JEREMIA 26:19 - Khumi Common Language Bible

¹⁹ Juda samrang Hezekia hawi khumichi ly Mikha ai padei u y. Huna nai padei ai nai tleaung y Hezekia ly Areng ai jei nai deaungkho y, mymy i kangai sa ai nai atho sa nai ne. Huna nai khala y Areng ly nichi i tlang tleaung y ka-jeira tym hai ai, nanai leu pei yb teu i py, mymy i paleung amtlau hai bo. Vai achi ly amychi i tlang tleaung y jei ai hawi parai nai ka-jeira tym ai nai sa u lawh ly” napi u bo.

JEREMIA 26:19 Iomraidhean Croise

2 SAMUELA 24:16

Areng i kani pri amtaw thau my Jerusalem mary ai taphra ai nai thym khala, Areng ly khumichi ai pajeng nai molam y paleung amtlau teang i, kani pri amtaw thau teng y, “Angym bo! anawn jau!” napi. Huni neng khala kani pri amtaw thau ly Jebusi cheng Araunah i choh ati nai meingtym sahawi y angdo nai ne.

2 NENG SATANG 32:20

Huna nai khala y samrang Hezekia hawi Amoz i chapo amo Isaia nini ly kasabawmra nga ai nai Tameuh teng y aeu naimy chiu sa hawi bo.

2 NENG SATANG 34:21

“Nangchi ly chei u iy, hini cha-iu theung i thui naichi kai i vui hawi Juda pri hawi Israela pri y awm jo rai nai khumichi i vui py Areng teng y deng pi u cham. Achi i amsi pajochi ly Areng i leu tangai u y. Reita cha-iu theung y awm naichi so patawm u y nai deaungkho y, Areng ly achi i tlang tleaung y kado theu nai bo,” napi.

THEU NAI 32:14

Naibaly Areng ly kado katheu rym i, mymy i khumichi ai pajeng y naimy lawi hai bo.

ISAIA 26:21

Areng ly khaileaung pri i khumichi ai, kamngo pajeng ai nai mymy i awm naira dengdairei ang jeu ai. Khaileaung salo y kangviu y khumi padei nai tamang nairachi ly pheaungrang ai. Tleh naira avum nai khumichi ai khaileaung my ly apha pi vui ai ny y.

ISAIA 37:1

Huni khumichi i amti pi nai leu thai phai thai baly, samrang ly paleung bi i, my i ateaungchi sei iy paisiu kanih akhiu naimy, Areng i Achura yhm mang y chei bo.

ISAIA 37:4

Asuria empara samrang ly my i tavailu areng ai pato iy, Tameuh kangheng ai mei aniu y nai leuchi thui hai bo. Nang i Areng Tameuh ly huni leuchi thai iy, huna nai thui nai khumichi ai, kamngolai pajeng na sy. Nang py heng rai nai kaichi mipuichi i vui Tameuh teng y chiu so pi ba,” napi.

JEREMIA 26:15

Na i py kai ai padei ai nai tau u lawh baly, nangchi hawi hini mary i khumi bawibawichi ly kamngo by y nai khumi ai padei nai molam y kamngo tla u ai, nanai hawihai palai apany u. Ati mana nai mo nabaly kai ai pato iy nangchi teng y hini leu thui hai nai keung ly Areng ne nai deaungkho y ne,” napi.

JEREMIA 26:3

Khumichi ly tangai iy mychi i hawi y nai saichi khai u su lym ai. Nichi hunai nai kamta khai u su lawh teu baly, kai ly nichi i hawi y nai molam y katamyh ai nai paleung ka-dawn amtlau vui ai,” napi.

JEREMIA 44:7

“Hunai deaungkho y Israela chengchi i Tameuh, ati cheaungkhang sa thai nai keung kai, Areng my, nangchi ly ati mana nai y nangmychi i tlang tleaung y hina nai ka-jeira tym pa-rei, hawi y naichi sa u lawh mo? Nangchi ly nangchi i cheng myh ai nai neampacho, neampachy, deaungdichi hawi, kanu nei thym naichi ai tama hai ai nai ngai u lawh mo?

AMOS 7:3

Areng ly paleung amtlau i, “Nang i niu naichi tym y leang mang,” napi.

HABAKKUK 2:10

Na i py nangchi i dawn tau naimy ly nangmychi i khumichi ai kangji nga hai bo. Nangchi ly khumi cheng cheaungkhangchi ai tamyh nai molam y, nangmychi naimy phra naira tym bo.

ZEKHARIAH 7:2

Bethela mary i khumichi ly Areng teng i amtheaung naira hnei u ai nai py, kaichi ly Achura yhm phra nai molam y, saneng neangneang kasa u nai kamta, lo pangrei khala biu hai iy paleung si nai ka-ma-ra patei ai nai tla ai a?” nanai deng u ai nai py, Shareza, Rekemeleh hawi nichi i khumichi ai, ati cheaungkhang sa thai nai Areng i Achura yhm i dengdairei, pathyp pi nai keungchi, amochi teng y pato u bo.

Kati Nai 16:38

Areng i maicham y rimui mui katui talam nai khala, mai-ai laawmchi teaung nai deaungkho y, hunichi ly talam patyp nai vawnchi ne. Hunaibaly amymychi i kamngo molam y dei nai khumichi teng i mai-ai laawmchi la chum baly, angporyp pa-rei thip taphidi iy maicham i vui mymra so. Huni kheupaja phei ly Israela chengchi ai pany hai vau ai,” napi.

MATTHAI 23:35

hunaibaly khumi kahawi Abela i thi dengdairei, meingtym kachai hawi maicham sala y Barakia i chapo Zakaria ai nangchi my padei nai thi khrairei, khaileaung tleaung i khumi kahawichi i thi theu nai bawibawi ly nangchi i tlang tleaung y tym ai.

AMTAW 5:39

Na i py Tameuh i sa nai ne lawh baly nangchi ly nichi ai tamo hai pajau y leang, ti y baly nangchi Tameuh ai tiu nai tlo lawh na,” napi.

AMTENG HAI NAI 16:6

Nichi ly nang i khumi kachaichi hawi amochi i thi lei iy, Nang ly nichi ai thi nei hai bo; avo y!” napi nai kathai.