JEREMIA 23:16 - Khumi Common Language Bible

¹⁶ Ati cheaungkhang sa thai nai keung Areng my Jerusalem mary i khumichi teng y, “Amochi my nangchi ai athang khai hai atyhtyh nai deaungkho y, nichi i leu tangai u moh. Nichi ly mychi i paleung theung y dawn nai kamta thui u nai teu, kai i thui nai leu ny y leang.

JEREMIA 23:16 Iomraidhean Croise

1 ARENG KEH 22:11

Nichi theung i amo leaungrei Khenanah i chapo Zedekiah ly tamo meaung kamsuichi sa chum baly Ahab teng y, “Areng my, ‘nang ly hini kamsuichi hawi Suria chengchi ai tiu i, eaung ai mang,’ ang napi,” napi.

2 ARENG KEH 17:15

Nichi ly mymy i leu pei nai tangai u y; mymy hawi amsi pajochi asa nai leu maikawm ai py patawm u y. Mymy i pany hai nai leuchi ai py dawndan u y. Nichi ly ati sai py ny y naichi ai chiu u iy, nichi py ati sai py ny y nai khumichi lawm u bo. Tengpang sahawi i khumichi sa nai kamta, so u y ai nai, Areng i leu pei nai tangai u y naimy, huni khumichi i reita mang y abang u nai ne.

2 NENG SATANG 18:5

Hunai deaungkho y Ahab ly amo leaung 400 reichi ai palau i nichi teng y, “Kai ly Ramoth mary y tiu ai nai avo a, avo y a?,” nanai deng bo. Amochi my, “Huni mary ai tiu ba. Areng my nang ai eaung naira pei ai,” napi u.

LEU KACHENG 19:27

Deang awi, nang ly cheng naira amtiu nai anawn vui lawh baly, nangmy i pany yb naichi malawn py tami pawn ai.

JEREMIA 14:14

Na i py Areng my, “Amochi ly kai i amyn y ka-chawi thui u nai ne. Kai ly nichi ai kapato y leang. Nichi teng y ati sai py kataviu y. Ati sai py amteng hai y. Nichi i thui pi nai paleung mei hawi niu naichi ly kaimy amteng hai naichi ny y. Nichi i thui yb nai leuchi ly ati sai py ny y i, mychi phym atyhtyh nai teu.

JEREMIA 2:5

Areng my leu pei nai ly “Kai teng y ati kamngo niu nai y, nangchi i amsi pajochi ly kai teng i nai theu u nai a? Nichi ly vang teng y nai mynchi chiu u iy, mychi kypkyp py vang teng u y bo.

JEREMIA 23:21

Areng my, “Hini amochi ly kaimy pato y i py thui u nai ne. Nichi teng y ati leu sai py pei y i py, kai i amyn y leu thui u bo.

JEREMIA 23:26

Hini amochi ly mychi phym u nai leu ka-chawichi hawi, kai i khumichi ai mana tanrei lam tamang hai u ai rai mo?

JEREMIA 29:23

Hini ly nichi i vui khym taham lawm ai; ati mana nai mo nabaly khri pa-rei kamngo sa u nai deaungkho y ne. Nichi ly ami i aju chanauchi ai taphra u iy, Areng i amyn y ka-chawi leu thui u bo. Huna nai sa naichi ly Areng i kangai hawi amlau y. Mymy ly nichi i sa nai saichi ai chaipyn pa-rei pany nai keung ne. Hini ly kai, Areng i thui nai leu ne,” napi.

JEREMIA 29:8

Israela chengchi i Tameuh, ati cheaungkhang sa thai nai keung kai Areng my kang pany hai bo. Nangchi ly nangmychi theung i amochi hawi, mo mang i satang thui nai khumichi i, li-tapawp naira y awm u moh. Nichi i amangchi ai py tahm pateng u moh.

JEREMIA 9:12

Kaimy, “Aw Areng, “Ati mana nai y hini pri ly aki aleaung ai nai ngo y, phra seaungkhrang naimy tui by y nai daichi ka-vym kamta lawm lawh mo? Hina naichi pany thai nai khumi kacheng ly ami mo? Khumi takhrachi teng y thui pi pateang thai ai nai, ami hini satangchi ai ami teng y nangmy pany hai yb mo?,” nanai deng bo.

JEREMIA 9:20

Kaimy, “Neampachochi awi, Areng my leu pei nai tangai u. Mymy i leu ai hawihai palai dawn u patyp ly tangai u. Nangchi i chaniuchi vo kawp ai nai py, nangchi i ahawi ka-dawichi, si tlaiveu khulym thui kawp ai nai py, patiu pi u.

TANGAM NAI LEU 2:9

Mary apai katheuchi ly atleangra tleu piupa iy, anyn angso theung y a-up jo bo. Samrang hawi samrang i cho chanauchi ly vai ly pri takhra y pri pala naira avum u. Reita leu pei naichi amtiu nai py by y nai deaungkho y, amochi ly Areng i paleung mei y amteng pi naichi niu vai y leang bo.

Ezekiela 13:16

Jerusalem mary ly cheaungkhangra y hawi angym nai by y pui naimy, paleung mei y hawi angym naira niu bo, nanai thui u nai amochi ly mary apaichi kamta taphra u veng bo,” nanai nangchi teng y kang thui pi ai! Hini ly sa thai naira angym nai kai Areng i thui nai leu ne.

Ezekiela 13:23

Hunai deaungkho y nangchi ly teng y nai paleung mei y niu naichi ai, niu u ali bi ai ny y; lam tamang naira y tym hai nai leuchi thui u bi ai ny y. Kai ly Areng ne, nanai nangchi pany thai ai nai kai i khumichi ai, nangchi kiu i nai kaimy atleu ai,” napi.

Ezekiela 13:3

Sa thai naira awm nai Areng my, “Hini amo ka-khumchi ly taham si! Nichi ly kai i phailo my pany hai nai ngo y naimy, mymychi paseng amang iy thui u bo.

Ezekiela 13:6

Nichi i paleung mei y niu naichi ly kateng ny y iy, nichi i thui yb nai amo leuchi py ka-chawi leuchi ne. Areng i leu pei nai ne, nanai thui u i py, huni leu ly kaimy pei nai ny y leang. Na teu i py nichi thui nai kamta tym khyp ai, nanai athang khai u lawh ly!

Ezekiela 22:28

Amochi ly lengseaung apaira y theung kangleung pajui nai khumichi kamta, huni kamngochi apha hai u bo. Nichi ly paleung mei y niu naira teng y naichi ai niu iy teng y nai leuchi thui pi pateang bo. Nichi my mymychi ly sa thai naira angym nai Areng i leu kathui u nai ne, na u teu i py, huni leuchi ly khumichi teng y kathui pi vai y.

MIKHA 2:11

“Nangchi theung y kreip hang hawi rah neangneang awm ai, nanai li-tapawp reng nai amochi ai, hini khumichi ly ngai u nai ne.

MATTHAI 7:15

“Amo tapawp naichi teng y ly amkym u; hunichi ly beram peih akhiu iy nangchi teng y ang jeu i, nichi i theung mang y ly kasui hyn parai nai ne.

ROM AVANGCHI TENG Y PAWLA I CHA PA NAI 1:21

nichi ly Tameuh ai pany u iy, mymy ai ly Tameuh kamta tahm py khai u y, kawn nai leu py thui u y; nichi ly sai py ny y nai dawn u lawh i, mymychi i pany thai naira by y nai paleung ly veng bo.

I JOHAN 4:1

Ngai parai naichi awi, phailo bawibawi y ym u moh, phailochi ly Tameuh teng i nai ne mo, ny y mo, nanai cham u; ati mana nai mo nabaly khaileaung pri y ly leu thui tapawp nai neangneangchi theu bo.