JEREMIA 26:13 - Khumi Common Language Bible

¹³ Nangchi ly nangmychi i amhi amtlau nai sai takhra iy, nangmychi i Areng Tameuh i leu tangai u ai nai tla. Huna nai kamta sa u baly mymy ly nangchi ai taphra ai, nanai leu pei yb teu i py, mymy i leu amtlau hai vui ai.

JEREMIA 26:13 Iomraidhean Croise

THEU NAI 32:14

Naibaly Areng ly kado katheu rym i, mymy i khumichi ai pajeng y naimy lawi hai bo.

ISAIA 1:19

Nangchi ly kai i leu tangai lawh teu i khyly, khaileaung i theu nai amti amjang kahawichi cha ai nai nga u ai.

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

JEREMIA 11:4

Huni Leu Maikawm ly nichi ai tamo paheung pui hawi atawm nai Aikupta pri i dengdairei, kaimy pahawi nai thym khala y, kai ly nichi i amsi pajochi hawi asa nai Leu Maikawm ne. Kai ly huni khumichi ai kai i leu tangai ai nai hawi, kaimy sa hai nai kalop ngiereichi sa u ai nai leu pei nai ne. Nichi ly kai i leu pei naichi tangai u lawh ai nabaly, kai i khumichi lawm iy, kai py nichi i Tameuh lawm ai.

JEREMIA 18:11

Huna nai y kai ly Juda khumichi hawi Jerusalem mary i khumichi ai, ka-awi sa ai tau nai hawi kapajeng ai sa rym naichi py thui pi. Khumi bawibawichi kamngo sa nai anawn u ai nai hawi, mychi i heng nai hawi amhi amtlau naichi takhra u ai nai Areng my leu pei nai thui pi ba.

JEREMIA 18:8

huni khumi chengchi ly uikheih u lawh baly, kai ly paleung amtlau ai i, vaichi khala thui naichi kaso y naimy awm ai.

JEREMIA 26:19

Juda samrang Hezekia hawi khumichi ly Mikha ai padei u y. Huna nai padei ai nai tleaung y Hezekia ly Areng ai jei nai deaungkho y, mymy i kangai sa ai nai atho sa nai ne. Huna nai khala y Areng ly nichi i tlang tleaung y ka-jeira tym hai ai, nanai leu pei yb teu i py, mymy i paleung amtlau hai bo. Vai achi ly amychi i tlang tleaung y jei ai hawi parai nai ka-jeira tym ai nai sa u lawh ly” napi u bo.

JEREMIA 26:3

Khumichi ly tangai iy mychi i hawi y nai saichi khai u su lym ai. Nichi hunai nai kamta khai u su lawh teu baly, kai ly nichi i hawi y nai molam y katamyh ai nai paleung ka-dawn amtlau vui ai,” napi.

JEREMIA 35:15

Kai ly kaimy i miseaung amochi ai kang pato pi veangveang bo. Nichi my py nangchi ai nangmychi i hawi y naichi khai su iy, kahawi sa u ai nai ang thui pi bo. Nangchi ly nangmychi i amsi pajochi teng y kaimy pei nai pri y awm u jojo ai nai deaungkho y, tameuh takhrachi ai chiu u y ai nai, nangchi ai kang pany hai nai ne. Na i py nangchi ly kai i leu tangai u y, kai ai py tahm khai u y.

JEREMIA 36:3

Juda khumichi ly mychi i vui kaimy dawn yb nai ka-jeira satang thai u lawh baly, mychi i hawi y naira khai su tan khai u su lym ai. Huna nai khala y kai ly nichi i hawi y sa nai kamngochi pahen pi ai,” napi.

JEREMIA 38:20

Kaimy, “Nang ly nichi i kiu y tym ai ny y. Nang teng y kaimy kang thui pi nai Areng i leu phai tangai iy, sa ai nai kang takeng nai teu. Hina nai kamta sa baly cheaungkhangra hawi ai i, nang ly hengra nga ai.

JEREMIA 42:10

‘Nangchi ly hini pri y awm jo ai nai ngai u lawh teu baly, kai ly nangchi ai taphra y naimy palum ai. Kai ly nangchi ai akyn y naimy pati ai. Nangchi i tlang tleaung y kang tym hai nai ka-jeirachi molam y, kai ly khri pa-rei paleung mawn parai.

Ezekiela 33:11

Sa thai naira angym nai kai Areng ly Tameuh kangheng ne nai deaungkho y, kaimy kang thui pi nai ly ami mo leaungrei kamngo sa iy dei nai niu ai nai ngai y. Huni khumi kamngo sa nai anawn iy heng nai naini kaniu ai nai ngai. Nangchi Israela chengchi awi, nangchi i sa thym nai kamngochi anawn u jau; ati mana nai y dei ai nai ngai u lawh mo?

JOELA 2:14

Nangchi i Areng Tameuh ly paleung amtlau tan amtlau lym ai i, nangchi ai amti amjang neangneangchi hawi amtheaung hai ai. Huna nai khala nangchi ly mymy teng y chohpui chomaw hawi, kreip hang katalamrachi talam u pajau ai.

JONA 3:9

Huna khala naini Tameuh ly paleung amtlau tan amtlau lym ai. Kado theu nai py rym tan rym lym ai. Achi py tlang hengra nga pajau ai!” napi.

JONA 4:2

Hunai deaungkho y, “Aw Areng, kai ly kaimy i pri dengdairei amso y rai khala my, nang ly hina nai kamta sa ai, nanai kaimy kang thui pi yb nai ny y a? Hini molam y kai ly Spain mary mang y preang ai nai atho kasa nai ne! Nang ly tamen naira hawi pahen naira awm nai keung, neaung hawi naimy pahen jojo nai keung, kamngo pajeng ai nai avo khyp teu i py, pajeng y naimy law tleaung hai nai keung Tameuh ne, nanai kai pany.

Leu Thui Nai 32:36

Areng ly mymy i khumichi atho kheih nai, paha nai niu nai khala atleu ai. Mymy teng y ahihawi iy chiu nai chiu nai khumichi jeaungmang nai niu nai khala, nichi ai pahen ai.

HEBRAI 5:9

hunaibaly mymy ai ly angym hai iy, mymy i leu tangai nai bawibawichi i vui y ni ly deungtasarei heng naira pakeung lawn bo:

TARA CHIH NAI KEUNGCHI 2:18

Areng ly Israela chengchi ai lu sa nai keung leaungrei theu hai nai tleirei, Areng my huni lu sa nai keung ai sabawm nai deaungkho y, huni lu sa nai keung heng nai ryrei ly nichi ai paleung ka-echi teng i nai atleu pi. Areng ly nichi ai khri pa-rei pahen nai ne; ati mana nai mo nabaly nichi ly ngari kamtang hawi pahyp y naimy ana naira avum u iy, vo tangam u nai deaungkho y ne.