JEREMIA 27:10 - Khumi Common Language Bible

¹⁰ Nichi ly nangchi teng y ka-chawi naimy ang thui pi nai ne. Hunaibaly nangchi ly nangmychi pri i dengdairei, pri kamlora y hawi vui nai avum u ai. Kai py nangchi ai kang patheu pawn ai; nangchi ly myh kang u ai.

JEREMIA 27:10 Iomraidhean Croise

THEU NAI 22:18

“Uimiu khawn nai neampachy ai ly padei takengkei ai tla.

JEREMIA 14:14

Na i py Areng my, “Amochi ly kai i amyn y ka-chawi thui u nai ne. Kai ly nichi ai kapato y leang. Nichi teng y ati sai py kataviu y. Ati sai py amteng hai y. Nichi i thui pi nai paleung mei hawi niu naichi ly kaimy amteng hai naichi ny y. Nichi i thui yb nai leuchi ly ati sai py ny y i, mychi phym atyhtyh nai teu.

JEREMIA 23:16

Ati cheaungkhang sa thai nai keung Areng my Jerusalem mary i khumichi teng y, “Amochi my nangchi ai athang khai hai atyhtyh nai deaungkho y, nichi i leu tangai u moh. Nichi ly mychi i paleung theung y dawn nai kamta thui u nai teu, kai i thui nai leu ny y leang.

JEREMIA 23:25

‘Kai amang amang, kai amang amang,’ nanai mychi i amang mang y kai i leu pei nai thai, nanai kai i amyn y ka-chawi thui nai amochi i leu kai pany.

JEREMIA 27:14

Babulon samrang i miseaung y awm y ai nai, nang ai ang thui pi nai amochi i leu tangai moh. Nichi ly nang ai ang tapawp nai leu thui nai teu.

JEREMIA 27:15

Areng mymy kypkyp my, huni khumichi teng y kaimy pato nai ny y leang, napi veng bo. Nichi ly mymy i amyn y ka-chawi thui u nai teu. Hunai deaungkho y Areng ly nang ai ang patheu vui ai. Nang hawi vanrei nang ai ka-chawi naimy ang thui pi nai amochi ly dei u ai,” napi.

JEREMIA 27:16

Naibaly kai ly Areng i thui pi nai leu ai, pathyp pi nai keungchi hawi khumichi teng y amti pi bo. Areng my, “Achura yhm i yhmtheaung katuichi ly kra y naimy Babulon pri i dengdairei ang tym ali teang ai, nanai thui nai amochi i leu tangai u moh. Nichi ly nangchi ai ang tapawp nai teu.

JEREMIA 28:11

khumi bawibawichi i mo y kai ai, “Khumi cheng cheaungkhangchi tlang tleaung y samrang Nebukhadnezar i patli nai tamtleang ai, hina nai kamta khei piupa vui ai. Hini ly saneng nyhrei sala y tym ai, nanai Areng my leu pei nai ne,” napi. Huna nai khala kai ly katako veng bo.

JEREMIA 28:16

nang ai nawi su veng ai, nanai Areng my thui khyp veng bo. Nang ly Areng ai khumichi my tiu ai nai kachyh nai ne i, hini saneng dym y naimy dei ai,” napi.

JEREMIA 32:31

Hini mary ai palum khyp khala i dengdairei, mary i khumichi ly kai ai khrikhri pa-rei kado patheu u nai ne.

JEREMIA 8:19

Tangai u! Khri pa-rei palo parai nai pri takhra y awm nai kai i khumichi i vo hang nai raawi kathai bo. “Areng ly Zion mary y awm y lawh a? Zion mary i samrang ly huni mary y awm y lawh a? Nichi i samrang Areng my, “Nangchi ly ati mana nai y mynchi hawi cheng takhrachi i tameuhchi ai chiu nai hawimy kai ai kado patheu u lawh mo?,” napi.

TANGAM NAI LEU 2:14

Nang i amochi ly ka-chawi leu ny y baly, nang teng y takhra leu thui u thai y leang. Nichi i thui nai ngiereichi ly nang ai li-tapawp nai teu; nang i kamngo mana khala py, amteng hai y nai deaungkho y, nang ly uikheih ai nai aly ngai y, nanai athang khai nai ne.

DANIELA 4:7

Hunaibaly awm nai ngierei, leung sarachi, mei amhyp sarachi, atam sarachi hawi ka-si lo kamtlau kane kawp naichi ly kai i mo y tym u nai ne. Kai ly nichi teng y kai i amang thui pi teu i py, nichi ly huni amang i awm nai sai, thui pi pachai thai y.

ZEKHARIAH 10:2

Khumichi ly tameuh mynchi, mynchi, leung sarachi teng y deng u bo. Na i py nichi i nga nai leu ly ati sai py ny y nai, ka-chawi leuchi ne. Phyrei khumichi ly amangchi thui pachai u; na i py nichi ly nangchi ai teng y nai lam mang y naini ang pahawi reng. Nichi teng i nga nai awmnem naira py, atyhtyh teu. Hunai deaungkho y khumichi ly lam tamang nai beramchi kamta, aki aleaung u bo. Lu sa nai keung by y i, patang naira avum u nai ne.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

Leu Thui Nai 18:10

Nangchi i cho chanauchi ai leng patlum nai kapathypra palawn iy talam u moh. Nangchi ly dawi kawp nai, leung khen kawp nai, uimiu khawn nai,