asang parai nai samrang leaungrei lawm hai iy, tahm awm nai hawi phum-ang angym hai bo.

AMTAW 14:15

“Arengchi awi, nangchi ly hina nai ly ati mana nai sa nai mo? Kaini py nangmychi ka-tawm khumi teang teu be; nangchi ly hini atiti rumramchi ai ly khai su iy, kani py, khaileaung py, pangli py, mymychi theung y awm nai bawibawichi ai sa nai keung Tameuh kangheng teng y ly amhi u ai nai kaini ly Satang Kahawi kang tym hai nai teu.

AMTAW 17:24

Khaileaung pri hawi, huni theung y ati cheaungkhang bawibawi sa nai Tameuh ly kani khaileaung Areng ne nai deaungkho y khumichi i kiu y sa pi nai yhm y ly awm y leang;

AMTAW 17:26

khaileaung salo verei y awm ai nai thi vanrei y my khumi cheaungkhang ai sa iy, mymychi i vui neng hawi awm naira jyh py khai pi;

Leu Thui Nai 2:19

Hunaibaly nangchi ly Lota i kangpreang Ammon chengchi i pri sahawi y tym u ai. Kaimy nichi ai pei yb nai ly nangchi ai kang pei ai ny y nai deaungkho y, nichi ai khrukhra hai u moh ly tavai py tiu u moh,” napi.

Leu Thui Nai 2:21

Nichi ly Anakim khumi kamta len ka-sang pan tlai nai ne. Nichi ly khumi nawi parai i, haiho len nai cheng ne. Na i py Areng my nichi ai tamyh vui i, Ammon chengchi my nichi ai peang vui iy khuteng sa u bo.

Leu Thui Nai 2:7

“Nangchi i Areng Tameuh ly nangchi i sa nai ngierei ai mana amtheaung hai mo, nanai adawn u. Hini kau parai nai daichi ka-vym khuleaung lam jeungrei nangchi ai ang kry nai ne. Mymy ly nangchi hawi vanrei saneng vui palyhrei awm hai nai deaungkho y, nangchi i ngai nai cheaungkhangchi ang pei bo.

Leu Thui Nai 2:9

Areng my kai teng y, ‘Lota i kangpreang Moba khumichi ai khrukhra hai u moh; tavai tiu u moh. Kai ly nichi teng y Ara mary kapei veng bo i, nichi i khaileaung ly nangchi ai kang pei y leang,” napi.

Leu Thui Nai 32:8

Salo kangteng keh Tameuh ly pri tleirei i khujyhchi py, khumi cheng neangneangchi awm ai nai prichi py khujyh patleh pi. Pri tleirei y kani pri amtaw thau naichi khai pi takhra bo.

Leu Thui Nai 4:17

tawnbawi, ti y baly tavo myn, ava nai tawnbawi, ti y baly ngo myn hawi atawm nai

Leu Thui Nai 4:25

“Nangchi ly huni pri y kra parai pa-rei awm ai i, katu chanauchi nga nai pa-rei Areng i tlang tleaung y kamngo so u y ai nai myn sa iy, chiu u moh. Myn chiu nai ly Areng i mei ka-niu y kamngo tla i, mymy ai kado theu hai ai nai sa nai ne.

Leu Thui Nai 4:32

“Tameuh ly khaileaung salo y khumi ai sa nai neng khala i ka-so, nangchi ai tapen y rai nai neng sala, hini khaileaung pri verei y hinatan pa-rei lyh ai awm naichi tym vai a? Khaileaung pri verei y hau cham rai. Hina nai kamta atiti satangchi ami thai vai mo?

Leu Thui Nai 4:35

Areng naini Tameuh ne, nanai, tameuh takhra by y, nanai, hunichi hawimy nangchi ai pany hai bo.

Leu Thui Nai 5:16

“ ‘Nangchi teng Areng my pei nai pri y nangchi nang chawn iy, heng sau thai ai nai, nangchi i Areng Tameuh my leu pei nai kamta, ngamhm ngampo ai tahm khai u.

Leu Thui Nai 9:29

Meitang khyp, nichi ly nang i vawi nai khumichi ne iy, Aikupta pri i dengdairei, nangmy i sa thai naira len parai nai hawimy pahawi nai khumichi ne,’ nanai hnei takeng pi bo,” napi.

KOLOSA 1:16

mymy i saho y ati cheaungkhang sa nai ne iy, kani mang y awm naichi hawi, khaileaung y awm naichi py, niu thai naichi hawi niu thai y naichi py, areng atehra py, peang naira py, areng naira py, aly peang naira py, ati cheaungkhang mymy i saho y sa nai ne i, mymy i vui y py sa nai ne teang.

HEBRAI 1:2

na i py hini kangkhym kangtem i neng y ly mymy ly Chapo ai achi teng y leu thui hai bo; mymy ly ni ai ati cheaungkhang amtym ai nai keung y khai rym i, ni i saho y kani khaileaung py sa.

AMTENG HAI NAI 4:11

“Kaichi i Areng hawi Tameuh hawi, palo naira hawi, tahm pasang naira hawi, sa thai naira py nang ly nga ai ataing nai ne; Ati mana nai mo nabaly nang ly ati cheaungkhang sa i, hunichi nang ngai nai deaungkho y awm nai hawi sa nai ne,” nanai thui ai.