JEREMIA 23:4 - Khumi Common Language Bible

⁴ Kai ly nichi ai kry ai nai peang nai keungchi kakhai pi ai. Kai i khumichi ly jei hyn u ai ny y. Kai ly nichi ai kapajeng ali bi ai ny y. Hini ly kai, Areng i thui nai leu ne,” napi.

JEREMIA 23:4 Iomraidhean Croise

ISAIA 11:11

Huni neng kani tym nai khala y, Areng ly mymy i sa thai nai haiho teaung bi iy Asuria pri, Aikupta pri, Pathros pri, Ethiopia pri, Elam pri, Babulon pri, Hamath pri, pangli peang meingtymchi hawi tlawnchira y awm rai nai Israela chengchi ai, mymychi i saleaung khuteng mang y pahawi ali teang ai.

JEREMIA 30:10

“Kai i khumichi awi, jei u moh; Israela khumichi awi, jei nai kaso theu u moh. Langheng y hawi iy nangchi awm u nai pri, huni pri kamlo dengdairei, nangchi ai kaimy atleu ai. Nangchi ly vawi teang iy tlamsa naimy awm u ai. Ami my py nichi ai pajei ai nai nga ai ny y.

JEREMIA 31:10

Areng my, “Aw khumi cheng cheaungkhangchi awi, kai i leu pei nai tangai u iy, kai i leu ai pangli vai pri kamlochira y thai hai u. Israela chengchi ai ahei hai nai keung kai ly nichi ai kachu ai. Beram typ nai keung ly my i beram kanghuchi ai kry nai kamta, kai ly nichi ai kry ai.

JEREMIA 33:26

Huna nai kai i kateng sa nai kamta, Jakob i kangpreangchi hawi py, kai i miseaung Davida hawi py, asa nai Leu Maikawm khaw hai jo ai. Kai ly Abraham, Isaka hawi Jakobchi i kangpreangchi ai peang ai nai, Davida kangpreang theung i leaungrei ai vawi takhra ai. Kai i khumichi ai nang chawn hai teang ai. Kai ly nichi i tlang tleaung y kapahen ai,” napi.

Ezekiela 36:11

Kai ly khumi hawi tawnbawichi peung hai ai. Nangchi ly cho chanauchi neangneang sa u ai. Jangni i kamta awm ai nai kang pei ai. Jangni tleaung y nang chawn hai ai. Huna nai khala kai ly Areng ne, nanai nangchi pany u ai.

Levi 26:9

Kai ly nangchi ai amtheaung hai nai deaungkho y, nangchi ly cho deaungdi neangneang sa u ai. Nangchi hawi asa nai Leu Maikawm ai khaw hai ai.

MIKHA 4:4

Khumi luteng ly mymychi i kreip akho, mymychi i thaidu keung akho theung y jei y naimy, tlamsa nai awm ai nai nga u ai. Hini ly ati cheaungkhang sa thai nai Areng my pei nai leu ka-deu ne.

MIKHA 5:2

Areng my, “Ephrat ka-peang Bethlehem mary awi, nang ly Juda pri y tahm theang keh nai mary harei ne i py, jangni i samrang kangpreang theung i, Israela chengchi ai peang ai nai samrang leaungrei amthawn ai,” napi.

MIKHA 7:14

Aw Areng, nangmy vawi takhra nai khumichi ai, beram typ nai keung kamta kry kyh ba. Nichi ly daichi theung y ahei akyhkyh teu i py, huni meingtym i paitiu khuta hawi nai khaileaung my, nichi ai taki teungtareung na sy. Nichi ai jangni khala y achachi peung nai Basan pri hawi Kilead prichira y sui tlai hai nai kamta, vai py hini pri y awm hai ba.

ZEPHANIAH 3:13

Dei kamthum Israela khumichi ly ami ai py tamang u ai ny y. Leu ka-chawi katheu nai py, tapawp ai nai atho sa ai nai py, sa u ai ny y. Nichi ly chawn, pa u ai. Ami ai py jei y iy, chymme naimy awm u ai,” napi.

Kati Nai 31:49

satang thai hai nai ly “Kaichi i leu anui y awm nai tavaimichi ai kaichi my kati nai khala, leaungrei py chau y nai ne.

JOHAN 17:12

Kai ly nichi teng y awm nai sala ryrei ly nangmy kai teng y au naichi ai ly nangmy i amyn y kaimy kry bo: nichi ai kaimy typ i, tama nai chapo ny y baly nichi theung y leaungrei py tamo y; huni py Tameuh i cha-iu leu sai tym thai ai nai ne.

JOHAN 18:9

Ni i leu ly, “Nangmy kai teng y au naichi theung y leaungrei ai py katamo y leang,” nanai tym ai nai thui nai ne.

I PETERA 1:5

nangchi ly kangkhym kangtem i neng y amteng ai nai sa rym nai paheng naira nga ai nai, ym naira deaungkho y Tameuh i sa thai naira y nangchi ai ang typ nai ne.