JEREMIA 26:16 - Khumi Common Language Bible

¹⁶ Huna nai khala lu sa naichi hawi khumichi my pathyp pi nai keungchi hawi amochi teng y, “Hini khumi ly achi i Areng Tameuh i amyn y achi ai leu ang thui pi nai deaungkho y, ni ai padei ai nai avo y,” nanai thui u bo.

JEREMIA 26:16 Iomraidhean Croise

ESTHER 4:14

Nang ly vai hini neng y ati sai py so naimy awm pypy vui lawh ai na baly, Juda chengchi ly kani pri mang i dengdairei kasabawmra nga iy atleura nga ai. Na i py nang ai ly ang padei ai i, ngampo i yhmtheaung py tama ai; nang samrangnu lawm nai ly hini neng i vui y ne na a!” napi.

SAM 94:16

Khumi aso y naichi ai ka-awi sa ai nai, kai mang y ami asa hai ai mo? Hawi y sa nai khumichi ai ka-awi sa ai nai, kai mang y ami asa hai ai mo?

LEU KACHENG 16:7

Areng my kawn hai ai nai asa nai khumi ly my i paleung ka-e ai malawn py, ahawi ka-dawi lawm hai pajau ai.

JEREMIA 26:11

Naibaly pathyp pi nai keungchi hawi amochi my, lu sa naichi hawi khumichi teng y, “Hini khumi ly achi i mary ai ka-awi leu thui nai deaungkho y, padei ai nai ataing; ni i thui nai leu nangchi thai u bo,” napi.

JEREMIA 34:10

Khumi bawibawichi hawi lu sa nai bawibawichi ly mychi i miseaungchi ai tlamsa naira pei chum baly, mo mang y mana khala py miseaung palawn bi y ai nai ngai u bawi nai ne. Nichi ly mychi i miseaungchi ai tlamsa naira pei u bo.

JEREMIA 36:19

Naibaly samrang i bangtangchi my, “Nang hawi Jeremia ly preang iy aheu hawi ai nai tla. Nangni i awm naira ly ami ai py pany hai moh,” nanai Baru teng y thui pi u bo.

JEREMIA 36:25

Elanathan, Delaiah hawi Kemariachi my huni cha aeang mai y leng y ai nai samrang teng y takeng u teu i py, samrang ly nichi i takeng nai tangai pi y.

JEREMIA 37:15

Huni khumichi ly kai ai khri pa-rei kado theu hai nai deaungkho y, pakhau chum baly samrang i secretary Jonathan i yhm y paeung bo. (Huni yhm ai ly theaung palawn nai ne.)

MATTHAI 27:54

Naibaly tavaimi chungvairei lu hawi mymy teng y Isu ai typ naichi ly kaleih theu nai hawi, atiti tym nai sai niu i khri pa-rei jei u na, “Hini khumi ly Tameuh i Chapo ne khyp nai bo,” napi.

LUKA 23:41

Na i py ani ly ataing khyp, amyni i hawi y sa nai vang nga nai teu; na i py hini khumi ly ati sa py hawi y sa nai by y,” nanai ni ai jo.

LUKA 23:47

Naibaly tavaimi chungvairei lu ly huna naichi niu i, “Hini khumi ly khumi kahawi ne khyp nai bo, lawi pajau y,” nanai Tameuh ai palo ryp.

AMTAW 23:29

hunaibaly mymychi i Reitara y ati mo seu, nanai kai pany, na i py nichi i seu nai ly dei ai nai hawi kawm ai ataing nai kai ati sai py pany y leang.

AMTAW 23:9

Hunaibaly khrikhri pa-rei khrukhra bo; Pharisaichi mang i Reita patiu nai keung phyreichi ly angdo iy khri pa-rei aei i, “Hini khumi ly tamang naira kaichi ati sai py pany y leang; phailo mo kani pri i amtaw thau naimo mymy teng y atiti thui pi lawh baly mana sa ai mo?” napi.

AMTAW 25:25

Na i py dei ai ataing nai ati sai py so y leang, nanai kai ly chih i pany bo: na i py mymy ly Awkusta teng y tym ai tau nai deaungkho y pato ai nai katau;