JEREMIA 26:4 - Khumi Common Language Bible

⁴ Areng my huni khumichi teng y thui pi ai nai kai teng y leu ang pei nai ly “Areng my, nangchi ly kaimy pei nai leuchi tangai iy patawm u.

JEREMIA 26:4 Iomraidhean Croise

1 ARENG KEH 9:6

Na i py nang hawi nang i katu chanauchi ly kai nithun abang y lawh baly, kaimy kang pei nai reitachi hawi leu pei naichi ai patawm u y naimy, tameuh takhrachi teng y chiu sa u lawh baly,

ISAIA 1:20

Na i py kai i leu tangai ai nai akhi vui iy, kai ai amtang u lawh ai nabaly nangchi ly myh kang u ai. Hini ly kai Areng my leu pei nai ne,” napi.

JEREMIA 17:27

Na i py nichi ly kai i leu tangai y, Anawn kani ai khai takhra nai kani palawn iy teaung patawm y naimy huni kani y, Jerusalem mary katheu pa-khochi tako prei naimy, mani vawnsaichi py tawn pajau y. Tawn u lawh teu baly kai ly Jerusalem mary katheu pa-khochi mai leng vui ai. Huni mai ly Jerusalem mary i samrang yhm y kang hai ai. Huni mai ai ami py pathym u pajau ai ny y,” napi.

JEREMIA 22:5

Na i py nangchi ly kai i leu tangai u y lawh ai nabaly, hini samrang yhm ly phra seaungkhrang ai, nanai nangchi teng y kang pasawi kheih bo. Hini ly kai, Areng i thui nai leu ne,” napi.

JEREMIA 32:23

Na i py nichi ly hini pri y tiu iy amtym u nai khala ly nang i leu pei nai tangai u y; thui parip naichi py patawm u y. Nang i sa hai naichi ly harei py so u y. Hunai deaungkho y nang ly hini ka-jeirachi ai nichi i tlang tleaung y tym hai bo.

JEREMIA 44:10

Na i py nangchi ly vaini khrairei, paleung apanem u y asai rai; kai ai jei kaji u y. Nangchi hawi nangchi i amsi pajochi ai kaimy pei nai reitachi hawi, tanyn ai py teaung patawm u y.

JEREMIA 44:23

Nangchi ly tameuh takhrachi teng y apathyp iy, leu pei naichi tangai y nai deaungkho y, Areng i tlang tleaung y kamngo sa nai ne i, vai ly hina nai kamta ngari kamtang avum u nai ne,” napi.

JEREMIA 7:14

Hunai deaungkho y nangchi ym u keh nai hini kai i Achura yhm ai, Siloh avang y kamta kasa teang ai. Nangchi i amsi pajochi hawi nangchi ai kang pei nai, hini meingtymchi ai ly Siloh avang y kamta kasa teang ai.

Leu Thui Nai 11:32

vaini kaimy nangchi teng y kang pei nai reita bawibawichi tangai iy patawm ai nai tami u moh.

Leu Thui Nai 31:20

Kai ly nichi i amsi pajochi teng y adeu pi nai kamta, nichi ai paitiu khuta hawi nai pri y kapahawi ai. Nichi ly huni pri y teicha teinei kajeu kawi pa-rei cha ai nai nga u ai i, awmnem naimy awm u ai. Na i py nichi ly kai ai ym y ai i, tameuh takhrachi ai chiu u ai. Nichi ly kai ai khai su iy Kai i Leu Maikawm ai taphra nai deaungkho y,

Leu Thui Nai 4:44

Mosi ly Tameuh i reita leuchi Israela khumichi teng y pei pi bo.

Leu Thui Nai 4:8

Vaini nangchi ai kaimy patiu nai reitachi kamta, leu meitang reitachi nga nai khumi cheng kalen awm rai na a?

HEBRAI 6:18

Hunaibaly Tameuh ly ka-chawi thui ai nai vuilam ny y nai, pipi palai lawh thai y naira nyhrei tabom nai deaungkho y, achi, lawi naira hau naichi ly achi i mo y athang khai naira ang khai pi nai ai ly patawn thleng thai ai nai, khri pa-rei khaw hai naira nga thai ai.