JEREMIA 26:21 - Khumi Common Language Bible

²¹ Ni i leu ai samrang Jehojakim, ni i bangtangchi hawi tavaimichi thai u nai khala y, samrang ly ni ai padei ai nai atho sa bo. Na i py Uriah my huni satang thai i, jei nai y Aikupta pri y preang vui bo.

JEREMIA 26:21 Iomraidhean Croise

1 ARENG KEH 18:10

Samrang ly nang ai khaileaung pri verei y hau hai nai ne, nanai Tameuh kangheng, nang i Areng amyn y kai, vaineng abeu bo. Mani pri y py Elija ly by y leang bo, nanai thui nai ly teng khyp nanai Ahab my vaineng abeu hai nai ne.

2 NENG SATANG 16:10

Huni leu molam y Asa ly amo i tlang tleaung y kado theu i, sengkrychi hawi pakheng hai bo. Hini neng khala Asa ly khumi phyreichi ai ana amteaung bo.

2 NENG SATANG 24:21

Samrang Josha ly Zekhariah i tlang tleaung y hawi y sa ai nai ka-dawn mang y abawi i, ni i leu pei nai kamta khumichi ly Zekhariah ai Achura yhm apai theung i ly-um y, lengseaung hawi aphi u kha bo.

SAM 119:109

Kai ly kani tleirei dei naira avum nai ne; na i py nang i reita leu ai tami y leang.

LEU KACHENG 29:25

Amy i tlang tleaung y khumi takhrachi my ati mana dawn na mo, nanai paleung mawn nai khumi ly ka-jeira avum ai. Na i py Areng teng y abyh nai khumi ly chymme ai.

JEREMIA 26:10

Juda miteaung kehchi ly huni atitichi tym nai thai u nai khala y, samrang yhm dengdairei jeu iy, Achura yhm katheu pa-kho kangthara y meingtym la u bo.

JEREMIA 36:26

Naibaly samrang ly Azariela i chapo Seraiah, Abadela i chapo Shelemiahchi hawi vanrei, my i chapo Jeramela teng y, kai hawi kai i secretary Baru ai patiu ai nai leu pei bo. Na i py Areng ly kaini ai heu vui nai ne.

JEREMIA 38:4

Naibaly bangtangchi ly samrang teng y, “Hini khumi ai padei i naini hawi ai. Ni ly hini leuchi thui nai deaungkho y, mary theung i tavaimi risachi ai atho di hai bo. Mary theung y awm rai nai khumi bawibawichi py, hinai kamta lawm hai bo. Ni ly khumichi hawi ai nai hau y, hawi y naira naini hau khyh,” napi u.

MATTHAI 10:23

Hunaibaly avang harei y nangchi ai ana baly meingtym takhra y preang u veng; meitang khyp kang thui pi, Khumi i Chapo tym y rai kha y nangchi ly Israelachi i avang tleirei y amki pajau ai ny y.

MATTHAI 10:28

Naibaly tlang y padei iy, phailo ai padei pajau y nai keungchi ai ly jei u moh ly, ngari angawm y phailo hawi tlang ai tama hai pajau nai keung ai phai jei u.

MATTHAI 10:39

Ami my amy ka-tleaung hengra hau nai khumi ly tama ai, kai i vui y amy i hengra tama nai khumi ly hengra nga ai.

MATTHAI 14:5

Naibaly mymy ly ni ai padei ai nai ngai i py khumi mipuichi ai jei, nichi ly ni ai amo palawn nai deaungkho y.

MARKA 6:19

Hunai deaungkho y Herodi my ly ni ai niu ngai y i, padei ai nai ngai: na i py pajau y: