JEREMIA 25:3 - Khumi Common Language Bible

³ “Areng ly Ammon i chapo Juda samrang Josia i samrang lyn nai saneng holai thom ka-so vaini khrairei, saneng apom phai thomrei sala y, kai teng y leu ang pei nai ne. Kaimy py mymy i leu pei naichi ai, nangchi teng y kang thui pi bo. Na i py nangchi ly tahm khai u y.

JEREMIA 25:3 Iomraidhean Croise

ATITI AWM ANGCHEI NAI 22:3

Pa-nyh kani khawn angthodyh Abraham ly apathyp ai nai i vui theng acheaung iy keaungngo kano kasau tleaung y tang i, mymy hawi vanrei Isaka ai py, miseaung leaung nyhrei ai py hawi; Tameuh my thui pi nai meingtym mang y amsa u bo.

1 ARENG KEH 22:3

Ahab ly my i bangtangchi teng y, “Achi ly Kilead pri Ramoth mary ai Suria samrang teng i nga ali teang ai nai ati mana nai y, ati sai py so y naimy awm u lawh mo? Huni mary ai achi my peang nai ny y a?,” napi.

2 ARENG KEH 17:13

Areng ly mymy i amtaw thauchi hawi amochi ai pato iy, Juda chengchi hawi Israela chengchi teng y pany hai bo. Mymy ly “Nangchi ly nangmychi i hawi y sa naichi khai u su jau; nangmychi i amsi pajochi hawi kai i miseaung amochi dengdairei, nangchi teng y kaimy pei nai reita theung y abawi nai kai i leu tangai u,” napi.

2 NENG SATANG 24:19

Areng ly amochi ai pato iy huni khumichi ai mymy teng y ali u teang ai nai pany hai teu i py, nichi ly tangai u y.

2 NENG SATANG 34:1

Josia ly saneng tajarei awm nai khala y Juda samrang lawm i, Jerusalem mary y saneng 31 rei peang nai ne.

2 NENG SATANG 34:3

Josia ly samrang lyn nai khala saneng tajarei awm i, saneng khri pa-rei theang teu i py, mymy i amsi pajo samrang Davida i Tameuh ai chiu amteaung bo. Huni bo i saneng palyhrei khala y ni ly myn chiu nai meingtymchi, tameuhnu Asherah i tamkhawnchi hawi takhra myn ngiereichi ai taphra nai ne.

2 NENG SATANG 34:8

Samrang lyn nai saneng holai tajarei saneng y, pri verei hawi Achura yhm y myn chiu naichi ai kachai sa chum baly, samrang Josia ly Azalia i chapo Shaphan, Jerusalem mary aripeang Maseja hawi Joaha i chapo samrang i bangtang kalen Joah, nichi leaung thomreichi ai Areng Tameuh i Achura yhm sa palum ai nai pato nai ne.

2 NENG SATANG 36:15

Nichi amsi pajochi i Areng Tameuh ly mymy i khumichi hawi Achura yhm law tleaungra nga ai ngai hai nai deaungkho y, nichi ai pany hai pi ai nai amochi pato pi bi nai ne.

SAM 81:13

Kai i khumichi ai kai i leu tangai ai nai kangai hai; kai i leu pei naichi sa patawm ai nai kangai hai!

THEU NAI 8:20

Naibaly Areng my Mosi teng y, “Khawndam khawn angthodyh samrang ly tuivum y satla nai khala, ni hawi ka-vum sa iy kai i khumichi ly kai ai chiu thai ai nai theu ai nai pei sy.

ISAIA 55:2

Cha nei kahawi ny y pui naimy, ati mana nai tangka pasum ai mo? Nang i kalop sa nai vang pasum iy, ati mana nai kajeu kanglam awm ai mo? Kai i leu tangai iy, kai i thui nai kamta sa u lawh baly, nangchi ly hawi keh nai teicha teineichi, cha ai nai nga u ai.

JEREMIA 1:2

Josia i chapo Ammon ly Juda samrang y lyn nai saneng holai thomrei khala y, Areng ly Jeremia teng y leu pei nai ne.

JEREMIA 11:7

Nichi i amsi pajochi ai Aikupta pri i dengdairei kapahawi nai thym khala my, kai ly nichi ai kai i leu tangai u ai nai, hawihai palai kathui pi kheng bo. Vaini khrairei kapany hai jojo nai ne.

JEREMIA 19:15

Israela chengchi i Tameuh, ati cheaungkhang sa thai nai keung Areng my, “Nangchi ly paleung tang iy kai i leu tangai u y. Hunai deaungkho y hini mary hawi tengpang i marychi tlang tleaung y, jangni y thui yb nai kamta, pajeng naira tym hai ai,” nanai leu pei nai nichi teng y thui pi bo.

JEREMIA 22:21

Nangchi nang chawn nai thym khala y, Areng ly nangchi ai pany hai pi bo. Na i py nangchi ly tangai u y. Nangchi ly deaungdichy khala i dengdairei, hina nai kamta sa u jojo. Areng i leu ai mana khala py tangai ai nai ngai u y.

JEREMIA 25:4

Areng ly mymy i miseaung amochi ai, nangchi teng y avaw avawrei ang pato pi teu i py, nangchi ly nichi i leu tangai u y, tahm py khai u y.

JEREMIA 26:5

Nangchi teng y kaimy kang pato taleang kang pato taleang bi nai, kai i miseaung amochi leu ai tahm pateng ai nai tla. Nangchi ly nichi i leu mana khala py tangai u y lawh.

JEREMIA 29:19

Nichi ly kai i miseaung amochi dengdairei avaw avawrei, kai i leu pei nai tangai u y. Hunai deaungkho y huna naichi ly nichi teng y tym ai. Nichi ly huni leu tangai ai nai akhi u.

JEREMIA 32:33

Nichi ly kai ai nithun thun u bo. Kai ly nichi ai kaparip akheng teu i py, nichi ly tangai ai nai ngai u y; thui parip nai py ngai u y.

JEREMIA 35:14

Jonada i katu chanauchi ly kreip hang nei y ai nai Jonada my pei nai reita patawm u bo. Nichi ly mychi i amsi pajo my leu pei nai tangai u nai deaungkho y, vaini khrairei ami py kreip hang nei u y nai ne. Na i py nangchi ly kaimy kang thui pi veangveang teu i py, kai i leu tangai u y.

JEREMIA 35:15

Kai ly kaimy i miseaung amochi ai kang pato pi veangveang bo. Nichi my py nangchi ai nangmychi i hawi y naichi khai su iy, kahawi sa u ai nai ang thui pi bo. Nangchi ly nangmychi i amsi pajochi teng y kaimy pei nai pri y awm u jojo ai nai deaungkho y, tameuh takhrachi ai chiu u y ai nai, nangchi ai kang pany hai nai ne. Na i py nangchi ly kai i leu tangai u y, kai ai py tahm khai u y.

JEREMIA 36:1

Samrang Josia i chapo Juda samrang Jehojakim i samrang y atheng nai palyh saneng, Areng ly kai teng y,

JEREMIA 36:2

“Nang ly cha aeang harei la iy Israela pri, Juda pri hawi pri tleireichi molam y kai i leu pei naichi tajiu typ ba. Samrang Josia deung y kai i leu pei nai tangai u nai neng dengdai vaini khrairei, nang teng y leu kang pei nai bawibawi tajiu typ ba.

JEREMIA 44:4

Kai ly kaimy i miseaung amochi ai, nangchi teng y avaw avawrei kang pato pi nai ne. Amochi my py nangchi ai, kai i niu ngai y nai amso ngai naichi so y ai nai ang thui pi.

JEREMIA 7:13

Nangchi ly vaichi khala y kaimy pany hai yb nai kamngo cheaungkhangchi sa u bo. Kaimy avaw avawrei kang thui pi teu i py, nangchi ly tangai u y. Kaimy nangchi ai kang palau nai khala py pathang u y.

JEREMIA 7:25

Nangchi i amsi pajochi ly Aikupta pri i nai theu u nai kani dengdai vaini khrairei, kai ly kaimy i amochi ai kang pato pi jojo nai ne.

Ezekiela 33:4

Na i py khumi leaungrei ly huni pany hai nai katyn thai iy dawndan y naimy awm lawh baly, paleung ka-e ly jeu iy ni ai tleh vui baly, ni i dei nai ly my i kamngo ne i, ni i thi ly mymy i lu tleaung y tym bo.

ZEKHARIAH 1:4

Nangchi ly nangmychi i amsi pajochi kamta so u moh. Jangni khala i amochi ly nichi teng y hawi y nai saichi anawn u ai nai thui pi teu i py, nichi ly tangai y, dawn dan u y.

MARKA 1:35

Naibaly mymy ly khawn mang y khutawi ai nai aveng rai khala y my angthau nai theu i, ka-vymra y chei iy hu y ly chiu sa.

JOHAN 8:2

Naibaly mymy ly khawn angthodyh y achura yhm kalen pui y kun bi iy, khumi bawibawichi ly ni teng y chei u i, ni ly ateh iy mymychi ai leu patiu.

JOHAN 8:47

Tameuh teng i theu nai ly Tameuh i leu tangai; nangchi ly Tameuh teng i theu nai ny y nai deaungkho y chy bo tangai y nai ly,” napi.

II TIMOTHEI 4:2

Tameuh i leu thui; mana khala y py atho so veangveang; kham pajau tanga naimy patiu nai tarawi y parip py parip, preng py preng, pachei py pachei.