JEREMIA 23:8 - Khumi Common Language Bible

⁸ Nichi ly huna nai tleaung y kai ai ly Israela khumichi ai tosyh pri mang i dengdairei py, nichi ai ahei hai nai pri takhrachira i nai py, pahawi ali teang nai Tameuh kangheng palawn iy vaineng abeu u ai. Naibaly nichi ly mychi i saleaung khutengra y awm ai nai nga u ai,” napi.

JEREMIA 23:8 Iomraidhean Croise

ISAIA 11:11

Huni neng kani tym nai khala y, Areng ly mymy i sa thai nai haiho teaung bi iy Asuria pri, Aikupta pri, Pathros pri, Ethiopia pri, Elam pri, Babulon pri, Hamath pri, pangli peang meingtymchi hawi tlawnchira y awm rai nai Israela chengchi ai, mymychi i saleaung khuteng mang y pahawi ali teang ai.

ISAIA 14:1

Areng ly mymy i khumi Israela chengchi ai pahen ali teang nai ne. Mymy i khumichi palawn ai nai vawi takhra ai. Mymy ly nichi ai mychi i saleaung khutengra y awm u ali teang ai nai pei ai. Cheng takhra khumichi ly jeu iy nichi hawi vanrei awm u ai.

JEREMIA 16:14

Areng my, “Ami py kai teng y Israela khumichi ai Aikupta pri i dengdairei pahawi nai keung Tameuh kangheng ne, nanai vaineng abeu u y nai neng tym ai.

JEREMIA 16:15

Huna nai vaineng abeu ai nai tleaung y khumichi ly kai teng y Israela khumichi ai tosyh pri mang i dengdairei py, nichi ai kaimy ahei hai nai pri takhrachira i dengdairei py, pahawi ali teang nai Tameuh kangheng ne, nanai vaineng abeu u ai. Kai ly nichi ai mychi i pri, mychi i amsi pajochi teng y kaimy pei nai pri y pahawi ali teang ai,” napi. Hini ly kai Areng i thui nai leu ne.

JEREMIA 23:3

Kai ly kai i khumichi ai ahei hai nai prichira i awm rai naichi ai kala iy, mychi i pri y katha ali teang ai. Nichi ly cho chanau neangneang sa iy, khumi peung u ai.

JEREMIA 29:14

Nangchi ly kai ai avum angchi khyp ai i, kai py nangchi ai nangmychi i pri y kang pahawi ali teang ai. Kai ly nangchi ai ahei hai nai pri neangneangchira i nai pangym ali teang ai. Hunaibaly nangchi ai langheng y hawi ai nai patiu nai pri y, kang pahawi ali teang ai. Hini ly kai Areng i thui nai leu ne,’ napi.

JEREMIA 30:10

“Kai i khumichi awi, jei u moh; Israela khumichi awi, jei nai kaso theu u moh. Langheng y hawi iy nangchi awm u nai pri, huni pri kamlo dengdairei, nangchi ai kaimy atleu ai. Nangchi ly vawi teang iy tlamsa naimy awm u ai. Ami my py nichi ai pajei ai nai nga ai ny y.

JEREMIA 30:3

Ati mana nai mo nabaly kai i khumi Israela chengchi hawi Juda chengchi ai, kaimy palum teang ai nai neng tym ai nai deaungkho y ne. Kai ly nichi ai, mychi i amsi pajochi teng y pei nai pri y pahawi ali teang ai i, nichi ly huni pri amtym u ali teang ai. Hini ly kai, Areng i thui nai leu ne,” napi.

JEREMIA 31:8

Kai ly huni khumichi ai tosyh mang dengdairei kapahawi ai. Nichi ai khaileaung katem i nai kapahawi ai. Nichi hawi vanrei mei kamjuchi hawi, kheu kambaichi py, neampachy jeubomchi hawi tapen enten nai neampachychi py abang u ryp ai. Nichi ly cheng kalenchi kamta ang vawi u ai.

JEREMIA 32:37

Kai ly khrikhri pa-rei kado theu nai y nichi ai ahei hai nai prichira i dengdairei, kapangym ali teang ai. Naibaly nichi ai hini meingtym y kapahawi ali teang iy, chymme naimy awm hai ai.

JEREMIA 8:3

Kaimy ahei hai phro nai meingtymchira i dei kamthumchi, hini hawi y nai khumi chengchi ly mychi heng jo ai nai tleaung y dei ai nai ngai u keh alam ai. Hini ly ati cheaungkhang sa thai nai keung Areng i thui nai leu ne,” napi.

Ezekiela 28:25

Sa thai naira angym nai Areng my, “Pri takhrachira y ahei nai Israela chengchi ai kaimy pahawi ali teang ai. Kai ly kachai ne, nanai khumi cheng cheaungkhangchi my pany u ai. Israela chengchi ly mymychi i pri, kai i miseaung Jakob teng y kapei nai pri y awm u ai.

Ezekiela 34:13

Pri takhra mang i nai pakym chum baly nichi ai mymychi awm nai pri y palau teang ai. Kai ly nichi ai Israela mawichi hawi tavo micheaungchi mang y hawi iy, sui tlai nai kahawichira y kapacho ai.

Ezekiela 36:24

Kai ly nangchi ai pri tlei tleirei i nai pangym achu iy, nangmychi i saleaung khutengra y pahawi ali teang ai.

Ezekiela 36:35

Vaichi khala teaung ai ngo y nai, daichi ka-vym lawm nai khaileaungchi ly Eden akho lawm bo nanai py, vaichi khala taphra nai hawi tiu naira avum iy phra seaungkhrang nai marychira py, vai ly khaw parai nai tavai amtangrachi sa naimy khumichi awm teang bo, nanai khumi lutengchi my thui u lengleang ai.

Ezekiela 37:25

Nichi ly mychi i amsi pajochi awm reng nai pri, kai i miseaung Jakob teng y kaimy pei nai pri y awm u ai. Nichi kamta nichi i cho chanauchi hawi, nichi i kangpreang bawibawichi py, huni pri y awm u jojo ai. Kai i miseaung Davida kamta samrang ly nichi ai peang jojo ai.

Ezekiela 39:28

Huna nai khala kai i khumichi ly kai ai, mychi i Areng Tameuh ne, nanai pany u ai. Ati mana nai mo na baly kai ly vaichi khala, nichi langheng hawi vui nai avum hai teu i py, vai ly leaungrei py takhawi y na pa-rei pangym iy, mymychi i pri y tha teang nai deaungkho y ne.

JOELA 3:7

Nichi ai nangchi my jo nai meingtym i dengdairei, kaimy kapahawi ali teang ai. Nichi i tlang tleaung y nangchi my sa nai kamta, nangchi ai vai, kaimy sa teang ai.

MIKHA 7:15

Areng nangmy kaichi ai Aikupta pri i dengdairei pahawi nai thym khala, nangmy sa pi nai rengrang ka-ma-rachi patei pi kyh ba.

ZEPHANIAH 3:20

Ahei dan nai nangchi i chengchi ai mychi i pri mang y hawi ali teang nai neng tym ai! Kai ly nangchi ai khaileaung pri verei y amthang hai ai. Nangchi ai nang chawn hai teang ai,” napi. Hini ly Areng my thui pi nai leu ne.