JEREMIA 23:12 - Khumi Common Language Bible

¹² Nichi i tako nai lam ly panai iy vengpam ai. Kai ly nichi ai athei iy atlym hai ai. Nichi i tlang tleaung y ka-jeira tym hai ai. Nichi ai pajeng ai nai neng kani tym ai. Hini ly kai Areng i thui nai leu ne,” napi.

JEREMIA 23:12 Iomraidhean Croise

JOBA 18:18

Ni ly khaileaung pri i dengdairei, patheu vui nai avum ai. Kangvang i nai kaveng mang y patheu vui nai avum ai.

SAM 35:6

Areng i kani pri amtaw thai naimy ly nichi ai patiu ai nai preang nai thym khala, nichi i angpreng nai lam ly vengpam nai y athei u sy!

SAM 73:18

Nang ly nichi ai athei reng nai meingtym y athei hai iy myh kang hai ai.

SAM 82:5

“Nangchi ly cheng naira by y! Khri pa-rei akhum na ly! Nangchi ly meitang khyp, jawi tamang u bo; leu meitang adyh adawi nai sai ly khaileaung pri i nai tama veng bo.

THEU NAI 32:34

Vai chei iy nang teng y kang thui pi nai meingtym y tym pa-rei nichi ai pahawi; kai i angel my nang ai lam patei ai; na i py hini khumichi i kamngolai kapajeng ai nai neng tym ai mang,” napi.

LEU KACHENG 4:19

Na i py khumi hawi y naichi i tako nai lam ly vum kamta veng nai ne. Nichi ly atlym i py, mychi ati ai pathuikhe iy atlym nai mo, nanai pany u y.

ISAIA 8:22

khaileaung y khen kathiu nai khala py, ngari kamtang hawi taham kasi veng nanai ny y baly, ati sai py niu u ai ny y. Huna nai jei hyn ai hawi nai taham kasi ly huni khumichi teng y tym ai.

JEREMIA 11:23

Anatho mary i khumichi tlang tleaung y ka-jeira tym ai nai kaimy khai takhra bo. Huni kani y nichi ly heng nai khumi leaungrei py tleaung ai ny y.

JEREMIA 13:16

Nangchi i Areng Tameuh ly kani dym hai nai deaungkho y, nangchi ly mawi salo y athei iy, atlym y rai khala y hawi, mymy ly nangchi ajeng nai kangvang ai kaveng palawn y rai khala y py, nangchi ly Areng Tameuh ai palo u.

JEREMIA 48:44

Jei hyn ai hawi naira i law tleaung ai nai atho sa naichi ly huni angawm theung y tla u ai. Hum angawmra i lyn kalau nai khumichi ly deaungchira y man u ai. Ati mana nai mo nabaly Moba pri ai tamyh ai nai neng ly kaimy khai takhra yb nai deaungkho y ne.

JEREMIA 50:27

Tavaimi risachi ai padei u! Khumi neangneangchi ai padei u! Babulon khumichi ly taham si u bo! Nichi ly kamngo pajeng naira avum ai nai neng kani tym bo!” napi.

JEREMIA 8:12

Kai i khumichi ly amso ngai naichi sa u nai molam y kaji u a? Lym lym kaji u y, kangji meimai py amteng y! Hunai deaungkho y nangchi ly khumi takhrachi kamta atlym u ai. Kaimy pajeng nai khala nangchi ly ang thau u pajau ai ny y. Hini ly kai Areng i thui nai leu ne.

TANGAM NAI LEU 2:20

Aw Areng, khen cham rai! Nang ly kaichi ai, ati mana nai y hina tanrei pajeng lawh mo? Neampachychi ly mychi i khrei nai cho chanauchi i ngan cha u bo he! Pathyp pi nai keungchi hawi amochi ai py, Achura yhm theung y padei u pawn na bo ly!

MIKHA 7:4

Kawp keh, pany keh napi nai khumichi malawn py, acha keung kamta vang teng y nai ne. Tameuh ly nichi ai typ nai tamcheaung lawm nai amochi dengdairei, pany hai nai kamta, khumichi ai Tameuh my pajeng ai nai neng tym bo. Nichi ly vai, tapai taveang u na bo.

JOHAN 12:35

Naibaly Isu my nichi teng y, “Kangvang ly tanarei chy sala y nangchi theung y awm rai; kaveng my nangchi ai kai y ai nai kangvang awm nai sala y pavai u; ami py kaveng y pavai nai ly mymy i tako ai naira pany y.

Leu Thui Nai 32:35

Areng ly paleung ka-echi ai pajeng iy vawitheung tha ai; nichi i sum nai neng tym ai; nichi myh ai nai neng ly kasa bo.

I JOHAN 2:11

Na i py amy i amjo amnau ai niu ngai y nai khumi ly kaveng y awm iy, kaveng y tako nai py ne teang; kaveng my ly mymy i mei ai paju hai nai deaungkho y mymy ly amy i tako ai nai lam py pany y.

JUDA 1:13

pangli tui sampyh thi nai, mymychi i kaji ai nai satang ly phawn achen naichi ne: ajau nai ka-si, hunichi i vui ly deungtasarei kaveng thokha nai pateung nai ne.