JEREMIA 24:5 - Khumi Common Language Bible

⁵ “Babulon mary mang y abang naichi ly thaidu athai kahawichi hawi atawm, nanai Israela chengchi i Tameuh kai, Areng my adawn pasym iy, kai ly neaung hawi parai naimy kry ai.

JEREMIA 24:5 Iomraidhean Croise

SAM 119:67

Nang ly kai ai pajeng y rai khala kai ly lam tamang lawh teu i py, vai ly nang i leu tangai bo mang.

SAM 119:71

Pajeng naira avum nai ly kai i vui hawi khyp; ati mana nai mo nabaly huna nai avum nai molam y kai ly reita leaungsaichi ai pany thai nai ne.

JEREMIA 24:4

Hunai deaungkho y Areng i leu ly kai teng y ang tym,

JEREMIA 29:11

Nangchi i vui kai i pasym yb nai katauchi ly kaimy naini pany khyh. Huni sa ai tau naichi ly nangchi ai nang chawn hai ai nai ne i, nangchi mo mang i vui amcheang hai ai nai sa ai tau nai ne. Nangchi ai ka-jeira tym hai ai nai tau naichi ny y leang.

JEREMIA 29:20

Jerusalem mary i dengdairei Babulon mary mang y, kaimy pri pala nai khumi bawibawichi awi, nangchi ly kai, Areng i leu pei nai tangai u,’ napi.

JEREMIA 29:4

“Israela chengchi i Tameuh, ati cheaungkhang sa thai nai keung Areng ly Jerusalem mary i dengdairei, Babulon mary mang y pri pala nai khumichi teng y,

Ezekiela 11:17

“Hunai deaungkho y sa thai naira awm nai kai Areng my leu pei nai ly nichi teng y thui pi. Kai ly cheng takhrachi theung i nai nangchi ai kang la teang iy, nichi ahei u dan nai prichira i nai, nichi ai kapangym ali teang ai. Israela pri py kapei pi ali teang ai.

Ezekiela 11:20

Huna nai y nichi ly kai i reitachi kry iy kai i leu pei naichi hawihai palai tangai u ai. Nichi ly kai i khumichi lawm iy kai py nichi i Tameuh lawm ai.

Levi 26:44

Na i py huna nai tym hai nai khumichi ly paleung ka-echi i pri y awm nai thym khala, kai ly nichi ai khai su ryp ai ny y, taphra py taphra vui ai ny y. Kaimy nangchi ai khai su lawh teu baly, kai hawi nichi sala asa nai Leu Maikawm ly phra vui ai. Kai ly nichi i Areng Tameuh ne.

NAHUM 1:7

Areng ly hawi, mymy i khumichi patang naira avum nai khala, ama hai bo. Mymy teng y abyh nai khumichi ai kry.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

MATTHAI 25:12

Na i py mymy ly ‘Meitang khyp kang thui pi, kang pany kang pacha y leang,’ napi nai pathang.

JOHAN 10:27

Kai i beramchi ly kai i raawi thai, kai py nichi ai kapany, nichi py kai teng y abang u i,

ROM AVANGCHI TENG Y PAWLA I CHA PA NAI 8:28

Naibaly Tameuh ai tamen nai keung mymy i khai rym nai kamta palau naichi i vui ly ati py tym sy, mymychi i vui hawi ai naira theu hai reng, nanai achi pany.

I KORINTH 8:3

na i py ami py Tameuh ai tamen baly mymy kypkyp ai ly ang pany.

KALATIA 4:9

Na i py vai ly nangchi ly Tameuh ai pany u nai bo y ly--ny y leang, Tameuh my nangchi ai pany nai bo y ly--nangchi ly ham y nai hawi awm atyhtyh nai pakeungchi i miseaung y awm u bi ai nai ngai u nai ly, hunichi mang y ly nangchi ly ati mana nai ali u teang nai mo?

Leu Thui Nai 8:16

Daichi ka-vym theung y nangchi i amsi pajochi cho vai y nai Manna tako ang pacho bo. Mymy ly kangkhym y nangchi amtheaungra nga u ai nai molam y, nangchi ai ngari kamtang avum hai bo. Huna nai ngari kamtang avum hai nai ly nangchi ai cham nai ne.

II TIMOTHEI 2:19

Na i py Tameuh i lengseaung leng nai kakhaw my ly awm jojo iy, hini pajawp typ nai ka-ma-ra ne i, “Areng ly mymy i khumichi ai ly ang pany,” nanai hawi, “Areng i amyn palau nai ngiereichi ly hawi y sa naira aheng u sy,” nanai py ne.

AMTENG HAI NAI 3:19

Kai i tamen nai ngiereichi ai ly parip py kang parip, chip py kang chip: hunai deaungkho y atho sa jojo iy, uikhei ly.