JEREMIA 26:5 - Khumi Common Language Bible

⁵ Nangchi teng y kaimy kang pato taleang kang pato taleang bi nai, kai i miseaung amochi leu ai tahm pateng ai nai tla. Nangchi ly nichi i leu mana khala py tangai u y lawh.

JEREMIA 26:5 Iomraidhean Croise

2 ARENG KEH 17:13

Areng ly mymy i amtaw thauchi hawi amochi ai pato iy, Juda chengchi hawi Israela chengchi teng y pany hai bo. Mymy ly “Nangchi ly nangmychi i hawi y sa naichi khai u su jau; nangmychi i amsi pajochi hawi kai i miseaung amochi dengdairei, nangchi teng y kaimy pei nai reita theung y abawi nai kai i leu tangai u,” napi.

2 ARENG KEH 17:23

Naibaly Areng ly nichi ai, mymy i miseaung amochi dengdairei pany hai nai leu pei nai kamta, mymy mei ka-niu i nai patheu vui bo. Hunai deaungkho y Israela chengchi ly Asuria pri y pri pala nai avum u i, huni pri y vaini khrairei awm u nai ne.

2 ARENG KEH 24:2

Areng ly mymy i miseaung amochi dengdairei leu pei nai kamta, Juda pri taphra ai nai Babulon, Suria, Moba hawi Ammon tavaimichi ai pato bo.

2 ARENG KEH 9:7

Kai i amochi hawi takhra miseaungchi ai padei nai deaungkho y, Jezebela ai kaimy pajeng ai nai nang ly Ahad i chapo, nang i yhmkeung samrang ai padei ai nai tla.

EZARA 9:11

Nangmy ly ‘Nangchi peang ai nai pri ly amso ngai nai ne; mipuichi ly khuteng katem y tym pa-rei amso ngai nairachi hawimy kawi hai cheng bo. Nangchi ly huni pri i amti amjangchi kajeu kawi pa-rei cha nei u iy, huni pri ai py nangmychi i katu chanauchi kiu tleaung y deungtasa au ai nai ngai lawh baly, huni pri y awm nai khumichi hawi mana khala py apom u moh.

JEREMIA 11:7

Nichi i amsi pajochi ai Aikupta pri i dengdairei kapahawi nai thym khala my, kai ly nichi ai kai i leu tangai u ai nai, hawihai palai kathui pi kheng bo. Vaini khrairei kapany hai jojo nai ne.

JEREMIA 29:19

Nichi ly kai i miseaung amochi dengdairei avaw avawrei, kai i leu pei nai tangai u y. Hunai deaungkho y huna naichi ly nichi teng y tym ai. Nichi ly huni leu tangai ai nai akhi u.

JEREMIA 32:33

Nichi ly kai ai nithun thun u bo. Kai ly nichi ai kaparip akheng teu i py, nichi ly tangai ai nai ngai u y; thui parip nai py ngai u y.

JEREMIA 35:15

Kai ly kaimy i miseaung amochi ai kang pato pi veangveang bo. Nichi my py nangchi ai nangmychi i hawi y naichi khai su iy, kahawi sa u ai nai ang thui pi bo. Nangchi ly nangmychi i amsi pajochi teng y kaimy pei nai pri y awm u jojo ai nai deaungkho y, tameuh takhrachi ai chiu u y ai nai, nangchi ai kang pany hai nai ne. Na i py nangchi ly kai i leu tangai u y, kai ai py tahm khai u y.

JEREMIA 35:17

Hunai deaungkho y Israela chengchi i Tameuh, ati cheaungkhang sa thai nai keung kai Areng ly kaimy i adeu nai ka-jeira ai Juda khumichi hawi Jerusalem mary i khumichi tlang tleaung y tym hai ai. Ati mana nai mo nabaly nangchi ly kaimy thui nai khala tangai u y. Kaimy palau nai khala pathang u y nai deaungkho y ne, nanai leu pei nai thui pi,” napi.

JEREMIA 44:4

Kai ly kaimy i miseaung amochi ai, nangchi teng y avaw avawrei kang pato pi nai ne. Amochi my py nangchi ai, kai i niu ngai y nai amso ngai naichi so y ai nai ang thui pi.

JEREMIA 7:13

Nangchi ly vaichi khala y kaimy pany hai yb nai kamngo cheaungkhangchi sa u bo. Kaimy avaw avawrei kang thui pi teu i py, nangchi ly tangai u y. Kaimy nangchi ai kang palau nai khala py pathang u y.

JEREMIA 7:25

Nangchi i amsi pajochi ly Aikupta pri i nai theu u nai kani dengdai vaini khrairei, kai ly kaimy i amochi ai kang pato pi jojo nai ne.

Ezekiela 38:17

Vai mo mang y kai ly Israela pri y tiu ai nai khumi leaungrei pato ai, nanai law veng nai neng khala, amochi dengdairei kaimy leu pei nai ly nang ai patyp iy thui nai ne. Huni neng khala amochi my, kai ly nang ai huni khumichi ai tiu hai ai, nanai saneng neangneang kakra thui pi bo,” napi. Hini ly sa thai naira angym nai Areng i pei nai leu ne.

AMOS 3:7

Sa thai naira angym nai Areng ly mymy i dawn nai ai, mymy i miseaung amochi teng y thui pi y naimy, ati sai py so y leang.

ZEKHARIAH 1:6

Kai ly kaimy i amochi dengdairei, nangchi i amsi pajochi teng y leu pei naichi hawi pany hai nai leuchi kapei pi nai ne. Na i py nichi ly kai i leu ai dawndan u y nai deaungkho y, avo nai kamta pajeng naira avum u. Huna nai khala nichi ly uikheih u. Ati cheaungkhang sa thai nai kai, Areng ly kaimy i dawn yb nai kamta, nichi ai kamngo vang kamlau parip nai ne, nanai py pany u ai,” nanai nichi teng y thui pi ai nai leu pei nai ne.

AMTENG HAI NAI 10:7

kani hawi huni theung y awm naichi ai hawi, khaileaung hawi huni theung y awm naichi ai hawi, pangli hawi huni theung y awm naichi ai py sa nai keung, deungtasarei heng jojo nai i amyn y tauh iy vaineng abeu bo.

AMTENG HAI NAI 11:18

Naibaly chengchi ly kado theu u i, nang i kado theu nai ly tym teang; naibaly kadeichi ai tara chih ai nai hawi, nang i miseaung amochi teng y hawi, khumi kachaichi teng y hawi, nang i amyn tahm khai nai khumi katheang kalenchi teng y py mychi i kawn nai vang pei ai nai hawi, khaileaung pri ai taphra nai keungchi ai taphra ali teang ai nai neng ly ang tym bo,” nanai Tameuh ai chiu bo.