JEREMIA 26:15 - Khumi Common Language Bible

¹⁵ Na i py kai ai padei ai nai tau u lawh baly, nangchi hawi hini mary i khumi bawibawichi ly kamngo by y nai khumi ai padei nai molam y kamngo tla u ai, nanai hawihai palai apany u. Ati mana nai mo nabaly kai ai pato iy nangchi teng y hini leu thui hai nai keung ly Areng ne nai deaungkho y ne,” napi.

JEREMIA 26:15 Iomraidhean Croise

ATITI AWM ANGCHEI NAI 4:10

Naibaly Areng my, “Nang ly ati mana nai y, hini ka-jei awm parai nai sa lawh mo? Ngamnau i thi my khaileaung mang dengdairei vawitheung tha teang ai nai palau nai raawi kamta ang kaau na a!

ATITI AWM ANGCHEI NAI 42:22

Naibaly Ruben my, “Kaimy huni deaungdi ai no pei moh, napi i py nangchi tangai u y. Vai achi ly mymy i dei nai molam y vawitheung ang tym nai bo he,” napi.

2 ARENG KEH 24:4

mymy mei ka-niu i dengdairei, patheu pawn ai ngai nai deaungkho y, hina nai kamta sa nai ne. Huni kamngo molam y Areng ly Manase ai kamngo pahen pi y bo.

2 NENG SATANG 24:22

Samrang ly Zekhariah i ampo Jehojada i mymy teng y ka-ym awm parai naimy kalop sa nai tami vui i, chapo ai padei bo. Zekhariah ly dei enten nai khala, “Areng ly nang i sa nai kalop niu iy nang ai kamngo pajeng na sy!,” nanai thui nai ne.

LEU KACHENG 6:16

Areng i niu ngai y iy, amso ngai nai amjy tariurei, ti y baly amjy saryhrei awm; hunichi ly:- amlyh am-e nai mei harei, Ka-chawi thui reng nai palai harei, kamngo by y nai khumichi ai tleh reng nai kiu harei, hawi y naira ai dawn nai paleung harei, hawi y naira sa ai nai mang y tako kaliki reng nai kheu harei, ka-chawi thui nai, teng y nai pany hai nai harei, ahawi tengtawi ka-jo pakei reng nai khumi leaungrei, hinichi ne.

JEREMIA 2:30

Kai ly nangchi ai kang parip i py, kamran by y. Nangchi ly thui rip nai ai ngai u y. Khri pa-rei kado theu nai khrangsi kamta, nangchi ly nangmychi i amochi ai padei u bo.

JEREMIA 2:34

Yhm ateng vau iy paviu nai molam y nangchi my patiu ai nai ngo y i py, huni khumi kamawnchi, kamngo by y nai khumichi i thi hawi, nangchi i ateaungchira y abawi hai u nai ne.

JEREMIA 22:17

Na i py nang ly amy i vui dawn khyh nai paleung hawi, amy hawi ai naira naini paleung apei khyh nai ne. Kamngo by y nai khumichi ai padei iy, amy i chengchi ai khrikhri pa-rei ana, nanai Areng my thui bo,” napi.

JEREMIA 22:3

“Kai Areng ly nangchi ai leu meitang naimy kahawichi sa u ai nai leu kang pei. Nangchi ly katapawpra avum nai khumichi ai amo hai u. Cheng takhrachi, nuro nukaichochi, ti y baly neampachy lumaichi ai teng y nairachi hawi ana nairachi py so u moh. Hini kachai meingtymra y kamngo by y nai khumichi ai padei u moh.

JEREMIA 26:12

Huna nai khala y kai ly lu sa naichi hawi khumichi teng y, “Hini Achura yhm hawi hini mary ai ka-awi sa iy, kai i thui nai ly nangchi thai u bo. Huni leuchi ly kai ai Areng my ang pato iy thui hai nai leuchi ne.

JEREMIA 30:1

Hini ly Jeremia teng y Areng my leu pei nai ne.

JEREMIA 7:6

Pri takhra chochi, nuro nukai chochi hawi neampachy lumaichi tlang tleaung y kho sa iy, kamran hau u moh jau. Hini kachai meingtymra y khumi kahawichi ai tleh u moh jau. Tameuh takhrachi ai chiu nai ly nangchi ai phra hai nai deaungkho y, huni chiu nai ly anawn u.

Kati Nai 35:33

Tangka talam lawh baly nangchi i awm nai pri y chai y naira tym ai. Khumi ai padei nai ly pri y chai hai y nai ne. Hunai deaungkho y pri y khumi leaungrei ai padei lawh baly, padei nai keung ai padei teang iy naini, huni pri y chai hai teang thai nai ne.

MATTHAI 26:25

Naibaly mymy ai patiu hai ai nai Juda my ly, “Rabbi awi, kaimy a?” napi. Mymy ly ni teng y, “Nang ly thui khyp bo,” napi.

MATTHAI 26:4

nichi ly Isu ai tapawp paryp nai patiu iy padei u thai ai nai arum ryry.

AMTAW 7:60

Naibaly mymy ly kheukhu di iy athorei my aeu i, “Areng hini nichi i kamngo sa nai ly nichi i tlang tleaung y aniu hai moh kyh ba,” napi. Naibaly huni leu thui pajau baly i veng bo. Sawla my py dei ai nai avo, napi.

Leu Thui Nai 19:10

Hina nai sa iy Areng my nangchi ai pei nai pri y khumi kahawichi ai dei hai ai nai tlo y. Nangchi py khumi kahawichi ai dei hai nai kamngo sa u ai ny y.

AMTENG HAI NAI 16:6

Nichi ly nang i khumi kachaichi hawi amochi i thi lei iy, Nang ly nichi ai thi nei hai bo; avo y!” napi nai kathai.