JEREMIA 24:6 - Khumi Common Language Bible

⁶ Nichi ai kry iy hini pri y kapahawi ali teang ai. Kai ly nichi ai taphra y naimy kapalum ai; akyn vui y naimy kaui ai.

JEREMIA 24:6 Iomraidhean Croise

ATITI AWM ANGCHEI NAI 44:21

Areng nangmy niu ai nai ngai i, hi y jeu hai u, napi bo;

2 NENG SATANG 16:9

Areng ly mymy ai ka-ym awm nai khumichi teng y sa thai naira pei ai nai khaileaung pri verei y, hawihai palai khen patawm bo. Nang ly hawi y naira sa lawh nai y, vai i dengdairei tavai atiu nai awm jo ai,” napi.

NEHEMIA 5:19

Aw Tameuh, hini khumichi i vui kasa pi nai cheaungkhangchi pany pi ly kai i chiu sa nai tangai pi kyh ba.

SAM 34:15

Areng ly khumi kahawichi ai kry iy, nichi i aeu nai raawi pathang pi bo.

SAM 44:2

Nangmy naimy cheng takhra khumichi ai patheu vui iy, nang i khumichi ai hini pri y meingtym pala pi nai py, cheng takhra khumichi ai kamngo pajeng iy, nangmy i khumichi ai lo pa, nang chawn hai nai satang py thui pi bo.

ISAIA 14:1

Areng ly mymy i khumi Israela chengchi ai pahen ali teang nai ne. Mymy i khumichi palawn ai nai vawi takhra ai. Mymy ly nichi ai mychi i saleaung khutengra y awm u ali teang ai nai pei ai. Cheng takhra khumichi ly jeu iy nichi hawi vanrei awm u ai.

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

JEREMIA 1:10

Khumi cheng cheaungkhangchi hawi pri cheaungkhangchi ai theih vui, panawi vui, taphra vui, nui phro vui, palum teang, ui teang thai nai sa thai naira, vaini nang ai kang pei bo,” napi.

JEREMIA 12:15

Na i py kai ly nichi ai huna nai atleu chum baly, kapahen ai. Huni khumi cheng bawibawichi ai, mychi i khu ka-peang mang y hawi, mychi i pri y kapahawi teang ai.

JEREMIA 16:15

Huna nai vaineng abeu ai nai tleaung y khumichi ly kai teng y Israela khumichi ai tosyh pri mang i dengdairei py, nichi ai kaimy ahei hai nai pri takhrachira i dengdairei py, pahawi ali teang nai Tameuh kangheng ne, nanai vaineng abeu u ai. Kai ly nichi ai mychi i pri, mychi i amsi pajochi teng y kaimy pei nai pri y pahawi ali teang ai,” napi. Hini ly kai Areng i thui nai leu ne.

JEREMIA 21:10

Kai ly hini mary ai law tleaung hai y naimy taphra vui ai nai adawn yb bo. Hunichi ai Babulon samrang i kiu y au ai i, ni my py hini mary ai mai leng iy taphra ai. Hini ly kai, Areng i thui nai leu ne,” napi.

JEREMIA 23:3

Kai ly kai i khumichi ai ahei hai nai prichira i awm rai naichi ai kala iy, mychi i pri y katha ali teang ai. Nichi ly cho chanau neangneang sa iy, khumi peung u ai.

JEREMIA 29:10

“Areng my, ‘Babulon mary saneng vui saryhrei chih nai khala y, kai ly nangchi ai kang khen ali teang ai. Kaimy leu adeu hai nai kamta nangmychi pri y kang pahawi ali teang ai.

JEREMIA 31:28

Kai ly nichi ai akyn, panawi, taphra, paleang patlau, phra hai nai kamta, vai ly kapalum kapachai ali teang ai.

JEREMIA 31:4

Kai ly nangchi ai kang palum ali teang ai. Nangchi ly katyn kapauchi beu iy, amo theu naimy lam u ai.

JEREMIA 32:37

Kai ly khrikhri pa-rei kado theu nai y nichi ai ahei hai nai prichira i dengdairei, kapangym ali teang ai. Naibaly nichi ai hini meingtym y kapahawi ali teang iy, chymme naimy awm hai ai.

JEREMIA 32:41

Nichi teng y hawi naira pei ai naini kangai khyh; hini pri y awm jojo ai nai meingtym sa pi ai.

JEREMIA 33:7

Kai ly Israela pri hawi Juda pri y nang chawn hai ai. Huni prichi ai jangni i kamta, kasa pi palai teang ai.

JEREMIA 33:9

Jerusalem mary ly kai i amo theu naira, tahm asang naira hawi amlyh naira lawm ai. Khaileaung pri i khumi cheng cheaungkhangchi ly huni mary ai kaimy peang nai hawi nairachi py, huni mary y kaimy tym hai nai nang chawn nairachi py, thai u nai khala ly kaso theu u ai,” napi.

JEREMIA 39:12

“Nang chei ly Jeremia ai palau iy hawihai kry ba; ni ai ano moh. Ni i ngai nai kamta sa ai nai pei pi,” nanai leu taviu bo.

JEREMIA 42:10

‘Nangchi ly hini pri y awm jo ai nai ngai u lawh teu baly, kai ly nangchi ai taphra y naimy palum ai. Kai ly nangchi ai akyn y naimy pati ai. Nangchi i tlang tleaung y kang tym hai nai ka-jeirachi molam y, kai ly khri pa-rei paleung mawn parai.

Ezekiela 36:24

Kai ly nangchi ai pri tlei tleirei i nai pangym achu iy, nangmychi i saleaung khutengra y pahawi ali teang ai.

AMOS 9:14

Kai ly kaimy i khumichi ai, mychi i pri y kapahawi ali teang ai. Nichi ly phra nai marychi sa teang iy, huni marychira y awm ai nai nga u teang ai. Kreip akhochi sa iy kreip hang nei ai nai nga u ai. Akho baichi sa u iy amy i pati nai amti amjangchi ai amychi my cha ai nai nga u ai.

Leu Thui Nai 11:12

nangchi i Areng Tameuh my saneng jeungrei kry jojo nai pri py ne.

I PETERA 3:12

Areng i mei ly khumi kahawi ai khen pathyp reng, Mymy i kano py nichi i chiu sa nai mang y patheung reng: Na i py Areng i meimai ly atiti hawi y sa nai keungchi i tlang tleaung y awm lawh reng,” nanai ne.