JEREMIA 22:8 - Khumi Common Language Bible

⁸ “Naibaly cheng takhra khumi neangneangchi ly huni sahawi mang tako prei naimy, hini mary pui ai ati mana nai y kai Areng ly hina naichi kasa lawh mo, nanai nichi adeng u leungtang ai.

JEREMIA 22:8 Iomraidhean Croise

JEREMIA 16:10

“Hini atitichi ai khumi mipuichi teng y nangmy thui pi nai khala y, nichi my, Areng ly ati mana nai kaichi ai hina tanrei pajeng ai nai leu pacheang lawh mo? Kaichi ly ati ka-jo ka-thui awm lawh mo? Kaichi i Areng Tameuh tlang tleaung y ati katamang u lawh mo?” nanai nang teng y ang deng u ai.

JEREMIA 40:2

Tavailu areng ly kai ai, kaimyni leaung nyhrei ka-vum sa ai nai palau iy, “Nang i Areng Tameuh ly hini pri taphra ai nai pajei nai kamta,

JEREMIA 40:3

vai ly ang sa pi khyp bo. Hina nai tym nai ly nang i chengchi my Areng i tlang tleaung y kamngo sa iy, mymy i leu tangai u y nai deaungkho y ne.

TANGAM NAI LEU 4:12

Meingtym tleirei i khumichi hawi cheng takhrachi i samrangchi ly mani paleung ka-e py, Jerusalem mary apaichi theung y kun pajau ai, nanai ym y.

Ezekiela 12:16

Nichi theung i khumi maidenreichi ai ly tavai takai y, tahum takang y hawi no kanghawichira i nai kapaheng ai. Huna khala y naini khumi cheng cheaungkhangchi theung y tym nai khumichi ly mymychi i sa nai leaungsaichi ly amso ngai hawi nai ne, nanai pany u vau iy, kai ly Areng ne, nanai py pany u ai”, napi.

Ezekiela 14:23

nang ly nichi i amhi amtlau nai saichi niu nai khala, kai ly ati mo ra py so atyhtyh y leang, nanai hawihai pany ai,” napi. Hini ly sa thai naira angym nai Areng i thui nai leu ne.

Ezekiela 39:23

Israela chengchi ly kai i tlang tleaung y sa tamang nai kamngo deaungkho y, pri pala naira avum bo, nanai py, khumi cheng cheaungkhangchi my pany u ai. Kai ly nichi ai nithun thun hai vui iy, paleung ka-echi i kiu y tym hai i, tavai keung y dei hai bo.

Ezekiela 5:15

“Kai ly nang i tlang tleaung y khri pa-rei kado theu hai iy, no-ei pa-rei kang pajeng nai khala, tengpang sahawi i khumi cheng cheaungkhangchi ly jei athengra naimy, nang i amso ngai nai niu iy ang panui hai ai.

DANIELA 9:7

Aw Areng, nang ly kateng sa jojo nai ne. Na i py kaichi ly kaimychi ai kangji nga hai bo. Juda pri y py, Jerusalem mary y py, awm nai khumichi hawi nang i leu tangai y nai deaungkho y, kamlo kang sa prichi mang y ahei akyhkyh nai Israela cheng bawibawichi py, huna nai kamta mymychi ai mychi naimy tahm anem hai u bo.